Jọnụ Ibuzọ 4:1 - Ika

¹ Ndị nke m, ẹlẹ mmọn ile gi ịhịan ku oku kẹ ụnụ k'e kweyeni, ka e lelegụ nị kẹ wẹ gha ẹka Osolobuẹ bịa nke-esi, makẹni, ndị amụma-ntụ bu ọda a pụhagụọ imẹ ụwa.

Jọnụ Ibuzọ 4:1 ပူးပေါင်းရင်းမြစ်များ

Ndị-nze Nke Ibuzọ 13:18

Ya onyẹ-amụma hụ ka ẹgẹdi nọ sị a, “Mmẹ nwẹn wụzị onyẹ-amụma nọkẹ yụ. Mmọn-ozi gwa m nị Osolobuẹ sị m: ‘D'e wekinhẹn ẹ, n'o d'a nọ iwe i ri, ra.’ ” (Kanị, ntụ kẹ onyẹ-amụma hụ ka ẹgẹdi rị a tụ a.)

Itẹn 14:15

Onyẹ nwọnlẹni hụn ọ marịn e kweri ihiẹn ile; kanị onyẹ nwọn uche e lebangụ ebe o jẹnkọ ẹnya.

Jerimaya 14:14

Osolobuẹ nọ sị m, “Amụma-ntụ kẹ ndị-amụma ahụn rị e gi ẹfan m e bu. Ẹlẹ mmẹ zi wẹ; ẹlẹ mmẹ tumẹ wẹ; onwọnni ihiẹn m sị wẹ ku. Wẹ rị a hụnnị ụnụ ọhụn wụlẹni ezioku, a gba ẹfa nwọnlẹni isi, e ku ihiẹn uche wẹ gwa wẹ.

Jerimaya 23:16

Osolobuẹ ihiẹn ile rị okpuru ẹ sị, “Egikwọlẹ ni ihiẹn ndị-amụma hụ rị a gwa ụnụ dọn. Wẹ rị e dufie ụnụ! Ihiẹn wẹ rị e ro kẹ wẹ rị e ku, ẹlẹ ihiẹn wẹ nụ ọnụ Osolobuẹ.

Jerimaya 5:31

Ndị-amụma rị e bu amụma-ntụ, ndị nchụn-ẹjan hụ e gi ọrụn wẹ a kpa ikẹn — bụ ọ hụdẹ a sụọ ndị nke m ẹrịra! Kị ụnụ k'e mẹ nwan ogẹn ikpanzụụn?

Makị 13:21

“Ogẹn hụ, onyẹ sị ụnụ, ‘Lee ẹ, Kraịstị rị ebeni!’ Mọbụ, ‘Lee ẹ, ọ rị ebahụn,’ ekwerikwọlẹ ni.

Luku 12:57

“Kị haịn ụnụ gilẹni a marịn ihiẹn rị mma?

Luku 21:8

Jesu nọ sị wẹ, “Dọnrin ni ẹnya makẹ wẹ gha e dufie ụnụ. Makẹni, ndị bu ọda sikọ d'e gi ẹfan m bịa, a sị, ‘Mmẹ wụ Kraịstị;’ a sịzị, ‘Ogẹn hụ e rugụọ!’ Ka esọnkwọlẹ ni wẹ.

Ọrụn Ndị-ozi 17:11

Ndị Ju rị Bẹrịa ka obi a shịapụ karị ndị rị Tẹsalonika. Makẹni, wẹ gichanrịn obi wẹ ile nabanhan oku Di-nwọnni-ẹnyi, e leban ẹnya Ẹkụkwọ-nsọ ụhụọhịn ile nị wẹ marịn kẹ ihiẹn ndị hụ Pọlụ ku wụ ezioku.

Ọrụn Ndị-ozi 20:29

A marịnghọ m nị m pụgụ, eje-ẹwọrọ k'a bịa imẹ igunrun ụnụ d'e ripụ atụnrụn.

Ndị Kọrẹntị Ibuzọ 12:10

yezikwọ onyẹ ọzọ oyiye ịrụn ọrụn-atụmẹnya, ye onyẹ ọzọ oyiye izi ozi Osolobuẹ, ye onyẹ ọzọ oyiye o gi a marịn ụdị mmọn rị ọrụn, yezikwọ onyẹ ọzọ oyiye ịsụ-asụsụ rị ichẹn-ichẹn, yezikwọ onyẹ ọzọ oyiye ịnaye oku.

