Joshụa 5:14 - Ika

¹⁴ Ọ nọ sị, “Onwọnni azụụn m rị. Mmẹ wụ ọkị-agha ndị-agha Osolobuẹ; a bịagụọ m nwan!” Joshụa nọ gbu osekpu, bu ihun kpumẹ alị, ye ẹ ọghọ, sị a, “Diọkpa, k'ị sị odibo i mẹ?”

Joshụa 5:14 ပူးပေါင်းရင်းမြစ်များ

Jẹnẹsisi 17:17

Ebraham nọ tụha enwẹn ẹ ye alị, bu ihun kpumẹ alị, mụ ẹmụ, sị enwẹn ẹ, “Nị okẹnnyẹ rị nwa ahụa ọgụn-isẹn saẹka mụ nwa? Nị Sẹra hụn rị nwa ahụa iri kwasị ọgụn-ẹnọ saẹka mụ nwa?”

Jẹnẹsisi 17:3

Ya kẹ Ebram nọ gbuni Chuku osekpu. Chuku nọ sị a,

Samuẹlụ Nke Ẹbụọ 7:19

Ọ nọkẹ sị ọhụn ehidẹni i ẹnya, Osolobuẹ nwọn ihiẹn Ile, y'e kugụọzị nwan oku ihiẹn i jẹnkọ d'e mẹni ikpụlọ mmẹ wụ odibo i ihun. Euu Osolobuẹ nwọn ihiẹn ile, ẹkanị k'i gi e sọn ịhịan?

Samuẹlụ Nke Ẹbụọ 7:20

“Kị Defidi k'a sazị nwan ẹka sị ị? Ịyụ wụ Osolobuẹ nwọn ihiẹn ile a marịnghọ odibo i.

Ẹbụ-ọma 110:1

Osolobuẹ sị di-nwọnni-m, “Nọdị alị ẹka-nni m, d'e ru mgbe m bugụ ndị-iṅẹnrẹn i che okpuru ụkụ ị.”

Ẹbụ-ọma 24:10

Onyẹ wụdẹ Ezeni nwọn ọghọ? Osolobuẹ hụn Nwọn ikẹn ile — ịya wụ Eze ahụn nwọn ọghọ. Sẹla

Ọpụpụ 4:10

Kanị Mozizi a sị “Euu, Osolobuẹ, amatuni m ku oku — kẹ mbụ kẹ hụnnị ị gwama mmẹ odibo i oku. M'a ta oku ata; m'a sụ nsụ.”

Ọpụpụ 4:13

Kanị Mozizi nọ sị, “Euu Osolobuẹ, dodo zijẹn onyẹ ọzọ!”

Azaya 55:4

Lee ẹ, e gigụọ m'a họnrin ọshẹri jẹnni ndị alị ichẹn-ichẹn, onyẹ-ndu lẹ ọkị-agha alị ichẹn-ichẹn.

Azaya 6:8

Ya kẹ m nọ nụ olu Osolobuẹ k'ọ sị, “Onyẹ kẹ m'e zi? Onyẹ k'e jẹnni ẹnyi?” M nọ sị, “Lee m ebeni. Zi m!”

Izikẹlụ 3:23

Ya m nọ lihi ọtọ, shi ọdanmgbugbu. E lee ọghọ Osolobuẹ gi pụha k'ọ mawuru ebẹhụ nọkẹ hụn m hụn mkpẹnrẹn Iyi-Kẹba; m nọ bu ẹfọ mama alị.

Daniẹlụ 10:13

Kanị mmọn hụn rị a kị alị-eze Pẹshịa gbọnkin m ụzọ ọrọgbọ akpọhịn ohu-kwasị-ọgụn. Ya Maịkẹlụ, hụn wụ onyẹ ohu imẹ ndị-isi ndị mmọn-ozi nọ bịa d'e yeni m ẹka, makẹni mmọn rị a kị alị-eze Pẹshịa te gbọndọn m ebẹhụ.

Daniẹlụ 10:21

Kanị, m k'a gwagụ ị ihiẹn wẹ deye imẹ Ẹkụkwọ Ezioku.” “Onwọnni onyẹ e yeni m ẹka a lụsọn wẹ agha wezụka Maịkẹlụ, mmọn-ozi ụnụ.”

Daniẹlụ 12:1

“O ru ogẹn hụ, Maịkẹlụ onyẹ-isi ndị mmọn-ozi, onyẹ hụn e che ndị nke ụnụ nche, k'a pụha. Ogẹn nsọngbu k'a rị, ụdị hụn rịtulẹni kete anị ichẹn-ichẹn e bidọnlẹ. Kanị, o ru ogẹn hụ, wẹ k'a gbapụha ndị nke ụnụ, wẹ ile ẹfan wẹ rị imẹ ẹkụkwọ hụ.

Daniẹlụ 8:11

O bushi enwẹn ẹ elu, bunụmadẹni Onyẹ kị ndị-agha elu-igwee; gbọndọn wẹ achụyelẹn'ẹ ẹjan w'a chụsọnmẹ ụhụọhịn-ụhụọhịn, welụa Ụlọ-nsọ a alị.

