Joshụa 7:1 - Ika

¹ Kanị ndị Izrẹlụ gi ẹka-ẹbụọ sọn ihiẹn ndị ahụn wẹ gi kwanị Osolobuẹ wẹ sị wẹ ewelẹ; Ekanị nwa Kami nwa Zimri nwa Zẹra, onyẹ ebọn Juda, gha imẹ ihiẹn ndị ahụn wẹ gi kwanị Osolobuẹ weri, Osolobuẹ nọ gi olulu mẹ ndị Izrẹlụ ihiẹn.

Joshụa 7:1 ပူးပေါင်းရင်းမြစ်များ

Jẹnẹsisi 34:27

Ya ụmụ Jekọpụ nọ banye imẹ obodo ahụn ozun jun, buruchanrịn ihiẹn ile rị obodo ahụn wẹ nọ mẹrụ nwẹnẹ wẹ okpoho.

Samuẹlụ Nke Ẹbụọ 24:1

O nwọn ogẹn Osolobuẹ gi weni ndị Izrẹlụ iwe, ọ nọ nu Defidi n'o mẹ wẹ ihiẹn; ọ sị “Jẹn d'a gụn ndị Izrẹlụ lẹ ndị Juda.”

Ndị-nze Nke Ẹbụọ 5:24

Ogẹn Gẹhazi gi ru ugu ebe ụlọ Ẹlaịsha rị, ọ nọ bunarịn ndị idibo hụ ihiẹn ndị ahụn, bu wẹ che mmụlọ. Ọ nọ zi wẹ la, ya wẹ nọ lama.

Ihiẹn Mẹni Nke Ibuzọ 21:7

Ihiẹn Defidi mẹ asụọzịkwọnị Osolobuẹ. Ya Osolobuẹ nọ mẹ Izrẹlụ ihiẹn.

Ihiẹn Mẹni Nke Ẹbụọ 24:18

Juda nọ gbakitọ Ụlọ-nsọ Osolobuẹ wụ Chuku ndị nẹdi wẹ azụụn, femẹ osisi ndị wẹ zumẹni onyẹnnyẹ-mmọn Ashẹra lẹ mmọn ndị wẹ kpụ. Ufiri njọnị wẹ mẹ, ize Juda lẹ Jerusalẹm nọ ban Osolobuẹ.

Ẹzra 9:6

mẹ ekpere, sị, “Euu Chuku m, ifẹnrẹn lẹ ịfanị anịnị m bu ihun zinmẹ i, Chuku m, makẹni njọ ẹnyi mẹ ejẹnnahịngụọ isi ẹnyi enu, ikpe manị ẹnyi e rugụọdẹ elu-igwere!

Jobu 35:8

Ịhịan nọ kẹ ịyụ sụọ kẹ njọ ị e mẹtụ; Ịhịan sụọ kẹ mma e mẹtụ.

Ẹkịliziastisi 9:18

Amamihiẹn ka ihiẹn-ọgụn ikẹn; akpụ mmẹfie ohu nwọn ikẹn wiwi ihiẹn rị mma bu ọda.

Daniẹlụ 9:7

“Di-nwọnni-ẹnyi, y'e emẹni eje-ihiẹn; ẹnyi mẹ, ẹnyi ile gi nwan rị e ri ụya tannị — ẹnyi ndị Juda lẹ ndị Jerusalẹm lẹ ndị Izrẹlụ ile, kẹ ndị rị ẹhụ nsue kẹ ndị rị ụz'ote imẹ alị ile hụn ị gi ufiri nnupụ-isi ẹnyi feyịya ẹnyi ye.

Lẹvitikọsụ 10:6

Mozizi nọ sị Ẹrọnụ lẹ ụmụ Ẹrọnụ wụ Ẹliẹza lẹ Itama, “Ahapụkwọlẹ ni isi ụnụ ya-ya-ya nị ụnụ rị a kwan ndị hụ Osolobuẹ gi ọkụn dụngbu mọbụ dọka ẹkwa ụnụ, amamgbe ụnụ a nwụnhụn, ize ndị Izrẹlụ ile a ban Osolobuẹ. Kanị, umunẹ ụnụ, ikpụnọ Izrẹlụ ile, nwọn ikẹn kwan ndị hụ Osolobuẹ gi ọkụn dụngbu.

Jona 1:7

Ndị hụ a rụn ọrụn imẹ ụgbọ nọ sị ibe wẹ, “Nị ẹnyi tụ nị mkpọ marịn onyẹ sehẹ eje-ihiẹnni.” Wẹ nọ tụ mkpọ, ọ nọ nwụn Jona.

Joshụa 22:16

“Ndị nke Osolobuẹ ile sị, ‘Kị wụ orireni ụnụ rị e re Osolobuẹ Izrẹlụ? Nanị ụnụ dọn nwan gbakitọ Osolobuẹ azụụn, rụnrụn ukpo nchụn-ẹjan gi nupụ isi okpuru Osolobuẹ?

Joshụa 22:18

ụnụ a gbakitọmazị nwan Osolobuẹ azụụn? Ụnụ nupụ nị Osolobuẹ isi tannị, o ru ekile o gi iwe sọn Izrẹlụ ile.

Joshụa 22:20

Ogẹn hụ Ekanị nwa Zẹra gi latọ ihiẹn Osolobuẹ ku, weri ihiẹn wẹ gichanrịn kwanị Osolobuẹ, ẹlẹ ọnụma lẹ afụnfụn kẹ Osolobuẹ gi sọn Izrẹlụ ile? Ndị ọzọ e gizighọ ufiri njọ a nwụn.’ ”