Joshụa 5:13 - Ika

¹³ Ogẹn Joshụa gi rị ẹhụ Jẹriko, o lee ẹnya, e lee okẹnnyẹ ohu turu ẹ ihun! Okẹnnyẹ hụ e sepụhagụọ ọpịa-agha kwọndọn. Joshụa nọ jẹnburu ẹ, sị a, “Ẹnyi k'i bịa d'e yeni ẹka ra ndị-iṅẹnrẹn ẹnyi?”

Joshụa 5:13 ပူးပေါင်းရင်းမြစ်များ

Jẹnẹsisi 18:1

Omẹgụ, Osolobuẹ nọ bịa d'e kunrun Ebraham ẹhụ okẹn-osisi Mamre efinaị ohu anwụn rị a mụ, ebe Ebraham nọdị alị ọnụmụzọ ụlọ hụ w'a kpụkpọrị o bi.

Jẹnẹsisi 18:2

Ebraham lee ẹnya, e lee ikẹnnyẹ ẹtọ wuzo ihun ẹ. Ogẹn o gi hụn wẹ, ọ nọ gha ọnụmụzọ iwe ẹ gbaburu wẹ, hulụa alị, kele wẹ.

Jẹnẹsisi 28:16

Ya Jekọpụ nọ tẹnhin, ọ nọ sị, “Ete marịndẹ m nị Osolobuẹ rị ebeni nke-esi.”

Jẹnẹsisi 33:1

Jekọpụ e lee ẹnya, e lee Isọ! Ya lẹ ikẹnnyẹ nnụ ọ kị wị lala. Ya Jekọpụ nọ kebe ụmụ a: ọ kị ụfọdụ ye Lia, kị ụfọdụ ye Rechẹlụ, kị ụfọdụ ye idibo ikpoho ẹbụọ ahụn rị iwe wẹ.

Jẹnẹsisi 33:5

Isọ e lee ẹnya, ọ nị legha ikpoho ndị hụ lẹ ụmụ wẹ, ọ nọ sị Jekọpụ, “Elee ndị wụ ndịnị yụ lẹ wẹ wị?” Jekọpụ nọ sị a, “Ụmụ Osolobuẹ mẹ ọhụnma ye odibo i rọ.”

Ihiẹn Mẹni Nke Ibuzọ 12:22

Ụhụọhịn-ụhụọhịn kẹ ndị rị ichẹn-ichẹn gi rị a bịacheni d'a bannị Defidi — d'e runi ndị-agha a a barahị nọkẹ ebe Osolobuẹ nọ e kokomẹ ndị-agha.

Ihiẹn Mẹni Nke Ibuzọ 21:27

Osolobuẹ nọ gwa mmọn-ozi ahụn oku, ọ nọ fakin ọpịa-agha hụ ọbụọ a.

Ihiẹn Mẹni Nke Ibuzọ 21:30

Kanị Defidi ejẹnni ebẹhụ d'a chọ uche Osolobuẹ, makẹni egun ọpịa-agha mmọn-ozi Osolobuẹ hụ rị a tụ a.

Ọpụpụ 23:23

Mmọn-ozi m k'e burun'i ụzọ, duban ị alị ndị Amọ, ndị Hẹti, ndị Pẹrẹzi, ndị Kenaanị, ndị Hivu lẹ ndị Jebusu; m k'e kpọnchanpụ wẹ.

Daniẹlụ 10:5

e lee m ẹnya, e lee okẹnnyẹ ohu yi ẹwuru linẹni lẹ akpụkpọ ukun ezigbo goru alị Ufazị.

Daniẹlụ 8:3

E lee m ẹnya, e lee ebulu nwọn mpịn ẹbụọ wuzo mkpẹnrẹn Ote-mirin hụ, mpịn a ẹbụọ ahụn sue esue. Mpịn ohu ka ibe ẹ usue kanị ịya kpa azụụn suepụha.

Zẹkaraya 1:8

“M hụn ọhụn imẹ uhinhin, hụn okẹnnyẹ ohu rị elu ẹshin ododo hụn wuzo alị osisi mẹtụlụ rị imẹ ọdanmgbugbu. Ẹshin ododo ọzọ lẹ ẹshin ụda lẹ ẹshin ọchan rị okẹnnyẹ hụ azụụn.

Ọgụngụn 22:23

Ogẹn jaki ẹ gi hụn mmọn-ozi Osolobuẹ k'o bu ọpịa-agha o sepụhagụ wuzo ụzọ, ọ nọ gha ụzọ pụ, kụye ugbo rị ebẹhụ, Balaam nọ fịan a ihiẹn, kẹn'ọ pụhazị ụzọ.

Ọgụngụn 22:31

Osolobuẹ nọ shịapụ Balaam ẹnya, ọ nọ hụn mmọn-ozi Osolobuẹ k'o bu ọpịa-agha o sepụhagụ ẹka, wuzo ọkpụzọ, ya Balaam nọ gbu osekpu, bu ihun kpumẹ alị.

Ọrụn Ndị-ozi 1:10

Hụn ahụn wẹ rị e lee igwere moo k'ọ lakọ, ikẹnnyẹ ẹbụọ yi ẹwuru ọchan tueni nọ nwọnpụha idẹnmizi, turuyeni wẹ,

Joshụa 6:2

Osolobuẹ nọ sị Joshụa, “Lee ẹ, e bugụọ m Jẹriko che i ẹka mẹri, ya lẹ eze ẹ lẹ ndị-agha a.

Rẹvẹleshọnụ 1:13

hụnzị onyẹ nọ kẹ Nwa nke Ịhịan etintinnaị obu-ukpẹ ẹsanị. O yi ẹwuru tueru alị, gi nfifie-goru kẹnhunmẹ obi.

Ndị Han Eṅẹn 13:11

Ya Manụa nọ lihi, sọnmẹ nwunyẹ ẹ. Ogẹn o gi kunrun okẹnnyẹ hụ, ọ nọ sị a, “Ịyụ wụ okẹnnyẹ ahụn gwa okpohoni oku?” Ọ nọ sị, “Ẹghẹẹ.”

Ndị Han Eṅẹn 13:22

Manụa nọ sị nwunyẹ ẹ, “Ẹnyi sikọ d'a nwụn tan, makẹni ẹnyi a hụnọlẹ Chuku!”