Jọnụ Ibuzọ 5:4 - Ika

⁴ makẹni onyẹ ọwụlẹ Osolobuẹ mụ e mẹri ụwa. Ikẹn hụn ẹnyi gi e mẹri ụwa wụ okukwe ẹnyi.

Jọnụ Ibuzọ 5:4 ပူးပေါင်းရင်းမြစ်များ

Jọnụ 1:13

ẹlẹ ịhịan mụ wẹ; egini wẹ uche ịhịan mụ wẹ, onwọnni okẹnnyẹ han wẹ mụ wẹ, kama, Osolobuẹ mụ wẹ.

Jọnụ 16:33

A gwagụọ m ụnụ ihiẹn ndịnị kẹni obi gi ufiri m ru ụnụ alị. Imẹ ụwa, ụnụ jẹnkọ d'e nwọn nsọngbu; ka kwọndọn ni obi ụnụ, n'e mẹrigụọ m ụwa!”

Jọnụ 3:3

Jesu nọ sị a, “Ezioku kẹ m rị a gwa ị, mmanị wẹ mụdọnzi ịhịan, ọ saẹka hụn Alị-eze Osolobuẹ.”

Ndị Kọrẹntị Ibuzọ 15:57

Kanị ekele ya rịnị Osolobuẹ, hụn e ye ẹnyi mmẹri ghahanị Di-nwọnni-ẹnyi wụ Jesu Kristi!

Jọnụ Ibuzọ 2:29

Omẹni ụnụ a marịnghọ n'ọ rị ọchan, gi n'ẹ marịn nị ịya mụ onyẹ ọwụlẹ e bi obibi rị ọchan.

Jọnụ Ibuzọ 3:9

Onwọnni onyẹ Osolobuẹ mụ e mẹ njọ. Makẹni, mkpụrụ Osolobuẹ rị imẹ hụnyẹ. Ọ sakọ ẹka mẹ njọ, makẹni Osolobuẹ mụ a.

Jọnụ Ibuzọ 4:4

Ụmụẹka, ụnụ wụ nke Osolobuẹ; ụnụ e mẹrigụọ wẹ, makẹni onyẹ rị imẹ ụnụ ka onyẹ rị imẹ ụwa.

Jọnụ Ibuzọ 5:1

Onyẹ kweri nị Jisọzị wụ Kraịstị, hụnyẹ wụ nwa Osolobuẹ; onyẹ ọwụlẹ nwọn ihiẹn-ọsụsụọ nẹdi, nwọnzikwọ ihiẹn-ọsụsụọ onyẹ hụn ọ mụ.

Jọnụ Ibuzọ 5:18

Ẹnyi a marịnghọ nị onyẹ Osolobuẹ mụ ara mẹ njọ, makẹni Kraịstị, Onyẹ hụ Osolobuẹ mụ, e che ẹ nche, Eje-onyẹ hụ ara mẹtụ a ẹka.

Jọnụ Ibuzọ 5:5

Onyẹ a sa nwan ẹka e mẹri ụwa mmanị onyẹ hụn gi ẹ dọn nị Jesu wụ Nwa Osolobuẹ?

Rẹvẹleshọnụ 12:11

“Kanị e gi wẹ ẹdeke Nwa-ebulu hụ lẹ oku wẹ gi shịan'a ẹri mẹri ẹ; ndụn wẹ a danị wẹ, e kweridẹ wẹ nị wẹ gbu wẹ.

Rẹvẹleshọnụ 15:2

M nọ hụn ihiẹn nọ kẹ ohimin ughegbe wẹ gwọgbama ya lẹ ọkụn, hụnzị ndị hụ mẹri eje-anụ hụ lẹ enwẹn ẹ lẹ hụn wẹ leri ẹ kpụ lẹ ahịma a. Wẹ turu mkpẹnrẹn ohimin ughegbe hụ. Wẹ gisọnmẹ ụbọ Osolobuẹ.

Rẹvẹleshọnụ 2:11

Onyẹ nwọn ntịn ya nụ ihiẹn Mmọn-nsọ rị a gwa ụka rị ichẹn-ichẹn! Onyẹ mẹri, ọnwụn nke ẹbụọ erukọ a ẹhụ.’

Rẹvẹleshọnụ 2:17

Onyẹ nwọn ntịn ya nụ ihiẹn Mmọn-nsọ rị a gwa ụka rị ichẹn-ichẹn! Onyẹ hụ mẹrini kẹ m jẹnkọ d'e ye mana hụ zuerini. M k'e yezikwọ a ọmụma ọchan hụ wẹ deye ẹfan ọhụn hụn o mẹ ni onyẹ wẹ ye ẹ sụọ k'a saẹka marịn a.

Rẹvẹleshọnụ 2:26

Onyẹ hụn k'e mẹrini, onyẹ hụn mẹsọnmẹ ihiẹn m ku d'e ru isi-njẹndemẹ, kẹ m k'e bu ndị alị ichẹn-ichẹn che okpuru ẹ kịma;

Rẹvẹleshọnụ 2:7

Onyẹ nwọn ntịn ya nụ ihiẹn Mmọn-nsọ rị a gwa ụka rị ichẹn-ichẹn! Onyẹ hụn mẹrini kẹ m k'a nị ri mkpụrụ-osisi ahụn e ye ndụn hụn rị Paradaịsị, Alị Ezumikẹn Osolobuẹ.

Rẹvẹleshọnụ 3:12

Onyẹ hụn mẹrini kẹ m k'e gi họnrin adansụn imẹ Ụlọ-nsọ Osolobuẹ m, ọ pụkọzị ebẹhụ kaka! M k'e de ẹfan Osolobuẹ m lẹ ẹfan Jerusalẹm ọhụn wụ obodo uku Osolobuẹ m ye ẹ ẹhụ, Jerusalẹm hụn k'a gha elu-igwee lẹ ẹka Osolobuẹ m bịa; m k'e dezikwọ ẹfan ọhụn m ye onyẹ ahụn ẹhụ.

Rẹvẹleshọnụ 3:21

Onyẹ mẹri, a nị m'a sọn m nọdị ukpo-eze m, kẹ mmẹ nwẹn dọn mẹri, sọn Nẹdi m nọdị ukpo-eze ẹ.

Rẹvẹleshọnụ 3:5

Onyẹ hụn mẹrini k'e yi ẹkwa ọchan; onwọnni ogẹn m'e gi finchanpụ ẹfan a imẹ ẹkụkwọ ndụn-itẹbitẹ! M k'a nọ idẹnya Nẹdi m lẹ ndị mmọn-ozi ẹ kpọ ẹfan hụnyẹ, ku oku ẹ ọhụnma.