Jọnụ Ibuzọ 3:20 - Ika

²⁰ omẹni obi e gbumẹ ẹnyi mgbu, Osolobuẹ ka obi ẹnyi, ọ marịnzịghọ ihiẹn ile.

Jọnụ Ibuzọ 3:20 ပူးပေါင်းရင်းမြစ်များ

Jobu 27:6

M k'a tọ e ku ẹ nị ẹka m rị ọchan, ekuhutọkọ m ọnụ; ịhọrị m amakọ m ikpe e we m nwụn.

Jobu 33:12

Kanị, m rị a gwa ị — hụnnị i ku ẹlẹ ezioku; makẹni Chuku ka ịhịan.

Ẹbụ-ọma 90:8

Y'e bu njọ ẹnyi e che ihun i ogẹn ile; y'e wepụhadẹ njọ ẹnyi mẹ nzuzue ihun i.

Jerimaya 17:10

“Mmẹ wụ Osolobuẹ e lele obi, e lele iroro — hụn m'e gi a kụ ịhịan ụgwọ omumẹ ẹ, ụgwọ ihiẹn ọ mẹ.”

Jerimaya 23:24

Nị ịhịan saẹka warị ebe zuerini amamgbe m'a hụn a? Ụnụ amarịn nị m rị ebe ile rị elu-igwee lẹ ụwa?

Jọnụ 21:17

Jesu nọ jụzị a ya hụn mẹ ẹ mgbe ẹtọ, “Saịmọnụ nwa Jọnụ, ihiẹn m a sụọghọ ị?” Ọ nọ fụ Pita nị Jesu jụ a mgbe ẹtọ, “Ihiẹn m a sụọghọ ị?” Pita nọ sị a, “Di-nwọnni-ẹnyi, y'a marịnghọ ihiẹn ile; y'a marịnghọ nị ihiẹn i a sụọghọ m.” Jesu nọ sị a, “Lepụ atụnrụn m ẹnya.

Jọnụ 8:9

A nụ wẹ ihiẹn ọ za, wẹ ile nọ pụma ohu-ohu — ndị kanị bu ụzọ pụma, d'e ru n'ọ họdụ Jizọsị sụọ; okpoho hụ turuhụkwọ ihun Jizọsị ebẹhụ.

Ọrụn Ndị-ozi 5:33

Kẹ wẹ nụ ihiẹnni, ize ze wẹ ọda-ọda, wẹ nọ chọ nị wẹ gbu wẹ.

Ndị Rom 8:34

Onyẹ k'a ma wẹ nwan ikpe, ebe o mẹ ni Jesu Kristi rị nwan ẹka-nni Osolobuẹ a rịọdọnni ẹnyi — Jesu Kristi hụn nwụnnị ẹnyi ọnwụn, hụn gizidẹ ufiri ẹnyi gha ọnwụn lihi? N'ọ ma ẹnyi ikpe?

Ndị Kọrẹntị Ibuzọ 4:4

Obi m hụghọ ọchan, kanị ẹlẹ ọhụn kẹ ẹka m e gi rị ọchan; Di-nwọnni-ẹnyi ya nwọn kin m ikpe.

Taịtọsụ 3:11

makẹni ya marịnghọ nị uche onyẹ nọ ẹrịra a rụgụọ, nị onyẹ-njọ k'ọ wụ; o gigụọ njọ ọ rị e mẹ ma enwẹn ẹ ikpe.

Hibru 4:13

Ẹnya Osolobuẹ, onwọnni ihiẹn zuerini. Ẹghẹẹ, ihiẹn ile gba ọtọ, rị oghe, ẹnya onyẹ hụ ẹnyi jẹnkọ d'e ye mgbakọ.

Hibru 6:13

Ogẹn Osolobuẹ gi kwe Ebraham nkwa, Osolobuẹ nọ kun enwẹn ẹ — makẹni onwọnni onyẹ ka Osolobuẹ hụn Osolobuẹ k'e kun ẹfan a: ọ sị,

Jọnụ Ibuzọ 3:19

Ọhụn kẹ ẹnyi e gi marịn nị ẹnyi rị azụụn nke ezioku, ịya kẹ ẹnyi gi e mẹ obi e ru ẹnyi alị ebe Osolobuẹ rị —

Jọnụ Ibuzọ 3:21

Ndị nke m, omẹni obi arị e gbu ẹnyi mgbu, egun ara tụ ẹnyi ebe Osolobuẹ rị,

Jọnụ Ibuzọ 4:4

Ụmụẹka, ụnụ wụ nke Osolobuẹ; ụnụ e mẹrigụọ wẹ, makẹni onyẹ rị imẹ ụnụ ka onyẹ rị imẹ ụwa.

Rẹvẹleshọnụ 2:23

M k'e gbu ụmụ a. Ụka ile k'e gi ẹ marịn nị mmẹ wụ onyẹ hụ e nyọnchan uche lẹ obi lẹ ni m k'a kụ onyẹ-onyẹ imẹ ụnụ ụgwọ ihiẹn o mẹ.