Jọnụ Ibuzọ 3:16 - Ika

¹⁶ Ihiẹn ẹnyi gi a marịn ihiẹn-ọsụsụọ wụ ọnwan: nị Kraịstị gi ufiri ẹnyi we ndụn a ye. O furu nwan nị ẹnyi nwẹn ye ndụn ẹnyi makẹ ufiri ibe ẹnyi.

Jọnụ Ibuzọ 3:16 ပူးပေါင်းရင်းမြစ်များ

Matiu 20:28

nọkẹ kẹ mmẹ Nwa nke Ịhịan dọn bịa, ẹlẹ ni wẹ gbanị m odibo, kama, kẹni m gba odibo, yezikwọ ndụn m, gi ẹ gbapụha ndị bu ọda.”

Jọnụ 10:11

“Mmẹ wụ ezigbo onyẹ-ndu atụnrụn: Ezigbo onyẹ-ndu atụnrụn e gi ufiri atụnrụn a e ye ndụn a.

Jọnụ 10:15

nọkẹ kẹ Nẹdi m dọn marịn m, mmẹ nwẹn a marịn Nẹdi m. M rị e gi ufiri atụnrụn ndị hụ e ye ndụn m.

Jọnụ 13:34

M rị nwan e ye ụnụ iwu ọhụn: e nwọn ni ihiẹn-ọsụsụọ ibe ụnụ. Kẹ m dọn nwọn ihiẹn-ọsụsụọ ụnụ kẹ ụnụ k'a dọn nwọn ihiẹn-ọsụsụọ ibe ụnụ.

Jọnụ 3:16

“Makẹni Osolobuẹ nwọn ihiẹn-ọsụsụọ ndị rị ụwa ọda-ọda, ya haịn o gi we akpụ Nwa ohu o nwọn ye, n'ọ wụrụ nị onyẹ ọwụlẹ kwerinin'ẹ alakọ iwi, kama o nwọn ndụn itẹbitẹ.

Ọrụn Ndị-ozi 20:28

Lepụ nị nwan enwẹn ụnụ lẹ igunrun atụnrụn Mmọn-nsọ buche ụnụ ẹka ẹnya. O tumẹgụọ ụnụ ndị-ndu kẹni ụnụ du ụka Osolobuẹ, hụn Osolobuẹ gi ẹdeke ẹ nwọnhẹn.

Ndị Rom 16:4

Wẹ gi ufiri m be isi wẹ ye ọb'ẹka. Ẹlẹdẹ mmẹ sụọ rị a kpanmịn wẹ, ndị ụka ile rịsọnmẹ alị ndị wụlẹni ndị Ju rịzị a kpanmịn wẹ.

Ndị Rom 5:8

Kanị, nke Osolobuẹ, ọ ghọsịgụọ ẹnyi n'o nwọn ihiẹn-ọsụsụọ ẹnyi ọda-ọda ebe Kraịstị nọ nwụnnị ẹnyi kẹ ẹnyi rịkwọ imẹ njọ!

Ndị Kọrẹntị Nke Ẹbụọ 4:12

Ya wụ nị ọnwụn rị ọrụn ẹhụ ẹnyi, kanị, ndụn k'ọ rị a rụnpụha imẹ ụnụ.

Ndị Ẹfẹsọsụ 5:2

E gi ni ihiẹn-ọsụsụọ e bi, kẹ Kraịstị dọn nwọn ihiẹn-ọsụsụọ ẹnyi, gi ufiri ẹnyi we ndụn a ye nọkẹ oyiye lẹ ẹjan e shin ọhụnma hụn wẹ chụnyeni Osolobuẹ.

Ndị Ẹfẹsọsụ 5:25

Di, nwọn ihiẹn-ọsụsụọ nwunyẹ i kẹ Kraịstị dọn nwọn ihiẹn-ọsụsụọ ụka, gi ufiri ẹ we ndụn a ye,

Ndị Filipi 2:17

Ọsụọn'a nwan nị wẹ rị nwan e hupụ ndụn m nọkẹ manya e cheni okukwe ụnụ nọkẹ ẹjan wẹ rị a chụnyeni Osolobuẹ, ẹfọ rị a sụọ m ụsụọ; m rị e sọn ụnụ a ghọghọ!

