Jọnụ Ibuzọ 3:12 - Ika

¹² Ẹnyi anọkọkwọ kẹ Keni hụn rị azụụn nke Eje-onyẹ hụ, o gbu nwẹnẹ ẹ. K'o gbuni nwan nwẹnẹ ẹ? Makẹni ya nwẹn mẹ eje-ihiẹn, nwẹnẹ ẹ mẹ ihiẹn rị mma.

Jọnụ Ibuzọ 3:12 ပူးပေါင်းရင်းမြစ်များ

Jẹnẹsisi 4:25

Adam lẹ nwunyẹ ẹ a ranhịnzị, ọ nọ mụzị okẹnnyẹ, kpọ a “Sẹtị,” sị, “Makẹni Osolobuẹ e yeọlẹ m okẹnnyẹ ọzọ, gi nọkin ẹnya Ebẹlụ hụn Keni gbu.”

Samuẹlụ Nke Ẹbụọ 13:22

Absalọm nkẹ agwadẹni Amnọnụ kaka akpụ oku ohu, kẹ mma kẹ njọ — bụ ize Amnọnụ a bangụọ a makẹni o mẹrụ Tama nwẹnẹ ẹ.

Ẹbụ-ọma 37:12

Umẹ-umẹ kẹ ndị-njọ e zuni ndị ezi-omumẹ, e rini wẹ nkwẹnrẹn-eze;

Ẹbụ-ọma 38:20

Ndị gi njọ a kụ m mma, hụ e kuja oku m ebe m rị a chọ nị m mẹ ihiẹn rị mma.

Itẹn 27:4

Olulu jọ njọ, ọnụma e tikpọ ihiẹn, kanị isi onyẹ k'a s'ẹka che ẹnya-ụfụ?

Itẹn 29:10

Iwe ndị e dọnmẹ ẹka wẹ ọchan e we ndị egbu-lẹ-egbu; w'a chọsọnmẹ isi ndị ezi-omumẹ.

Itẹn 29:27

Ndị eje-omumẹ wụ ihiẹn rụnị ẹnya ndị ezi-omumẹ; ndị ezi-omumẹ wụzịkwọ ihiẹn rụnị ẹnya ndị eje-omumẹ.

Matiu 13:19

Onyẹ nụ ozi Alị-eze bụ ọ ghọhan'a, Eje-onyẹ hụ a bịa d'a jụnarịn a ihiẹn hụ wẹ kụnye ẹ obi. Ọhụn wụ mkpụrụ ndị hụn wẹ ghaye ọkpụzọ.

Matiu 13:38

Ugbo hụ wụ ụwa; mkpụrụ hụ hụn rị mma wụ ụmụ Alị-eze; ata hụ wụ ụmụ Eje-onyẹ hụ.

Matiu 23:35

kẹni Osolobuẹ jụ ụnụ ukwere ẹdeke ndị ezi-omumẹ ile wẹ gbu elu-ụwa — gha ẹdeke Ebẹlụ onyẹ ezi-omumẹ d'e ru ẹdeke Zẹkaraya nwa Barakaya, hụn ụnụ gbutọ imẹ Ụlọ-nsọ, ẹgbata Ebe rị nsọ lẹ Ukpo nchụn-ẹjan.

Matiu 27:23

Ọ nọ sị, “Kị haịn? Elee eje-ihiẹn k'o mẹ?” Kanị wẹ ile nọ yikẹnmẹdẹ oro, sị, “Kpọgbu ẹ elu obe.”

Matiu 5:37

Sịhụ ‘Ẹghẹẹ’ mọbụ ‘Mba’; ihiẹn ọwụlẹ karị ọnwan gha ẹka Eje-onyẹ hụ bịa.

