Jọnụ Ibuzọ 5:16 - Ika

¹⁶ Onyẹ hụn nwẹnẹ ẹ k'ọ rị e mẹ njọ, njọ hụn ghalẹni ẹ buhẹ ọnwụn, ya mẹn'ẹ ekpere, Chuku k'e ye nwẹnẹ ẹ hụ ndụn — ọnwan wụ nke ndị hụn mẹ njọ ghalẹni e buhẹ ọnwụn. Njọ e buhẹ ọnwụn rị arị: asịnị m ụnụ mẹni onyẹ mẹ ọhụn ekpere.

Jọnụ Ibuzọ 5:16 ပူးပေါင်းရင်းမြစ်များ

Jẹnẹsisi 20:17

Ebraham nọ nwan mẹ ekpere, kpọku Osolobuẹ, Osolobuẹ nọ zụọ Abimẹlẹkị, zụọzịkwọ nwunyẹ ẹ lẹ igbọn ẹ ikpoho, wẹ nọ mụma ụmụ —

Jẹnẹsisi 20:7

Wekinni nwan okẹnnyẹ ahụn nwunyẹ ẹ, makẹni onyẹ-amụma k'ọ wụ; o k'e mẹni i ekpere, y'a rị ndụn. Kanị omẹni y'e wekinn'ẹ azụụn, marịnkwọ n'i sikọ d'a nwụnhụnrịrị, yụ lẹ ndị nke i ile.”

Ẹbụ-ọma 106:23

Ya kẹ Osolobuẹ nọ sị n'o tikpọ wẹ; omẹni ẹlẹ hụn onyẹ ahụn ọ họrị wụ Mozizi wuzo ẹgbata ya lẹ uwẹ, rịọma a, amamgbe o gi olulu tikpọ wẹ, nkẹ o tikpọ wẹ.

Ọpụpụ 34:9

sị, “Euu Di-nwọnni ẹnyi, omẹni ihiẹn m a sụọghọ ị, dodo Di-nwọnni ẹnyi, sọnjẹn ẹnyi nwan. Ezioku-ezioku ndịnị wụ ndị isi-akwanran, ka gbagharị ẹnyi eje-ihiẹn lẹ njọ ẹnyi mẹ, y'e weri ẹnyi nọkẹ ndị nke i.”

Jerimaya 11:14

“Emẹkwọlẹni ndịnị ekpere mọbụ rịọmanị wẹ, makẹni egọnkọ m wẹ ntịn ogẹn w'e gi kpọku m imẹ nsọngbu.

Jerimaya 14:11

Osolobuẹ nọ sị m: “Emẹkwọlẹ ekpere n'ọ rịnị ndịnị mma.

Jerimaya 7:16

“Jerimaya, emẹlẹni ndịnị ekpere; akwanghọsịlẹ m banyeni wẹ; arịọlẹni wẹ — arịọlẹ m, nị ẹlẹ m k'e gọnkwọ ị ntịn.

Izikẹlụ 22:30

“A chọgbamagụọ m imẹ wẹ nị m hụn akpụ onyẹ ohu, hụn nkẹ a tụnkin mgbọnni, hụn nkẹ e wuzoni alị ihun m dọnzi ihiẹn makẹ m gha e tikpọ a, onwọnni onyẹ m hụn.

Ọgụngụn 12:13

Ya Mozizi nọ kpọku Osolobuẹ, sị, “Osolobuẹ, dodo zụọ a!”

Ọgụngụn 15:30

“Kanị onyẹ ọwụlẹ kachanpụ ẹnya dan iwu ndịnị, ọsụọn'a nwa di-alị Izrẹlụ, ọsụọn'a abịamabịa, onyẹ ahụn a kparigụọ Osolobuẹ. Wẹ k'e bepụrịrị onyẹ ahụn imẹ ndị nke ẹ.

Luku 12:10

Nị wẹ gbagharịghọ onyẹ kuja oku mmẹ wụ Nwa nke Ịhịan, kanị agbagharịkọ wẹ onyẹ kuja oku Mmọn-nsọ.

Jọnụ 17:9

“Uwẹ kẹ m rị e mẹni ekpere: ẹlẹ ụwa ile kẹ m rị e mẹ ni ekpereni, kalẹ ndị hụn i ye m, makẹni wẹ wụ nke i.

Timoti Nke Ẹbụọ 4:14

Alẹzanda hụn a kpụ ụzụn kọpa mẹ m eje-ihiẹn ọda-ọda. Di-nwọnni-ẹnyi jẹnkọ d'a kụ a ụgwọ ihiẹn o mẹ.

Jọnụ Ibuzọ 5:17

Eje-omumẹ ile wụ njọ, kanị o nwọnghọ njọ ghalẹni e buhẹ ọnwụn.

Samuẹlụ Nke Ibuzọ 12:19

Wẹ nọ sị Samuẹlụ, “Rịọ Osolobuẹ wụ Chuku i n'o mẹ omikẹn ẹnyi wụ ụmụ ị, makẹ ẹnyi gha a nwụnhụn! Makẹni ẹnyi e bugụọzị nwan njọ cheni njọ ẹnyi ile ebe ẹnyi nọ sị nị ẹnyi chọ eze.”

Samuẹlụ Nke Ibuzọ 2:25

Ịhịan mẹ ibe ẹ njọ, Osolobuẹ k'a saẹka rịọdọnn'ẹ. Kanị, ịhịan mẹ Osolobuẹ eje-ihiẹn, onyẹ sikọ d'a rịọdọnn'ẹ?” Kanị ụmụ Ẹlaị egọnni ntịn mban nẹdi wẹ bannị wẹ, makẹni Osolobuẹ chọ n'o gbupụ wẹ.