Jọnụ Ibuzọ 5:10 - Ika

¹⁰ Ya wụ, onyẹ hụn kwerini Nwa Osolobuẹ e gigụọ ẹrini dọn imẹ obi ẹ; kanị onyẹ hụn kwerilẹni a kpọgụọ Osolobuẹ onyẹ-ntụ, makẹni o gini ẹri Osolobuẹ shịanị Nwa a dọn.

Jọnụ Ibuzọ 5:10 ပူးပေါင်းရင်းမြစ်များ

Jobu 24:25

Omẹni ihiẹn ndịnị ẹlẹ ezioku, gwa nị m; ghọsị nị nị onwọnni ihiẹn oku m wụ.”

Ẹbụ-ọma 25:14

Ndị a tụ egun Osolobuẹ k'ọ gwa uche ẹ, o mẹ wẹ a ghọta Iwu ẹ.

Itẹn 3:32

makẹni ize kẹ onyẹ ghẹrẹ-ghẹrẹ-ghẹrẹ e zedẹ Osolobuẹ, kanị nke onyẹ e dọnmẹ ẹka a ọchan, Osolobuẹ a gwad'a uche ẹ.

Azaya 53:1

Onyẹ kweri nwan ozi ẹnyi? Onyẹ kẹ Osolobuẹ ghọsị ihiẹnni Osolobuẹ mẹ?

Jerimaya 15:18

Kị haịn nwan afụnfụn m gilẹni a gụ? Kị haịn nwan wẹ gi a rụ m eje-ẹhụ ghalẹni a la? I sikọ d'e mẹ m kẹ iyi a tahịnahịn onyẹ gi ẹ e dọn ẹnya, nọkẹ isi-mirin ghalẹni a gbasọnmẹ mirin?

Ọgụngụn 23:19

“Osolobuẹ ẹlẹ ịhịan hụn o gi tụ ntụ; ẹlẹ ịhịan mụ a hụn o gi rohutọ. N'o ku oku bụ o mẹn'ẹ? N'o kwe nkwa bu o mẹzun'ẹ?

Jọnụ 3:16

“Makẹni Osolobuẹ nwọn ihiẹn-ọsụsụọ ndị rị ụwa ọda-ọda, ya haịn o gi we akpụ Nwa ohu o nwọn ye, n'ọ wụrụ nị onyẹ ọwụlẹ kwerinin'ẹ alakọ iwi, kama o nwọn ndụn itẹbitẹ.

Jọnụ 3:18

Ikpe amanị onyẹ hụn kwerinin'ẹ, kanị ikpe a magụọlẹ onyẹ hụn kwerilẹni, o gilẹni kwerini ẹfan akpụ Nwa ohu Osolobuẹ mụ.

Jọnụ 3:33

Onyẹ gi oku ẹ dọn a ghọsịọlẹ nị Osolobuẹ wụ onyẹ-ezioku.

Jọnụ 5:38

oku ẹ arị imẹ ndụn ụnụ, makẹni ụnụ ekwerinini onyẹ o zihẹ.

Ọrụn Ndị-ozi 8:37

[Filipu nọ sị a, “Omẹni y'e gighọ obi i ile kweri, nị wẹ mẹghọ ị mirin-Chuku.” Ọ nọ za, sị, “E kwerighọ m nị Jesu Kristi wụ Nwa Osolobuẹ.”]

Ndị Rom 8:16

Mmọn-nsọ lẹ enwẹn ẹ hụ e sọn mmọn ẹnyi a shịa ẹri nị ẹnyi wụ ụmụ Osolobuẹ nke-esi.

Ndị Galeshịa 4:1

Ihiẹn m rị e ku wụ nị, ebe nwa jẹnkọ d'a kwarị ukuu nẹdi ẹ kelẹni ru ogo, ọ rịhụ kẹ igbọn, ihiẹn ichẹn arịa, ọsụọn'a nị ihiẹn ile wụ nke ẹ:

Ndị Galeshịa 4:6

Makẹni ụnụ wụ ụmụ, Osolobuẹ nọ zihẹ Mmọn Nwa a ye imẹ obi ẹnyi; ọ hụ imẹ ẹnyi a hị, “Baba! Baba nẹdi m!”

Ndị Kolosị 3:3

Makẹni, ụnụ a nwụnhụngụọ; e bugụọ wẹ ndụn ụnụ che imẹ Kraịstị zuemẹ imẹ Osolobuẹ.

Hibru 3:12

Umunẹ m, kpachanpụkwọ nị nwan ẹnya makẹ ọ gha enwọn onyẹ rị imẹ igunrun hụn nwọn eje-obi, obi ghalẹni e kweri, hụn k'e mẹ ịhịan latọ Chuku rị ndụn.

Pita Nke Ẹbụọ 1:19

Ẹnyi gi ẹ nwan marịn nị ihiẹn ndị-amụma ku imẹ Ẹkụkwọ-nsọ furu wẹ gi e dọn ẹnya. Ọ ka ụnụ mma nị ụnụ gi wẹ e dọn, nọkẹ ukpẹ ẹka rị e nwun imẹ ishi, d'e ru ni eki e fọn, Onyẹ ahụn wụ Kokisẹ-ụtụntụn e timẹ imẹ obi ụnụ.

Jọnụ Ibuzọ 1:10

Ẹnyi sị nị ẹnyi emẹni njọ, ẹnyi rị a kpọ a onyẹ-ntụ, oku ẹ arị imẹ ẹnyi.

Jọnụ Ibuzọ 5:1

Onyẹ kweri nị Jisọzị wụ Kraịstị, hụnyẹ wụ nwa Osolobuẹ; onyẹ ọwụlẹ nwọn ihiẹn-ọsụsụọ nẹdi, nwọnzikwọ ihiẹn-ọsụsụọ onyẹ hụn ọ mụ.

Rẹvẹleshọnụ 12:17

Iwe okpoho hụ nọ we Dragọnụ hụ, ọ pụ d'a lụsọn ụmụ okpoho hụ agha — ụmụ a ndị ọzọ, ndị hụn e mẹ ihiẹn Chuku ku, e kwọnkẹnmẹ oku Jesu;

Rẹvẹleshọnụ 2:17

Onyẹ nwọn ntịn ya nụ ihiẹn Mmọn-nsọ rị a gwa ụka rị ichẹn-ichẹn! Onyẹ hụ mẹrini kẹ m jẹnkọ d'e ye mana hụ zuerini. M k'e yezikwọ a ọmụma ọchan hụ wẹ deye ẹfan ọhụn hụn o mẹ ni onyẹ wẹ ye ẹ sụọ k'a saẹka marịn a.

Rẹvẹleshọnụ 2:28

nọkẹ kẹ Nẹdi m dọn ye m ikẹn m gi a kị. M k'e yezikwọ hụnyẹ kokisẹ ụtụntụn hụ.