Jọnụ Ibuzọ 4:11 - Ika

¹¹ Ndị nke m, ebe o mẹ eziẹ nị Osolobuẹ nwọn ihiẹn-ọsụsụọ ẹnyi ẹnịna, ẹnyi nwẹn gi ibe ẹnyi ụgwọ ihiẹn-ọsụsụọ.

Jọnụ Ibuzọ 4:11 ပူးပေါင်းရင်းမြစ်များ

Luku 10:37

Ọ nọ za, “Onyẹ hụn mẹn'ẹ ẹfọma.” Ya kẹ Jesu nọ sị a, “D'e mẹ nwan ẹrịra.”

Jọnụ 13:34

M rị nwan e ye ụnụ iwu ọhụn: e nwọn ni ihiẹn-ọsụsụọ ibe ụnụ. Kẹ m dọn nwọn ihiẹn-ọsụsụọ ụnụ kẹ ụnụ k'a dọn nwọn ihiẹn-ọsụsụọ ibe ụnụ.

Ndị Ẹfẹsọsụ 4:31

Wepụ nị iwe ile, ịkpọ-ọnụma, olulu, oro, ikuja oku ịhịan lẹ eje-ihiẹn ile ịhịan gi e sọn ibe ẹ imẹ ụnụ.

Ndị Kolosị 3:13

E gi ni ndidin e sọn ibe ụnụ; onyẹ nwẹnẹ ẹ mẹja ya gbagharị a: kẹ Di-nwọnni-ẹnyi wụ Kraịstị dọn gbagharị ụnụ kẹ ụnụ k'a dọn gbagharị ibe ụnụ.

Jọnụ Ibuzọ 2:7

Ndị nke m, arị m e deni ụnụ iwu ọhụn; kama, iwu ohu ahụn wẹ ye ụnụ isi-ibuzọ rọ. Ozi hụ ụnụ nụ, ịya wụ iwu mbụ ahụn m rị e ku oku ẹ;

Jọnụ Ibuzọ 3:11

Ẹghẹẹ, ozi hụ ụnụ nụ isi-ibuzọ wụ nị ẹnyi k'a gha e nwọn ihiẹn-ọsụsụọ ibe ẹnyi.

Jọnụ Ibuzọ 3:23

Ọnwan wụ iwu ẹ: nị ẹnyi k'e kweri ni ẹfan Nwa a wụ Jesu Kristi lẹ ni ẹnyi k'e nwọn ihiẹn-ọsụsụọ ibe ẹnyi — nọkẹ k'o dọn gwa ẹnyi.

Jọnụ Ibuzọ 4:7

Ezigbo umunẹ, nị ẹnyi e nwọn ni ihiẹn-ọsụsụọ ibe ẹnyi, makẹni ihiẹn-ọsụsụọ wụ nke Osolobuẹ. Onyẹ nwọn ihiẹn-ọsụsụọ, Osolobuẹ mụ a, ọ marịnghọ Osolobuẹ.

Jọnụ Nke Ẹbụọ 1:5

M rị nwan a rịọ ị, ezi okpoho, arị m e den'i iwu ọhụn kanị iwu ohu ahụn o ye ẹnyi gha alị lala: nị ẹnyi e nwọn ihiẹn-ọsụsụọ ibe ẹnyi.