Luku 11:51

ghakwọrị ẹdeke Ebẹlụ d'e ru ẹdeke Zẹkaraya wẹ gbutọ Ụlọ-nsọ, ẹgbata Ukpo nchụn-ẹjan lẹ Ebẹhụ rị nsọ. Ẹghẹẹ, m rị a gwa ụnụ, wẹ sikọ d'a jụ agbọnị ukwere wẹ ile!

Jọnụ 10:32

Jizọsị nọ sị wẹ, “A rụnghọsịgụọ m ụnụ ọrụn-ọma bu ọda gha ẹka Nẹdi m bịa: imẹ wẹ ile elee hụn ụnụ k'a manị m ọmụma?”

Jọnụ 8:40

Kanị ụnụ rị nwan a chọ nị ụnụ gbu m, onyẹ hụn gwa ụnụ ezioku ọ nụ ọnụ Osolobuẹ. Ebraham emẹni ẹrịra!

Jọnụ 8:41

Ihiẹn nẹdi ụnụ e mẹ kẹ ụnụ rịhụ e mẹ.” Ya wẹ nọ sị a, “Ẹnyi ẹlẹ ụmụ ọwụ, Osolobuẹ sụọ wụ Nẹdi ẹnyi.”

Ọrụn Ndị-ozi 7:52

Elee onyẹ-amụma kẹ ndị nẹdi ụnụ kpokpolẹni? Uwẹ gbu ndị hụn ku oku ọbịbịa Kraịstị Onyẹ Ezi-omumẹ, ụnụ nwẹn wụ nwan ndị ren'ẹ lẹ ndị gbun'ẹ!

Ndị Tẹsalonika Ibuzọ 2:14

Umunẹ, ihiẹn kunrunni ụnụ nọ kẹ hụn kunrun ụka Osolobuẹ imẹ Kraịstị Jizọsị ndị rịsọnmẹ Ẹgbẹrẹ Judia, makẹni, afụnfụn ohu hụ ụnụ ta ẹka ndị alị ụnụ kẹ wẹ nwẹn tazị ẹka umunẹ wẹ wụ ndị Ju.

Hibru 11:4

Okukwe kẹ Ebẹlụ gi chụnyeni Osolobuẹ ẹjan ka nke Keni mma, hụn Osolobuẹ gi kun'ẹ ọhụnma, kpọ a onyẹ ezi-omumẹ, shịan'a ẹri n'o ye ihiẹn rị mma. Okukwe k'o gi mẹni ọ nwụnhụngụ, ọ hụkwọ e ku oku.

Hibru 12:24

Jizọsị kẹ ụnụ bịa d'e kunrun, onyẹ hụn e wegbama Osolobuẹ lẹ ịhịan imẹ nkwerigbama ọhụn, ya lẹ ẹdeke wẹ gi e fepụ njọ, hụn rị e ku ihiẹn ka mma karị ẹdeke Ebẹlụ sị wẹ mẹgwarị.

Pita Ibuzọ 4:4

Ọ tụka wẹ nwan ẹnya nị ụnụ arịzị e sọn wẹ e bi obibi ahụn la iwi; wẹ rị nwan e gi ẹ e kuja oku ụnụ.

Jọnụ Ibuzọ 3:8

Onyẹ e mẹ njọ wụ nke Ekwensụ, makẹni Ekwensụ gha alị mẹla njọ. Ịya haịn Nwa Osolobuẹ gi bịa — kẹni o tikpọ ọrụn Ekwensụ.

Judu 1:11

O k'a jọnị wẹ njọ! E sọnmẹgụọ wẹ ụzọ Keni hụn gbu ọchụn; e gigụọ wẹ ufiri egho mẹmẹ kẹ Balaam; e nupụgụọ wẹ isi kẹ Kora a la ntikpọ kẹ ịya.

Rẹvẹleshọnụ 17:6

M nọ hụn a nị ẹdeke okpoho hụ ra, ẹdeke ndị-nsọ lẹ ndị wẹ gbu makẹ oku Jizọsị, rị a tụ a kẹ manya. Okpoho hụ m hụn a tụka m ẹnya!