Jọnụ Ibuzọ 5:19 - Ika

¹⁹ Ẹnyi a marịnghọ nị ẹnyi wụ nke Osolobuẹ kanị ụwa ile rị okpuru Eje-onyẹ hụ.

Jọnụ Ibuzọ 5:19 ပူးပေါင်းရင်းမြစ်များ

Luku 4:6

sị a, “M jẹnkọ d'e ye i ihiẹnni ile kịma, y'e nwọnrin ọghọ ile rịn'a, makẹni e bugụọ wẹ uwẹ ile che m ẹka, onyẹ sụọnị m kẹ m'e y'ẹ.

Jọnụ 12:31

Kikẹnni kẹ wẹ jẹnkọ d'a ma ụwanị ikpe; kikẹnni kẹ wẹ sikọ d'a chụpụ onyẹ rị a kị ụwanị.

Jọnụ 14:30

Ogẹn arịa m'e gi gwamazị ụnụ ihiẹn bu ọda, makẹni onyẹ hụn a kị ụwanị lala nwan; onwọnni ihiẹn o k'a saẹka mẹ m,

Jọnụ 16:11

o k'a ghọsị wẹ kẹ ikpe dọn ma wẹ, makẹni Osolobuẹ a magụọ onyẹ hụn a kị ụwanị ikpe.

Jọnụ 17:15

Arị m a rịọ ị n'ị wepụ wẹ imẹ ụwa; kama, m rị a rịọ n'ị chemẹ wẹ makẹ Eje-onyẹ hụ gha e mẹ wẹ ihiẹn ọwụlẹ.

Ndị Rom 8:16

Mmọn-nsọ lẹ enwẹn ẹ hụ e sọn mmọn ẹnyi a shịa ẹri nị ẹnyi wụ ụmụ Osolobuẹ nke-esi.

Ndị Kọrẹntị Nke Ẹbụọ 1:12

Ihiẹn ẹnyi gi a nyan isi wụ ọnwan: nị ịhọrị ẹnyi rị a shịanị ẹnyi ẹri nị ẹnyi gi obi rị ọchan lẹ ezioku Osolobuẹ bi obibi ẹnyi imẹ ụwa, tụmadụ ẹgbata ẹnyi lẹ ụnụ; nị ẹnyi egini amamihiẹn ụwa bi, kanị eyemẹka Osolobuẹ.

Ndị Kọrẹntị Nke Ẹbụọ 4:4

Mmọn rị a kị ụwanị e kẹnkingụọ ẹnya ndị kwerilẹni, amamgbe w'e legha ukpẹ oziọma rị a ghọsị wẹ banyeni onyẹ Kraịstị wụ; Kraịstị hụn o mẹ ni onyẹ hụnn'a a hụngụọ Osolobuẹ.

Ndị Kọrẹntị Nke Ẹbụọ 5:1

Makẹni ẹnyi a marịnghọ nị wẹ tikpọ ẹhụ ẹnyini, ọdụnị ẹnyi bi imẹ ẹ imẹ ụwanị, ẹnyi e nwọnghọ ụlọ Osolobuẹ tụn, ụlọ wẹ gilẹni ẹka tụn hụn rị imẹ elu-igwee, ụlọ hụn k'a rị jẹnrin ejẹn.

Ndị Galeshịa 1:4

Di-nwọnni-ẹnyi wụ Jizọs Kraịstị we ndụn a ye makẹ ufiri njọ ẹnyi, kẹni ọ gbapụha ẹnyi imẹ eje-agbọnị gi mẹzu uche Osolobuẹ ẹnyi wụ Nẹdi ẹnyi.

Ndị Ẹfẹsọsụ 2:2

Ụnụ e mẹ njọ, e mẹfie nọkẹ ndị ụwanị, e sọn onyẹ hụn a kị eje-mmọn ile rị imẹ elu, mmọn ahụn rị nwan ọrụn imẹ igunrun ndị rị e nupụ isi okpuru Osolobuẹ.

Timoti Nke Ẹbụọ 1:12

ufiri ẹ kẹ m gizi rị a ta afụnfụn ẹnịna. Kanị ifẹnrẹn arị e mẹ m, makẹni a marịnghọ m onyẹ m gi dọn ẹnya; a marịnzịghọ m n'o k'a s'ẹka chedọn ihiẹn m buche ẹ ẹka d'e ru Ụhụọhịn ahụn.