Lẹvitikọsụ 9:24

Ọkụn nọ gha ebe Osolobuẹ rị bịa d'e ripụ ẹjan hụ w'a dụn ọkụn lẹ ụtọrọ ndị hụ rị elu ukpo nchụn-ẹjan. Ogẹn wẹ gi hụn ihiẹnni, wẹ ile nọ yi oro, kụ isi alị.

Ọgụngụn 16:22

Kanị Mozizi lẹ Ẹrọnụ nọ tụha enwẹn wẹ alị bu ihun kpumẹ alị, kwanma ẹkwan, sị, “Euu Osolobuẹ, Chuku hụn gi ndụn ịhịan ile, n'i busọn ịhịan ile olulu bụ onyẹ ohu sụọ mẹ njọ?”

Ọgụngụn 16:45

“Gha nị ebe ndịnị rị pụ, nị m gbupụ wẹ ozigbo.” Mozizi lẹ Ẹrọnụ nọ tụha enwẹn wẹ alị bu ihun kpumẹ alị, rịọma a.

Ọgụngụn 22:31

Osolobuẹ nọ shịapụ Balaam ẹnya, ọ nọ hụn mmọn-ozi Osolobuẹ k'o bu ọpịa-agha o sepụhagụ ẹka, wuzo ọkpụzọ, ya Balaam nọ gbu osekpu, bu ihun kpumẹ alị.

Matiu 22:44

‘Di-nwọnni-ẹnyi sị Di-nwọnni m; nọdị alị ẹka-nni m, d'e ru mgbe m bugụ ndị iṅẹnrẹn i che okpuru ụkụ ị?’

Matiu 8:2

Ya kẹ okẹnnyẹ ohu emu oti rị a kụ nọ bịa, gbun'ẹ osekpu, sị, “Di-nwọnni-ẹnyi, omẹni y'a chọghọ, i k'e saẹka zụọ m otini, a wụbehi m onyẹ rụnị.”

Luku 1:43

Okẹn ngọzi kẹ m nwọn ebe nnẹ Di-nwọnni m nọ bịa d'a hụn m!

Luku 20:42

Bụ Defidi lẹ enwẹn ẹ e kuọlẹ imẹ ẹhụhụọ Ẹbụ-ọma, sị, ‘Di-nwọnni-ẹnyi sị Di-nwọnni m, “Nọdị alị ẹka-nni m,

Luku 5:12

Ogẹn Jesu gi rị obodo ohu, okẹnnyẹ ohu oti fụkpo ẹhụ ile hụn rị imẹ obodo hụ nọ bịa d'e kunrun ẹ. Ogẹn o gi hụn Jesu, ọ nọ gbun'ẹ osekpu, rịọma a, “Diọkpa, omẹni y'a chọghọ, i k'a s'ẹka zụọ m, nị m wụbehi onyẹ rụnị!”

Jọnụ 20:28

Tamọsị nọ za a, sị, “Di-nwọnni m lẹ Chuku m!”

Ọrụn Ndị-ozi 9:6

Ka lihi nwan n'ị banye imẹ obodo; wẹ k'a gwa ị ihiẹn i k'e mẹ.”

Ndị Filipi 3:8

Ẹlẹdẹ ọhụn sụọ, a gụngụọdẹ m ihiẹn ile ye ihiẹn la iwi, makẹ ufiri ihiẹn hụn ka wẹ ile ọhụnma-ọhụnma, hụn wụ ịmarịn Kraịst Jizọsị Di-nwọnni m, onyẹ hụn m gi nwan ufiri ẹ nị ihiẹn ile la, weridẹ wẹ kẹ nsịn, kẹni m kwọnkẹnmẹ Kraịstị,

Hibru 2:10

Osolobuẹ mẹ ihiẹn furuni, ebe o mẹ ni ẹka a kẹ ihiẹn ile gha bịa; ebe o mẹ ni ihiẹn ile wụzịkwọ nke ẹ. Makẹni ọ chọ n'ọ zụọpụha ndị bu ọda, webahan wẹ ebe ọ rị, kẹni wẹ wụrụ ụmụ a, sọn ẹ nwọn ọghọ a, ọ nọ gi afụnfụn kwademẹ onyẹ hụn o gi bidọn nzụọpụha hụ, mẹ ẹ ru ogo onyẹ-nzụọpụha.

Joshụa 20:1

Ya Osolobuẹ nọ sị Joshụa,

Rẹvẹleshọnụ 12:7

Ya wẹ nọ lụma agha elu-igwee. Mmọn-ozi wụ Maịkẹlụ lẹ ndị mmọn-ozi e sọnn'ẹ nọ lụsọn eje-anụ uku hụ wụ Dragọnụ agha, Dragọnụ lẹ ndị mmọn-ozi ẹ nọ lụsọn wẹ agha.