Ndị Kọrẹntị Ibuzọ 14:29

Madụ ẹbụọ mọbụ ẹtọ wẹ zi ụka ozi Osolobuẹ zi wẹ: ndị họdụnị wẹ gọn ntịn, e lele ihiẹn wẹ rị e ku.

Ndị Tẹsalonika Ibuzọ 5:20

Elelịalẹ ni ibu-amụma lẹ ozi ịhịan gi ẹfan Osolobuẹ zi —

Ndị Tẹsalonika Ibuzọ 5:21

kama, e lele ni ihiẹn ile, ụnụ e kwọnkẹnmẹ hụn rị mma.

Ndị Tẹsalonika Nke Ẹbụọ 2:2

anịlẹ ni obi gbayịyakẹnrin ụnụ mọbụ nahịn ụnụ nị wẹ sị nị mmọn sị mọbụ nị ịhịan sị mọbụ nị ẹnyi de imẹ ẹkụkwọ-ozi nị Ụhụọhịn Di-nwọnni-ẹnyi a bịagụọlẹ.

Timoti Ibuzọ 4:1

Mmọn-nsọ e kupụgụọ a n'o ru ogẹn ikpanzụụn, o nwọn ndị k'a latọ ofufe-Kraịstị, sọnmẹ mmọn ndị hụn e dufieni lẹ nkuzi eje-mmọn,

Timoti Nke Ẹbụọ 3:13

Kanị ndị eje-ịhịan lẹ ndị ndufie jẹnkọ d'a gha a jọwaye njọ; e dufie ndị ọzọ, ndị ọzọ hụ e dufie wẹ.

Pita Nke Ẹbụọ 2:1

Kanị o nwọnzighọ ndị amụma-ntụ rị imẹ igunrun ndị Izrẹlụ ogẹn mbụ hụ. Ẹrịra kẹ ndị nkuzi-ntụ jẹnkọ d'a rịzị imẹ ụnụ. Wẹ k'e gi nzuzue webanhansọnmẹ nkuzi-ntụ e buhẹ ntikpọ, jụdẹ Di-nwọnni-ẹnyi hụn ṅọnni wẹ, gi ẹ buhẹkẹnrinni enwẹn wẹ ntikpọ.

Jọnụ Ibuzọ 2:18

Ụmụ m, ogẹnni wụ ogẹn ikpanzụụn! Ụnụ a nụgụọ a nị onyẹ ahụn wụ Eṅẹnrẹn-Kraịstị (Anti-Kraịstị) lala. Ndị-iṅẹnrẹn Kraịstị bu ọda a pụhagụọ nwan. Ịya kẹ ẹnyi gi a marịn nị ogẹnni wụ ogẹn ikpanzụụn.

Jọnụ Ibuzọ 2:7

Ndị nke m, arị m e deni ụnụ iwu ọhụn; kama, iwu ohu ahụn wẹ ye ụnụ isi-ibuzọ rọ. Ozi hụ ụnụ nụ, ịya wụ iwu mbụ ahụn m rị e ku oku ẹ;

Jọnụ Nke Ẹbụọ 1:7

Ndị-ndufie bu ọda a bangụọ imẹ ụwa. Ndịnị ara kweri nị Jesu Kristi gi ẹhụ ịhịan bịa. Onyẹ nọ ẹnịna wụ onyẹ-ndufie hụ lẹ Eṅẹnrẹn-Kraịstị hụ wụ anti-Kraịstị!

Jọnụ Nke Ẹtọ 1:11

Nwẹnẹ-onyẹ, elerikwọlẹ eje-ihiẹn, ka leri ihiẹn rị mma. Onyẹ e mẹ ihiẹn rị mma wụ nke Osolobuẹ, kanị onyẹ e mẹ eje-ihiẹn eke marịndẹ Osolobuẹ.

Rẹvẹleshọnụ 2:2

A marịnghọ m ihiẹn ile ị rị e mẹ: kẹ ị dọn rị a lụgbu enwẹn i lẹ kẹ ị dọn rị e dingbu ihiẹn ile, lẹni y'a ra ye ndị rị e mẹ eje-ihiẹn efe; a marịnghọ m nị y'e lelegụọ ndị ahụn kpọ enwẹn wẹ ndị-ozi pụ-ichẹn bụ ẹlẹ wẹ ndị ozi pụ-ichẹn. Y'a hụngụọ a nị wẹ wụ ndị-ntụ.