Taịtọsụ 3:3

Makẹni, ẹnyi nwẹn te wụzị ndị-nzuzu, ndị nnupụ-isi lẹ ndị wẹ dufie; eje-ihiẹn a gụnnị ẹnyi lẹ ihiẹn ichẹn-ichẹn a sụọnị e te kịzịghọ ẹnyi kẹ igbọn. Ẹnyi te e mẹ ibe ẹnyi eje-ihiẹn, e we iwe-ẹnya, ize ẹnyi hụ e ze ịhịan, ize ibe ẹnyi hụ e ze ẹnyi.

Jemisi 4:4

Ndị ẹnya rịlẹni ụzọ ohu! Ụnụ amarịn nị ọwụ ụwa wụ eṅẹnrẹn Osolobuẹ? Ya wụ, onyẹ chọ n'ọ wụrụ ọwụ ụwa o họnrin eṅẹnrẹn Osolobuẹ.

Jọnụ Ibuzọ 3:14

Ihiẹn ẹnyi gi marịn nị ẹnyi a ghagụọ ọnwụn pụha, banye ndụn, wụ nị ẹnyi nwọn ihiẹn-ọsụsụọ ibe ẹnyi. Onyẹ nwọnlẹni ihiẹn-ọsụsụọ ibe ẹ a nwụnhụngụọ.

Jọnụ Ibuzọ 3:24

Ndị ile e dọnmẹ iwu ẹ rị imẹ ẹ, ya nwẹn rịzịkwọ imẹ ndụn wẹ. Ihiẹn ẹnyi gi a marịn n'ọ hụ imẹ ẹnyi wụ ọnwan: n'o yeọlẹ ẹnyi Mmọn-nsọ.

Jọnụ Ibuzọ 5:10

Ya wụ, onyẹ hụn kwerini Nwa Osolobuẹ e gigụọ ẹrini dọn imẹ obi ẹ; kanị onyẹ hụn kwerilẹni a kpọgụọ Osolobuẹ onyẹ-ntụ, makẹni o gini ẹri Osolobuẹ shịanị Nwa a dọn.

Jọnụ Ibuzọ 5:13

M rị e deni ụnụ ndị kwerini ẹfan Nwa Osolobuẹ, kẹni ụnụ marịn nị ụnụ nwọn ndụn itẹbitẹ.

Jọnụ Ibuzọ 5:15

O mẹ nwan nị ẹnyi a marịnghọ nị ọ nụ ekpere ẹnyi a nụ, ya wụ ẹnyi a marịnzịghọ nị ẹnyi e nwọnhẹn ihiẹn ẹnyi rịọ a.

Jọnụ Ibuzọ 5:18

Ẹnyi a marịnghọ nị onyẹ Osolobuẹ mụ ara mẹ njọ, makẹni Kraịstị, Onyẹ hụ Osolobuẹ mụ, e che ẹ nche, Eje-onyẹ hụ ara mẹtụ a ẹka.

Jọnụ Ibuzọ 5:20

Ẹnyi a marịnghọ nị Nwa Osolobuẹ a bịagụọ, n'o yegụọ ẹnyi nghọta hụn ẹnyi e gi marịn onyẹ ahụn wụ Ezioku. Ẹnyi rị nwan imẹ onyẹ ahụn wụ Ezioku lẹ Nwa a wụ Jesu Kristi. Ịya wụ Osolobuẹ nke-esi lẹ ndụn-itẹbitẹ.

Rẹvẹleshọnụ 12:9

Wẹ nọ tụtu Dragọnụ uku hụ ye elu-ụwa, agwọ mbụ-mbụ hụ w'a kpọ Ekwensụ, a kpọzị a Setanị, hụn e dufie ụwa ile; a tụtu wẹ kẹ ịya kẹ ndị mmọn-ozi ẹ.

Rẹvẹleshọnụ 20:3

ọ nọ tụ a ye imẹ mgbugbu hụ migbu enwẹn ẹ, kpọkin mgbugbu hụ, fidọn ẹ, amamgbe o dufiezi alị ichẹn-ichẹn. Wẹ k'e dọnmẹ ẹ ebẹhụ d'e ru ni ahụa nnụ-uku hụ e zu. Ọhụn mẹgụ, wẹ k'a hatuzịrịrị a ẹkẹrẹ ogẹn.