Jọnụ Ibuzọ 5:6 - Ika

⁶ Jizọs Kraịstịnị gi mirin lẹ ẹdeke ghọsị onyẹ ọ wụ. Ẹlẹ mirin sụọ, kanị mirin lẹ ẹdeke. Mmọn-nsọ lẹ enwẹn ẹ rị a shịa ẹrini, makẹni Mmọn-nsọ wụ Onyẹ ezioku.

Jọnụ Ibuzọ 5:6 ပူးပေါင်းရင်းမြစ်များ

Izikẹlụ 36:25

E fekpu m ụnụ mirin nwunni, gi ẹ fepụ ụnụ ụrụ ile ụnụ rụ lẹ mmọn ile ụnụ fe.

Lẹvitikọsụ 17:11

Makẹni ndụn ihiẹn ọwụlẹ rị imẹ ẹdeke ẹ; e yegụọ m ụnụ ya nị ụnụ gi ẹ a chụn ẹjan ụnụ gi a gbarị isi elu-ukpo nchụn-ẹjan. Ẹdeke kẹ wẹ gi a gbarị isi ịhịan.

Zẹkaraya 9:11

Nke ụnụ Izrẹlụ, m k'e gi ufiri ẹdeke mmẹ lẹ ụnụ gi kwerigbama, gbapụha ndị nke ụnụ imẹ mgbugbu ahụn mirin rịlẹni wẹ buche wẹ.

Matiu 26:28

makẹni ọnwan wụ ẹdeke m, hụn wẹ gi biye ẹka nkwerigbama ọhụn Osolobuẹ kwademẹ — ẹdeke m wẹ hupụnị ndị bu ọda, igi wẹhẹ mgbagharị njọ.

Matiu 3:16

Jọnụ e mẹgụ Jizọsị mirin-Chuku, hụn Jizọsị gihụ gha imẹ mirin pụla, elu-igwee nọ kpupụ idẹnmizi; ọ nọ hụn Mmọn Osolobuẹ k'ọ lala rịkẹ nduru, ọ nọ bịa d'e bekwasị a.

Makị 14:24

Ọ nọ sị wẹ, “Ọnwan wụ ẹdeke m wẹ gi ufiri ndị bu ọda hupụ; ẹdeke m wẹ gi biye ẹka nkwerigbama Osolobuẹ tumẹ ẹgbata ya lẹ ndị nke ẹ.

Luku 22:20

Ẹrịra k'o dọnzikwọ weri mkpu hụ ogẹn wẹ gi rigụ, ye wẹ, sị, “Mkpuni wụ nkwerigbama ọhụn Osolobuẹ; ẹdeke m hụn m rị e gi ufiri ụnụ e ye kẹ wẹ gi biye ẹ ẹka.”

Jọnụ 14:17

Mmọn-nsọ a ghọsị ezioku rọ; ụwa as'ẹka nabanhan a makẹni ụwa ara hụn a, ụwa amarịn a. Kanị ụnụ a marịnghọ a, makẹni o sọn ụnụ nọdị, o k'e bisọnmẹ imẹ ụnụ.

Jọnụ 14:6

Jizọsị nọ sị a, “Mmẹ wụ ụzọ lẹ ezioku lẹ ndụn. Onwọnni onyẹ a bịa d'e kunrun Chuku-Nẹdi mmanị ọ ghaha ẹka m.

Jọnụ 15:26

“Onyẹ Eyemẹka ahụn Chuku-nẹdi k'e ye m zihẹni ụnụ bịa, ịya sikọ d'e ku oku m: Mmọn-nsọ hụn a ghọsị ezioku rọ, hụn gha imẹ Chuku-nẹdi lala.

Jọnụ 16:13

Mmọn-nsọ hụn a ghọsị ezioku bịa, o du ụnụ, mẹ ụnụ marịn ezioku ile. Makẹni, ẹlẹ uche ẹ k'o k'e ku; kama, ihiẹn o k'a nụ k'o k'e ku. O k'a gwazịkwọ ụnụ ihiẹn ndị jẹnkọ d'e mẹ ihun.

Jọnụ 3:5

Jizọsị nọ sị a, “Ezioku kẹ m rị a gwa ị, mmanị wẹ gi mirin lẹ Mmọn-nsọ mụ ịhịan, ọ saẹka banye Alị-eze Osolobuẹ.

