Judu 1:3 - Ika

³ Ezi umunẹ m, o te dụka m nị m deni ụnụ oku nzụọpụha hụn ẹnyi ile nwọn, kanị a hụn m'a n'ọ rịka mkpa nị m deni ụnụ hụnnị gi sị ụnụ shikẹnmẹ ọnwụn chedọn Ụzọ-okukwe ahụn Osolobuẹ bugụ che ẹka ndị nsọ, ndị nke ẹ.

Judu 1:3 ပူးပေါင်းရင်းမြစ်များ

Nehemiah 13:25

M nọ sọn ikẹnnyẹ ndị hụ kpemẹ, bụ wẹ ọnụ; m nọ gbu ụfọdụ imẹ wẹ ili, huepụ ntutu wẹ. M nọ mẹ wẹ kun Ẹfan Osolobuẹ, sị wẹ, “Ụnụ ewekọ ụmụ ụnụ ye ụmụ wẹ lụrụ; ụnụ alụkọ ụmụ wẹ ye ụmụ ụnụ mọbụ lụrụ ụmụ wẹ.

Azaya 45:17

Kanị Osolobuẹ k'a zụọpụha ndị Izrẹlụ, nzụọpụha hụn k'a rị jẹnrin ejẹn; d'e ru ọgụgụ ogẹn ụnụ afakọ, o kpuyekọ ụnụ!

Azaya 45:22

Buruhẹ nị m nwan nị m zụọpụha ụnụ, ndị ile rị elu-ụwa! Makẹni, mmẹ wụ Chuku, ọzọ arịa.

Jerimaya 9:3

Osolobuẹ sị, “Wẹ e bu ire wẹ e zinmẹ lekẹ ụta — ntụ hụ a tụpụha lekẹ ọbara-ụta; arị wẹ e gi ezioku a wụrụ okẹn-ịhịan wẹ rị a wụ imẹ alịnị. Wẹ hụ e mẹsọnmẹ njọ; amarịn wẹ m.

Ọrụn Ndị-ozi 17:3

a kọwa, a ghọsị nị Ẹkụkwọ-nsọ ku ẹ nị Onyẹ hụ Osolobuẹ tumẹ k'a ta afụnfụn, n'o k'a ghazịkwọ ọnwụn lihi. Ọ hụ a sị wẹ, “Jesuni m rị a gwa ụnụ oku ẹ wụ Kraịstị, Onyẹ hụ Osolobuẹ tumẹ.”

Ọrụn Ndị-ozi 18:28

Makẹni, ọ nọ idẹnya ịhịan ile a zachanrịn ihiẹn ile ndị Ju rị a dọ, e gi Ẹkụkwọ-nsọ a ghọsịchanrịn nị Kraịstị hụ Ẹkụkwọ-nsọ rị e ku oku ẹ wụ Jizọsị.

Ọrụn Ndị-ozi 20:27

A gwachanrịngụọ m ụnụ ihiẹn ile wụ uche Osolobuẹ k'ọ nọ — eserini m isi latọ hụn ọwụlẹ.

Ọrụn Ndị-ozi 28:28

Marịn nị nwan n'e zigụọ wẹ ndị alị ọzọ ozi nzụọpụhanị gha ẹka Osolobuẹ bịa: nị wẹ gọnghọ ntịn!”

Ọrụn Ndị-ozi 4:12

Onwọnni onyẹ ọzọ nzụọpụha gha ẹka a a bịa, makẹni onwọnni ẹfan ọzọ rị okpuru elu-igwee hụn Osolobuẹ ye ịhịan n'o gi nwọn nzụọpụha karị ẹfan Jesu.”

Ọrụn Ndị-ozi 6:7

Oku-Chuku hụkwọ a ghagbarị, e ru ndị bu ọda ẹka, ndị kwerini hụ e buwaye ọda imẹ Jerusalẹm; ndị nchụn-ẹjan bu ọda nọ gbehutọ sọnmẹ Ụzọ Jesu.

Ọrụn Ndị-ozi 9:13

Kanị Ananayasị nọ za, sị, “Di-nwọnni-ẹnyi, ndị bu ọda a gwaọlẹ m oku okẹnnyẹni lẹ eje-ihiẹn ile o mẹ ndị-nsọ ị rị Jerusalẹm.

Ọrụn Ndị-ozi 9:22

Kanị ẹka Sọlụ hụ e zewaye, ndị Ju bi Damaskọsụ asanị ẹka gburi ọnụ a, makẹni ọ hụ a ghọsịchanrịn nị Jizọsị wẹ rị e ku oku ẹ wụ Kraịstị Onyẹ ahụn Osolobuẹ tumẹ.