Ndị Filipi 2:30

makẹni ọrụn Kraịstị e d'a napụ a ndụn a, ebe ọ nọ bu ndụn a che ọb'ẹka n'o nọkin ẹnya ụnụ yeni m ẹka.

Ndị Tẹsalonika Ibuzọ 2:8

Makẹni ẹnyi e nwọnkẹ ihiẹn-ọsụsụọ ụnụ, ẹnyi nọ kwademẹ ni ẹlẹ oziọma Osolobuẹ sụọ kẹ ẹnyi k'e ye ụnụ, kanị enwẹn ẹnyi zi, makẹni ụnụ rị ẹnyi obi ọda-ọda!

Taịtọsụ 2:13

kẹ ẹnyi dọn rị e che okẹn ngọzi ahụn ẹnyi rị e lee ẹnya a, ọbịbịa ahụn Osolobuẹ ẹnyi hi ogbe wụ Jizọsị Kraịstị Onyẹ-nzụọpụha ẹnyi jẹnkọ d'e gi ọghọ bịa.

Pita Ibuzọ 1:18

Ụnụ a marịngụọ nị ẹlẹ siliva mọbụ goru e wiwini kẹ wẹ gi gbapụha ụnụ imẹ eje-ihiẹn ndị ahụn ụnụ mụnarịn ndị nẹdi ụnụ,

Pita Ibuzọ 2:24

Kraịstị lẹ enwẹn ẹ gi ẹhụ a buru njọ ẹnyi, bu ẹ shi elu osisi ahụn, kẹni ẹnyi wụrụ ndị nwụnnahịn njọ, gi ndụn ẹnyi mẹmẹ ihiẹn Osolobuẹ chọ. Ẹhụ wẹ rụsọnmẹ ẹ kẹ ẹnyi gi dịnhịn.

Pita Ibuzọ 3:18

Makẹni, Kraịstị gi ufiri njọ tazịkwọ afụnfụn, nwụn, (mgbe ohu k'ọ nwụn, ọ nwụnkọzị), Onyẹ rị ọchan hụn nwụnnị ndị njọ ọnwụn — kẹni ọ hụn ụzọ wẹhẹ ẹnyi ile ebe Osolobuẹ rị. Wẹ gbu ẹ, ọ nwụnhụn kẹ ịhịan, kanị Chuku nọ mẹ mmọn a rị ndụn,

Jọnụ Ibuzọ 2:6

onyẹ hụn sị n'ọ rị imẹ ẹ sikọ d'e birịrị k'o dọn bi.

Jọnụ Ibuzọ 2:9

Onyẹ ọwụlẹ sị n'ọ rị imẹ ukpẹ bụ ize ibe ẹ hụ e ze ẹ, echẹn kẹ onyẹ hụ rịkwọ imẹ ishi.

Rẹvẹleshọnụ 1:5

lẹ Jizọsị Kraịstị — Jizọsị Kraịstị hụn wụ ọshẹri ahụn furu wẹ gi e dọn ẹnya, onyẹ ibuzọ gha ọnwụn lihi, onyẹ hụn a kị ndị-nze rị elu-ụwa, onyẹ hụn nwọn ihiẹn-ọsụsụọ ẹnyi, gi ẹdeke ẹ gbapụha ẹnyi ẹka njọ ẹnyi;

Rẹvẹleshọnụ 5:9

Ya wẹ nọ bụ ẹbụ ọhụn, sị, “Ịyụ furu hụn k'e weri ẹkụkwọ hụ, hụn k'a tọpụ eriri ndị hụ wẹ gi kẹnmẹ ẹ; makẹni wẹ gbu i, ị nọ gi ẹdeke i gbapụhanị Osolobuẹ ịhịan imẹ ebọn ile lẹ asụsụ ile lẹ ndị ile lẹ alị ile.