Jọnụ Ibuzọ 3:3 - Ika

³ Ndị ile nwọn olilẹnyanị imẹ obi wẹ e dọnmẹ enwẹn wẹ ọchan kẹ ya lẹ enwẹn ẹ dọn rị ọchan.

Jọnụ Ibuzọ 3:3 ပူးပေါင်းရင်းမြစ်များ

Samuẹlụ Nke Ẹbụọ 22:27

Onyẹ gi ezioku sọn i, y'e gi ezioku sọn ẹ; kanị onyẹ gi ghẹrẹ-ghẹrẹ-ghẹrẹ sọn i, y'e gi akọ sọn ẹ.

Matiu 5:48

Zu ni nwan oke kẹ Nẹdi ụnụ hụn rị elu-igwee dọn zu oke.

Luku 6:36

E mẹ ni omikẹn kẹ Nẹdi ụnụ dọn e mẹ omikẹn.

Jọnụ 17:19

“M rị nwan e gi ufiri wẹ e wepụha enwẹn m, kẹni m mẹ wẹ wụrụ ndị wẹ wepụha dọn nsọ nke-esi.

Ọrụn Ndị-ozi 15:9

Onwọnni ihiẹn ọ sị n'ọ rị ichẹn ẹgbata ẹnyi lẹ wẹ, makẹni o gigụọ okukwe chanchan obi wẹ.

Ndị Rom 15:12

Osolobuẹ gizi Azaya sị, “Mkpọgụn Jese k'a pụha — o k'e lihi d'a kịmadẹ alị ndị ọzọ; ịya kẹ ndị alị ọzọ k'e gi dọn ẹnya.”

Ndị Kọrẹntị Nke Ẹbụọ 7:1

Ndị nke m, hụnnị Osolobuẹ kwe ẹnyi nkwa ndịnị, nị ẹnyi chanpụ enwẹn ẹnyi ihiẹn ile e mẹrụ ẹhụ lẹ mmọn, gi egun Osolobuẹ a rịchanrịn nsọ.

Ndị Kolosị 1:5

ufiri nị ụnụ rị e lee ẹnya ihiẹn hụ Osolobuẹ dọnmẹni ụnụ elu-igwee, hụn ụnụ nụ ogẹn wẹ gi zi ụnụ ozi hụ wụ ezioku, hụn wụ oziọma.

Ndị Tẹsalonika Nke Ẹbụọ 2:16

Di-nwọnni-ẹnyi Jesu Kristi lẹ enwẹn ẹ lẹ Chuku Nẹdi ẹnyi hụn gi ihiẹn-ọsụsụọ o nwọn ebe ẹnyi rị mẹni ẹnyi ọhụnma ye ẹnyi nkasị-obi itẹbitẹ lẹ olilẹnya rị mma,

Taịtọsụ 3:7

Hụnnị o gigụ nwan ẹfọma a kuni ẹnyi ọhụnma, ẹnyi e họnringụọ ụmụ a rị e lee ẹnya ndụn itẹbitẹ o kwe nkwa a.

Hibru 12:14

A lịlịma nị nị udọn a rị ẹgbata ụnụ lẹ ịhịan ile lẹ ni ụnụ a rịzị nsọ, makẹni onyẹ rịlẹni nsọ ahụnkọ Onyẹ-nwọnni-ẹnyi.

Hibru 6:18

kẹni obi ruchanrịn ẹnyi ndị gbaburun'ẹ alị kwọnkẹnmẹ olilẹnya o ye ẹnyi, makẹni Osolobuẹ e gigụọ ihiẹn ẹbụbụọ ahụn ghalẹni e gbehutọ ghọsịchanrịn nị ẹlẹ ntụ kẹ ọ rị a tụ.

Hibru 7:26

Onyẹ-isi nchụn-ẹjan nọ ẹnịna furu ẹnyi: onyẹ-isi nchụn-ẹjan hụn rị nsọ, nwọnlẹni njọ, nwọnlẹni ebe ọ nọ rụ, hụn ya lẹ ndị-njọ wụlẹni ohu, hụn Osolobuẹ bushigụ elu ghafedẹ igwere.

Jemisi 4:8

Nọkunmẹ ni Osolobuẹ kẹni Osolobuẹ nọkunmẹ ụnụ. Kwọpụ nị ẹka ụnụ, ndị njọ! Chanchanpụ nị obi ụnụ, ndị obi-ẹbụọ!

Pita Ibuzọ 1:15

Ka bi ni obibi rị nsọ ụzọ ile kẹ Osolobuẹ hụn kpọ ụnụ dọn rị nsọ.

Pita Ibuzọ 1:3

Ọjịja-mma ya rịnị Osolobuẹ hụn wụ Chuku lẹ Nẹdi Onyẹ-nwọnni-ẹnyi wụ Jizọs Kraịstị! O gigụọ okẹn omikẹn ẹ mụdọnzi ẹnyi, mụ ẹnyi ye imẹ olilẹnya ọhụn rị ndụn ghahanị ịgha ọnwụn weli Jizọsị.

Pita Nke Ẹbụọ 1:4

Ihiẹn ahụn ile o nwọn lẹ ọchan ọ rị k'o gha nwan kwe ẹnyi nkwa okẹn ihiẹn rị ichẹn-ichẹn w'a chọ achọ, kẹni ụnụ gi wẹ bịa d'a rị kẹ Osolobuẹ, ebe ụnụ nọ wanahịngụ ụrụ rị imẹ ụwa lẹ ihiẹn ọlịlẹnya hụn e buhẹn'ẹ.

Pita Nke Ẹbụọ 3:14

Ezi umunẹ m, ebe o mẹni ụnụ rị a tụ ẹnya ihiẹn ndịnị, lịlịma nị nwan nị ụnụ wụrụ ndị nwọnlẹni nkọrịanị mọbụ ebe wẹ nọ rụ ẹnya a, ndị ẹgbata ya lẹ wẹ rị mma.

Jọnụ Ibuzọ 2:6

onyẹ hụn sị n'ọ rị imẹ ẹ sikọ d'e birịrị k'o dọn bi.

Jọnụ Ibuzọ 4:17

Ibi ẹrịra kẹ ihiẹn-ọsụsụọ e gi zu oke imẹ ndụn ẹnyi, kẹni obi ru ẹnyi alị Ụhụọhịn Okinkin-ikpe, makẹni ẹnyi hụ e bi kẹ ịya imẹ ụwanị.