Joshụa 4:5 - Ika

⁵ Ọ nọ sị wẹ, “Shi ni ihun Ẹkpẹti Osolobuẹ wụ Chuku ụnụ, ebẹhụ ọ rị etintinnaị Iyi-Jọdanị; onyẹ-onyẹ y'a bu ọmụma ohu-ohu che isi-uvun kẹ ebọn rị Izrẹlụ han ọda,

Joshụa 4:5 ပူးပေါင်းရင်းမြစ်များ

Jẹnẹsisi 31:46

Jekọpụ nị sị ndị nke ẹ, “Kpọnkikomẹ ni ọmụma”, ya wẹ nọ buhẹsọnmẹ ọmụma, dọnshi ọmụma ndị ahụn elu; wẹ azụụn ẹbụbụọ hụ nọ nọ ebẹhụ rigbama ihiẹn-oriri wẹ gi e kwetarị nkwa.

Ọpụpụ 24:4

Ya Mozizi nọ detuchanrịn ihiẹn ile Osolobuẹ ku. Eki e fọn Ụzụtụntụn, ọ nọ zọlihi, rụn ukpo nchụn-ẹjan ye ukun ugu ahụn, buzi ọmụma mmẹbụọ sueni zumẹ — o gi nọkin ẹnya ebọn mmẹbụọ rị Izrẹlụ.

Ditrọnọmi 27:2

Ụnụ fetugụ Iyi Jọdanị banye alị ahụn Osolobuẹ wụ Chuku ụnụ ri e ye ụnụ, tumẹsọnmẹ ni ọmụma ndị hi-ogbe, ụnụ e gi simẹnti te wẹ ile,

Ditrọnọmi 9:1

Izrẹlụ, gọn ni ntịn! Ụnụ e d'e fetu nwan Iyi Jọdanị d'a narịn ndị ọzọ ka ụnụ ọda, ka ụnụ ikẹn, alị wẹ hụn nwọnsọnmẹ obodo shịagbu enwẹn wẹ, wẹ tụnhunmẹ mgbọn sụntụsọnmẹ elu-igwere.

Joshụa 22:10

Ogẹn ebọn ẹbụọ-lẹ-mkpikpi ahụn gi ru ẹgbẹrẹ Gẹlilọtụ nọkunmẹ Jọdanị nkọ Kenaanị, nị wẹ d'e fetu Iyi-Jọdanị, wẹ nọ tụn ukpo nchụn-ẹjan hi-ogbe ye ẹhụ Jọdanị ebẹhụ.

Joshụa 4:4

Ya Joshụa nọ kpọkikomẹ ikẹnnyẹ mmẹbụọ ahụn ọ họtọ imẹ ndị Izrẹlụ, ebọn-ohu onyẹ-ohu, ebọn-ohu onyẹ-ohu.

Joshụa 4:6

kẹni ụnụ gi ọmụma ndị ahụn a nyanhan ihiẹnni mẹni. Ihun, ụmụ ụnụ jụ ụnụ, ‘Kị ọmụma ndịnị wụ?’