Ndị Kọrẹntị Ibuzọ 15:3

Makẹni, ihiẹnni kachanrịn mkpa kẹ wẹ kuzi m; ịya kẹ mmẹ nwẹn kuzizi ụnụ: nị Kraịstị gi ufiri njọ ẹnyi nwụnhụn kẹ Ẹkụkwọ-nsọ dọn ku ẹ n'o k'a nwụn;

Ndị Galeshịa 2:5

Kanị, ẹnyi ekweyenini wẹ kaka akpohu, makẹni ẹnyi chọ nị ẹnyi kwọnkẹnmẹni ụnụ ezioku rị oziọma, kẹni ụnụ marịn a, marịn a k'ọ rịchanrịn.

Ndị Galeshịa 3:28

Ya wụ nị onwọnzini ihiẹn rị ichẹn ẹgbata ndị Ju lẹ ndị wụlẹni ndị Ju; ẹgbata igbọn lẹ onyẹ nwọn enwẹn ẹ; ẹgbata ikẹnnyẹ lẹ ikpoho: ẹnyi ile wụ ohu imẹ Kraịstị wụ Jizọsị.

Ndị Galeshịa 6:11

Lee ni akpụrụ-ẹkụkwọ ndịnị nọ jakpo-jakpo m gi ẹka m deni ụnụ.

Ndị Ẹfẹsọsụ 1:1

Mmẹ wụ Pọlụ de Ẹkụkwọ-ozini. M wụ onyẹ ozi pụ-ichẹn Kraịstị Jizọsị ghahanị uche Osolobuẹ. M rị e dejẹnni ndị nsọ Osolobuẹ rị Ẹfẹsọsụ, ndị wẹ gi e dọn ẹnya imẹ Kraịstị Jizọsị.

Ditrọnọmi 21:9

Ẹrịra kẹ ụnụ e gi wepụ ikpe-ọmụma hụn igbu onyẹ nwọnlẹni ihiẹn o mẹ e wẹhẹ imẹ igunrun ụnụ, ebe o mẹni ụnụ e mẹgụọ ihiẹn rị Osolobuẹ mma ẹnya.

Ditrọnọmi 9:10

Osolobuẹ nọ ye m ibe ọmụma ẹbụọ o gi ẹka ya lẹ enwẹn ẹ wụ Chuku deye ihiẹn. Iwu ahụn ile ọ gha imẹ ọkụn ahụn rị elu ugu ye ụnụ ụhụọhịn ụnụ zu ukun ugu ahụn k'o deye ibe-ọmụma ndị ahụn.

Ndị Filipi 1:1

Pọlụ lẹ Timoti de ẹkụkwọ-ozini. Ẹnyi wụ igbọn Kraịstị wụ Jizọsị. Ẹnyi rị e dejẹnni ndị ile rị imẹ Kraịstị wụ Jizọsị, ndị nsọ Osolobuẹ, hụn rị Filipi, uwẹ lẹ ndị-isi wẹ lẹ ndị-ọrụn ụka wẹ.

Ndị Filipi 1:27

Ka bisọnmẹni obibi furu oziọma Kraịstị, n'o mẹni kẹ m bịa d'a hụn ụnụ kẹ abịanị m, nị ntịn kẹ m gihụ nụ ukwere ụnụ, e gi m'ẹ dọn nị ụnụ gi mmọn ohu wuzo, gi obi ohu a lụ ọgụn ụnụ gi a kwadọn ihiẹn ile oziọma sị ẹnyi kweri;

Ndị Kolosị 1:2

Ndị nke Osolobuẹ rị Kolosi, umunẹ furu wẹ gi e dọn ẹnya imẹ Kraịstị, kẹ ẹnyi dejẹnn'ẹ. Osolobuẹ wụ Nẹdi ẹnyi ya mẹni ụnụ ẹfọma, ye ụnụ udọn.

Ndị Tẹsalonika Ibuzọ 2:2

Ọsụọn'a nị ẹnyi a tagụọ afụnfụn imẹ Filipi kẹ ụnụ lẹ enwẹn ụnụ dọn marịn, e gbe wẹ ifẹnrẹn ye ẹnyi ihun ebẹhụ, kanị, hụn ahụn ẹnyi rị a lụ ọnwụn, ẹnyi nọkwọ hụn ikẹn saẹka kushi ikẹn ghahanị ikẹn Osolobuẹ zi ụnụ oziọma Osolobuẹ.

