Jọnụ Ibuzọ 5:14 - Ika

¹⁴ Ihiẹn ọzọ obi gi e ru ẹnyi alị ebe Osolobuẹ rị wụ ọnwan: nị omẹni ẹnyi rịọ a ihiẹn k'ọ dọn rị a obi, ọ nụ ekpere ẹnyi.

Jọnụ Ibuzọ 5:14 ပူးပေါင်းရင်းမြစ်များ

Ndị-nze Nke Ibuzọ 3:12

m jẹnkọ d'e ye i ihiẹn ị rịọ! M jẹnkọ d'e ye i amamihiẹn lẹ obi nghọta, ụdị hụn o k'e gi wụrụ nị onwọnni onyẹ nọ kẹ yụ imẹ ndị bu i ụzọ, onwọnzikwọnị onyẹ k'a nọ kẹ yụ, i bigụ!

Jobu 34:28

E mẹ wẹ ndị igbẹnnyẹ kwan ẹkwan, o ru ẹ ntịn, nke wụnị ọ nụ ẹkwan ndị ahụn elu rị a fụ.

Ẹbụ-ọma 145:19

O ye ndị hụn a gbayen'ẹ ihiẹn a gụnnị wẹ; ọ nụ ẹkwan wẹ, a zụọpụha wẹ.

Ẹbụ-ọma 31:22

E te gigụọ m egun sị enwẹn m, “a chụpụgụọ wẹ m ebe yụ wụ Osolobuẹ rị”. Kanị ị nọ nụ ẹkwan m ogẹn m gi rịọ n'i mẹni m omikẹn — ogẹn m gi kwanburu i n'i yeni m ẹka.

Ẹbụ-ọma 34:17

Ndị ezi-omumẹ yi oro, Osolobuẹ a nụ ukwere wẹ, ọ gbapụha wẹ imẹ nsọngbu wẹ ile.

Ẹbụ-ọma 69:33

Osolobuẹ e gọn ndị mkpa gi ntịn; ara nị ndị nke ẹ wẹ kwọndọn pụ a uche.

Itẹn 10:24

Ihiẹn a tụ onyẹ eje-omumẹ egun jẹnkọ d'e kunrun ẹ; ihiẹn rị a gụn onyẹ ezi-omumẹ jẹnkọ d'e ru ẹ ẹka.

Itẹn 15:29

Osolobuẹ a nọte anọte ebe ndị eje-omumẹ rị, kanị ọ nụ ekpere ndị ezi-omumẹ.

Jerimaya 33:3

‘Kpọku m, m k'a za ị, gwa ị okẹn-ihiẹn zuerini, hụn ị marịnlẹni.

Matiu 21:22

Ihiẹn ọwụlẹ ụnụ mẹ ekpere rịọ, kweri ni ụnụ k'e nwọnhẹn ẹ, ụnụ k'e nwọnhẹn ẹ.”

Jọnụ 11:42

A marịngụọ m nị y'a nụ ihiẹn m ku ogẹn ile, kanị ndịnị rị ebeni haịn m gi ku ihiẹnni, kẹni wẹ kweri nị yụ zihẹ m.”

Jọnụ 14:13

Ihiẹn ọwụlẹ ụnụ gi ẹfan m rịọ, m sikọ d'e mẹ ẹ kẹni mmẹ wụ Nwa hụn ụzọ ye Chuku-Nẹdi ọghọ.

Jọnụ 15:7

Omẹni ụnụ a nọdị imẹ m, nị oku m hụ imẹ ụnụ, rịọ nị ihiẹn ọwụlẹ ụnụ chọ; Osolobuẹ jẹnkọ d'e mẹni ụnụ ya.

Jọnụ 16:24

D'e rukwọ nwan ogẹnni, ụnụ egituni ẹfan m rịọ ihiẹn ọwụlẹ; rịọ nị, ụnụ jẹnkọ d'e nwọnhẹn, kẹni ịghọghọ ụnụ zu oke.

Jọnụ 9:31

Ẹnyi a marịnghọ nị Osolobuẹ ara gọn onyẹ-njọ ntịn, nị onyẹ e fen'ẹ lẹ onyẹ e mẹ uche ẹ k'o gọn ntịn.

Ndị Ẹfẹsọsụ 3:12

Kraịstị, hụn obi gi okweri ẹnyi kwerinin'ẹ e ru ẹnyi alị ọda-ọda ịbanye ebe Osolobuẹ rị.

Hibru 10:35

Ya wụ, etuhulẹ ni nwan okweri hụ ụnụ kwerikẹnmẹni Di-nwọnni-ẹnyi, makẹni ụgwọ-ọrụn rịn'a e hikẹkwọ ogbe.

Hibru 3:14

Makẹni ẹnyi lẹ Kraịstị k'a rịsọnmẹ omẹni ẹnyi e kwọnkẹnmẹ ẹka ahụn ẹnyi gi bidọn d'e ru njẹndemẹ.

Hibru 3:6

Kanị Kraịstị rụn ọrụn ọhụnma nọkẹ Nwa hụn ụlọ Osolobuẹ rị ẹka. Ụlọ Osolobuẹ hụ kẹ ẹnyi wụ, o mẹkwọ nị ẹnyi a tọ e kushi ikẹn, e nwọn olilẹnyanị, e nwọnshi ẹ ikẹn.

Jemisi 4:3

Ụnụ rịọdẹ ụnụ ara nwọnhẹn, makẹni ụnụ rị a rịọ hụn furulẹni nị ụnụ rịọ, hụn ụnụ e gi mẹ ihiẹn a sụọnị ụnụ.

Jemisi 5:16

A gwaghọsị nị nwan ibe ụnụ njọ ụnụ mẹ, e mẹni ni ibe ụnụ ekpere, kẹni ụnụ hụn ụzọ dịnhịn. Ekpere onyẹ ezi-omumẹ nwọn ikẹn ọda-ọda; ọ rụnka.

Jọnụ Ibuzọ 2:28

Ẹghẹẹ ụmụẹka, nọdị nị imẹ ẹ, kẹni obi ru ẹnyi ile alị ogẹn o gi bịa, amamgbe ifẹnrẹn e mẹ ẹnyi ihun ẹ Ụhụọhịn o k'a bịa.