Jọnụ 4:10

Jizọsị nọ sị a, “Omẹni i te marịn ihiẹn Osolobuẹ e ye lẹ onyẹ rị a sị ị, ‘Ye m mirin ra’, nkẹ y'a rịọ a, n'o ye i mirin hụn e ye ndụn.”

Jọnụ 4:14

Kanị onyẹ ra mirin m jẹnkọ d'e ye ẹ, onwọnni ogẹn ẹgụn mirin e gizi gụn a elu-ụwanị, mirin hụ k'e họnrindẹ isi-mirin imẹ hụnyẹ, a mụpụhan'a ndụn itẹbitẹ.”

Jọnụ 6:55

Makẹni, ẹhụ m wụ ihiẹn-oriri nke-esi, ẹdeke m wụ ihiẹn-ọrịra nke-esi.

Ọrụn Ndị-ozi 8:36

E jẹnbe wẹ, wẹ nọ hụn mirin; okẹn-okporo hụ nọ sị, “Lee mirin ebeni! Kị k'a han m emẹlẹ mirin-Chuku?”

Ndị Rom 3:25

Makẹni, Osolobuẹ we Jesu ye, gi ẹ họnrin ẹjan wẹ e gi wepụ njọ jẹnni onyẹ hụn gi ẹdeke ẹ hụn wụ ọnwụn a dọn, kẹni o we ẹnya nị Osolobuẹ wụkwọ onyẹ ezi-omumẹ ghalẹni a kwadọn njọ ebe ọ nọ din ndidin fepụ ẹnya njọ ịhịan mẹ mbụ.

Ndị Ẹfẹsọsụ 1:7

Makẹni ẹnyi rị imẹ Kraịstị, Osolobuẹ e gigụọ ẹdeke ẹ hụn wụ ọnwụn a gbapụha ẹnyi, gbagharị ẹnyi njọ, makẹ okẹn ẹfọma Osolobuẹ.

Ndị Kolosị 1:4

Makẹni, ẹnyi a nụgụọ kẹ ụnụ dọn rị e gi Kraịstị wụ Jizọsị e dọn ẹnya lẹ kẹ ụnụ dọn ri e nwọn ihiẹn-ọsụsụọ ndị nke Osolobuẹ ile,

Timoti Ibuzọ 3:16

W'a rụ ụka a, ihiẹn-omimi rị ofufe Osolobuẹ e hikẹ — nị O gi ẹhụ pụha, Mmọn-nsọ a ghọsị nị ịya rọ nke-esi; ndị mmọn-ozi a hụnghọ a. Ịhịan e zisọnmẹgụọ ozi ẹ alị ichẹn-ichẹn; e kwerigụọnị w'a imẹ ụwa. O gi ọghọ lashi elu-igwee.

Taịtọsụ 3:5

ọ nọ zụọpụha ẹnyi, ẹlẹ ihiẹn rị mma ẹnyi mẹ haịn, kanị, omikẹn ẹ; o gi ịmụdọnzini ẹnyi chanchan ẹnyi, o mẹ ẹnyi wụrụ ndị ọhụn ghahanị Mmọn-nsọ,

Hibru 10:29

elee ụdị afụnfụn k'i ro nị wẹ k'e ye onyẹ hụn legberi Nwa Osolobuẹ, lelịa ẹdeke nkwerigbama hụ wẹ gi dọn ẹ nsọ, kpasu Mmọn-nsọ wẹ gha mẹn'ẹ ẹfọma iwe?

Hibru 12:24

Jizọsị kẹ ụnụ bịa d'e kunrun, onyẹ hụn e wegbama Osolobuẹ lẹ ịhịan imẹ nkwerigbama ọhụn, ya lẹ ẹdeke wẹ gi e fepụ njọ, hụn rị e ku ihiẹn ka mma karị ẹdeke Ebẹlụ sị wẹ mẹgwarị.