Timoti Ibuzọ 1:18

Timoti nwa m, m rị e ye i iwu ndịnị makẹ amụma ndị hụ wẹ bu banyen'i ogẹn mbụ, kẹni ị saẹka gi wẹ lụ ọgụn ahụn rị mma,

Timoti Ibuzọ 6:12

Lụ ezigbo ọgụn ahụn okukwe ẹnyi chọ; kwọnkẹnmẹ ndụn itẹbitẹ hụn Osolobuẹ gi ufiri ẹ kpọ ị, hụn i gizi ufiri ẹ nọ idẹnya ndị bu ọda ku ẹ n'i kwerichanrịnnị Jizọsị.

Timoti Nke Ẹbụọ 1:13

Sọnmẹ ụdị nkuzi ahụn zu oke ị nụ ọnụ m; e gi okukwe lẹ ihiẹn-ọsụsụọ hụn rị imẹ Jesu Kristi e sọn ẹ.

Taịtọsụ 1:4

M rị e dejẹnni Taịtọsụ, hụn wụ ezigbo nwa m imẹ okukwe ẹnyi. Ẹfọma lẹ udọn, hụn gha ẹka Osolobuẹ Nẹdi ẹnyi lẹ Kraịstị wụ Jizọsị Onyẹ-nzụọpụha ẹnyi a bịa, ya rịn'ị.

Hibru 13:22

M rị a rịọ ụnụ umunẹ m, dodo, nabanhan nị oku nkasị-obini m deni ụnụ, n'o suekẹni.

Hibru 6:9

Kanị, ndị m bu obi, ọsụọn'a nị ẹnyi rị e ku ẹnịna, obi ru ẹnyi alị nị nke ụnụ jẹnkọ d'a ka mma; nị nke ụnụ k'a wụ nzụọpụha lẹ ihiẹn ya lẹ nzụọpụha wị.

Pita Ibuzọ 5:12

Sivanọsụ yeni m ẹka de ẹkụkwọ-ozini mẹ ẹkẹrẹ; nwẹnẹ ẹnyi hụn m weri n'o furu wẹ gi e dọn ẹnya k'ọ wụ. M de ẹkụkwọ-ozini kẹni m gi ẹ gba ụnụ umẹ, gizi ẹ ku nị ụzọ-Kraịstị wụ ezigbo ẹfọma ahụn Osolobuẹ mẹni ịhịan; turukẹnmẹ ni nwan imẹ ẹ.

Pita Nke Ẹbụọ 1:1

Mmẹ, Simiọnụ wụ Pita, de ẹkụkwọ-ozini. M wụ igbọn Jizọsị Kraịstị; m wụzịkwọ onyẹ-ozi ẹ pụ-ichẹn. M rị e dejẹnni ndị Osolobuẹ ye ẹnyi lẹ wẹ okukwe ohu ahụn rị okẹn mkpa ghahanị ezi-omumẹ Jesu Kristi hụn wụ Osolobuẹ ẹnyi lẹ Onyẹ-nzụọpụha ẹnyi.

Pita Nke Ẹbụọ 2:21

O te ka wẹ mma nị amarịntudẹni wẹ Ụzọ hụ rị ọchan karị nị a marịngụ w'a, a gbakịtọ wẹ oku lẹ iwu hụ rị nsọ wẹ ye wẹ azụụn.

Judu 1:1

Mmẹ wụ Judu de ẹkụkwọ-ozini. M wụ igbọn Jesu Kristi. M wụzịkwọ nwẹnẹ Jemisi. M rị e dejẹnni ndị ahụn Osolobuẹ họrị, ndị ahụn rị Chuku-Nẹdi obi, ndị ahụn Jesu Kristi dọnmẹ:

Judu 1:17

Kanị ụnụ nwẹn, ndị nke m, nyanhan nị oku ndị-ozi pụ-ichẹn Di-nwọnni-ẹnyi wụ Jizọs Kraịstị tumẹ gwatọ ụnụ:

Judu 1:20

Nke ụnụ ezi umunẹ m, e sue ni imẹ Okukwe ahụn rịchanrịn nsọ ụnụ rị e sọn; e mẹ ni ekpere kẹ Mmọn-nsọ dọn chọ.

Rẹvẹleshọnụ 12:11

“Kanị e gi wẹ ẹdeke Nwa-ebulu hụ lẹ oku wẹ gi shịan'a ẹri mẹri ẹ; ndụn wẹ a danị wẹ, e kweridẹ wẹ nị wẹ gbu wẹ.

Rẹvẹleshọnụ 2:10

Atụlẹ ni egun afụnfụn ụnụ jẹnkọ nwan d'a ta. Lee ẹ, Ekwensụ e d'a tụ ụfọdụ imẹ ụnụ ngan kẹni wẹ gi ẹ lele ụnụ. Ụnụ k'a ta afụnfụn akpọhịn iri. Kwọnkẹnmẹ ni okukwe ụnụ d'e ru ọnwụn, e gi m ndụn wụ ndụn tu ụnụ ugọn.