Jọnụ Ibuzọ 3:22 - Ika

²² ẹnyi e nwọnhẹnzi ihiẹn ẹnyi rịọ a, makẹni ẹnyi hụ e dọnmẹ iwu ẹ, e mẹ ihiẹn a sụọn'a.

Jọnụ Ibuzọ 3:22 ပူးပေါင်းရင်းမြစ်များ

Jobu 22:26

Ogẹn hụ, ihiẹn Onyẹ Hụ Nwọn Ikẹn Ile a sụọma ị ụsụọ ẹfọ, y'a sa nwan ẹka bu ihun zinmẹmẹ Chuku.

Ẹbụ-ọma 10:17

Euu Osolobuẹ, y'a nụgụọ ihiẹn ndị wẹ rị a bịangbu rịọ ị; y'a gba wẹ umẹ a gba; y'a nụ ẹkwan wẹ a nụ —

Ẹbụ-ọma 34:4

M kpọku Osolobuẹ, ọ za m — ọ gbapụha m imẹ ihiẹn ile te rị a tụ m egun.

Ẹbụ-ọma 50:15

kpọku m ogẹn nsọngbu, m k'a zụọpụha ị, y'a ja m mma.

Itẹn 15:29

Osolobuẹ a nọte anọte ebe ndị eje-omumẹ rị, kanị ọ nụ ekpere ndị ezi-omumẹ.

Itẹn 28:9

Onyẹ sị o gọnkọ ntịn Iwu-Osolobuẹ, ekpere ẹ wụdẹ arụ ebe Osolobuẹ rị.

Azaya 1:15

Ụnụ kịshidẹ ẹka elu mẹ ekpere, e bupụ m ụnụ ihun; ụnụ mẹkẹnmẹdẹ ekpere, egọnkọ m ụnụ ntịn. Ẹdeke jun ụnụ ẹka;

Jerimaya 33:3

‘Kpọku m, m k'a za ị, gwa ị okẹn-ihiẹn zuerini, hụn ị marịnlẹni.

Matiu 17:5

Ebe ọ rị e ku ihiẹnni, orukpu rị e gbukeni nọ kpumẹ wẹ idẹnmizi. Olu nọ gha imẹ orukpu hụ sị, “Ọnwan wụ ezi Nwa m hụn ihiẹn ẹ a sụọ m; gọn n'ẹ ntịn!”

Matiu 21:22

Ihiẹn ọwụlẹ ụnụ mẹ ekpere rịọ, kweri ni ụnụ k'e nwọnhẹn ẹ, ụnụ k'e nwọnhẹn ẹ.”

Makị 11:24

Ya haịn m gi sị ụnụ nị ụnụ mẹ ekpere rịọ ihiẹn ọwụlẹ, kweri ni nị ụnụ e nwọnhẹngụọ a, ụnụ k'e nwọnhẹn ẹ.

Jọnụ 14:13

Ihiẹn ọwụlẹ ụnụ gi ẹfan m rịọ, m sikọ d'e mẹ ẹ kẹni mmẹ wụ Nwa hụn ụzọ ye Chuku-Nẹdi ọghọ.

Jọnụ 15:10

Omẹni ụnụ e mẹsọnmẹghọ ihiẹn m ku, ụnụ sikọ d'a wụsọnmẹ ndị ihiẹn wẹ a sụọ m — nọkẹ kẹ m dọn e mẹ ihiẹn Nẹdi m ku, e gi ẹ a wụsọnmẹ onyẹ ihiẹn ẹ a sụọ Nẹdi m.

Jọnụ 15:7

Omẹni ụnụ a nọdị imẹ m, nị oku m hụ imẹ ụnụ, rịọ nị ihiẹn ọwụlẹ ụnụ chọ; Osolobuẹ jẹnkọ d'e mẹni ụnụ ya.

Jọnụ 6:29

Jesu nọ sị wẹ, “Ọnwan wụ ọrụn Osolobuẹ: ikwerini onyẹ hụn o zihẹ.”

Jọnụ 8:29

Onyẹ hụ zihẹni m nọyeni m anọyeni; ọ latọnị m, makẹni ogẹn ile kẹ m gi e mẹ ihiẹn a sụọn'a.”

Jọnụ 9:31

Ẹnyi a marịnghọ nị Osolobuẹ ara gọn onyẹ-njọ ntịn, nị onyẹ e fen'ẹ lẹ onyẹ e mẹ uche ẹ k'o gọn ntịn.

Ọrụn Ndị-ozi 17:30

Osolobuẹ e fepụghọ ẹnya ogẹn mbụ ịhịan marịnlẹn'a. Kanị, ọ sị nwan ịhịan ile rị ebe ile wẹ rogharị.

Ọrụn Ndị-ozi 20:21

a gwa kẹ ndị Ju kẹ ndị wụlẹni ndị Ju oku irogharị buru Osolobuẹ lẹ ikwerini Di-nwọnni-ẹnyi wụ Jesu.

Ndị Filipi 4:18

Ihiẹn ile ụnụ ye e rugụọ m ẹka! O bukẹ!! Hụnnị Ẹpafrọditọsụ wẹhẹni m ihiẹn ile ụnụ ye ẹ bịanị m, ẹfọ e jungụọ m. Oyiye ishin ẹ a sụọ Osolobuẹ rọ, ẹjan Osolobuẹ a nabanhan hụn a sụọ a ụsụọ.

Ndị Kolosị 1:10

kẹni ụnụ e bi obibi furu Di-nwọnni-ẹnyi, obibi hụn a sụọn'a ụzọ ile, a mịpụha mkpụrụ ọrụn ọma ile rị ichẹn-ichẹn, a marịn Osolobuẹ, a marịnwaye.

Hibru 13:21

ya dodo yechanrịn ụnụ ihiẹn ile rị mma ụnụ e gi mẹ uche ẹ, a rụn ọrụn imẹ ndụn ẹnyi kẹni ihiẹn a sụọn'a hụn ụzọ e mẹ imẹ ndụn ẹnyi ghahanị Jesu Kristi. Ọjịja-mma ya rịnị Jizọsị Kraịstị ogẹn ile jẹnrin ejẹn! Isẹẹ.

Jemisi 1:5

Onyẹ marịnlẹni ihiẹn o k'e mẹ, ya rịọ Osolobuẹ hụn a shịapụ ẹfọ e ye, hụn ghalẹni e kpe nị w'e rịọ a ihiẹn, o k'e ye ẹ amamihiẹn.

Jemisi 4:3

Ụnụ rịọdẹ ụnụ ara nwọnhẹn, makẹni ụnụ rị a rịọ hụn furulẹni nị ụnụ rịọ, hụn ụnụ e gi mẹ ihiẹn a sụọnị ụnụ.

Jemisi 5:16

A gwaghọsị nị nwan ibe ụnụ njọ ụnụ mẹ, e mẹni ni ibe ụnụ ekpere, kẹni ụnụ hụn ụzọ dịnhịn. Ekpere onyẹ ezi-omumẹ nwọn ikẹn ọda-ọda; ọ rụnka.

Jọnụ Ibuzọ 2:3

Ihiẹn ẹnyi gi a marịn nị ẹnyi a marịnghọ Osolobuẹ nke-esi wụ nị ẹnyi hụ e mẹ ihiẹn ọ gwa ẹnyi.

Jọnụ Ibuzọ 5:14

Ihiẹn ọzọ obi gi e ru ẹnyi alị ebe Osolobuẹ rị wụ ọnwan: nị omẹni ẹnyi rịọ a ihiẹn k'ọ dọn rị a obi, ọ nụ ekpere ẹnyi.