Hibru 13:20

Osolobuẹ hụn e ye udọn, Onyẹ hụn gha ọnwụn weli Di-nwọnni-ẹnyi wụ Jesu, okẹn onyẹ-ndu atụnrụn ahụn wẹ gi ẹdeke ẹ biye nkwerigbama itẹbitẹ Osolobuẹ ẹka;

Hibru 9:14

ya wụ nị ẹdeke Kraịstị, onyẹ hụn gi enwẹn ẹ chụnyeni Osolobuẹ ẹjan nwọnlẹni ntụpọ ghahanị Mmọn itẹbitẹ, jẹnkọ d'a sa ẹka chanchan obi ẹnyi, chan a ezigbo ọchịchan, chanchanpụ ihiẹn ile ghalẹni e ye ndụn hụn ẹnyi mẹ, ẹnyi a hụn ụzọ fe Osolobuẹ rị ndụn.

Hibru 9:7

kanị, onyẹ-isi nchụn-ẹjan sụọ a banye mmughẹ nke ẹbụọ, mgbe ohu ahụa. Ọ banyekọnị, o k'e girịrị ẹdeke o gi chụnye ẹjan njọ a lẹ njọ ndị Izrẹlụ kpachanpụlẹni ẹnya mẹ.

Pita Ibuzọ 1:2

ndị Chuku Nẹdi họtọ, gi Mmọn-nsọ dọn wẹ nsọ, kẹni wẹ hụn ụzọ humẹni Jizọsị Kraịstị isi, wụrụ ndị wẹ gi ẹdeke ẹ fepụ ẹhụ njọ. Ẹfọma lẹ udọn ya rịnị ụnụ mmagi-mmagi.

Pita Ibuzọ 3:21

Wẹ gi ọnwan gwatọ ẹnyi kẹ mirin-Chuku dọn nwan a zụọpụha ịhịan kikẹnni: ẹlẹ wẹ rị e gi mirin-Chuku a wụpụ unyin rị ịhịan ẹhụ, kama, ịhịan gi ẹ a ghọsị Osolobuẹ n'o gi obi ẹ ile bịa d'e kunrun ẹ, ghahanị olihi Jesu Kristi gha ọnwụn lihi.

Jọnụ Ibuzọ 1:7

Kanị, omẹni ẹnyi hụ e bi imẹ ukpẹ kẹ ya nwẹn dọn rị imẹ ukpẹ, ya wụ nị ẹnyi lẹ ịya rị nke-esi, ẹdeke Nwa a wụ Jizọsị hụ a chanchanpụ ẹnyi njọ ile.

Jọnụ Ibuzọ 4:10

Ọnwan wụ ihiẹn-ọsụsụọ: ẹlẹni ẹnyi e nwọn ihiẹn-ọsụsụọ Osolobuẹ, kanị Osolobuẹ nọ nwọn ihiẹn-ọsụsụọ ẹnyi, gi ẹ zihẹ Nwa a n'ọ wụrụ ẹjan wẹ gi wepụ njọ ẹnyi.

Rẹvẹleshọnụ 1:5

lẹ Jizọsị Kraịstị — Jizọsị Kraịstị hụn wụ ọshẹri ahụn furu wẹ gi e dọn ẹnya, onyẹ ibuzọ gha ọnwụn lihi, onyẹ hụn a kị ndị-nze rị elu-ụwa, onyẹ hụn nwọn ihiẹn-ọsụsụọ ẹnyi, gi ẹdeke ẹ gbapụha ẹnyi ẹka njọ ẹnyi;

Rẹvẹleshọnụ 5:9

Ya wẹ nọ bụ ẹbụ ọhụn, sị, “Ịyụ furu hụn k'e weri ẹkụkwọ hụ, hụn k'a tọpụ eriri ndị hụ wẹ gi kẹnmẹ ẹ; makẹni wẹ gbu i, ị nọ gi ẹdeke i gbapụhanị Osolobuẹ ịhịan imẹ ebọn ile lẹ asụsụ ile lẹ ndị ile lẹ alị ile.

Rẹvẹleshọnụ 7:14

M nọ sị a, “Diọkpa, ịyụ marịn ndị wẹ wụ.” Ọ nọ sị m, “Ndịnị gha okẹn ukpokpo hụ pụha. Wẹ gi ẹdeke Nwa-ebulu hụ sụ ẹwuru wẹ, wẹ nọ họnrin ẹkwa-ọchan.