Jọnụ Ibuzọ 2:7 - Ika

⁷ Ndị nke m, arị m e deni ụnụ iwu ọhụn; kama, iwu ohu ahụn wẹ ye ụnụ isi-ibuzọ rọ. Ozi hụ ụnụ nụ, ịya wụ iwu mbụ ahụn m rị e ku oku ẹ;

Jọnụ Ibuzọ 2:7 ပူးပေါင်းရင်းမြစ်များ

Lẹvitikọsụ 19:18

“Emẹgwarịlẹ onyẹ nke ụnụ mọbụ bu iwe ẹ obi, ka ihiẹn ibe i ya a sụọ ị kẹ ihiẹn enwẹn i dọn a sụọ ị. Mmẹ wụ Osolobuẹ.

Lẹvitikọsụ 19:34

I k'e mẹrịrị abịamabịa yụ lẹ ya bi kẹ onyẹ nke ụnụ. Ihiẹn ẹ ya sụọ ị kẹ ihiẹn enwẹn i dọn a sụọ ị, makẹni ụnụ nwẹn nkẹ te wụ abịamabịa imẹ alị Ijiptu. Mmẹ wụ Osolobuẹ, Chuku ụnụ.

Matiu 5:43

“Ụnụ a nụgụọ nị wẹ sị, ‘I sikọ d'e nwọnrịrị ihiẹn-ọsụsụọ ndị nke i, e ze ize ndị-iṅẹnrẹn i.’

Jọnụ 13:34

M rị nwan e ye ụnụ iwu ọhụn: e nwọn ni ihiẹn-ọsụsụọ ibe ụnụ. Kẹ m dọn nwọn ihiẹn-ọsụsụọ ụnụ kẹ ụnụ k'a dọn nwọn ihiẹn-ọsụsụọ ibe ụnụ.

Ọrụn Ndị-ozi 17:19

Ya wẹ nọ we ẹ jẹn Eropagọsụ, ọgwa ndị ọka-ẹkụkwọ, sị a, “Kọwanị nwan ẹnyi ihiẹn ọhụnnị ị rị a kuzi.

Ditrọnọmi 6:5

Gi obi i ile, enwẹn i ile lẹ ikẹn i ile nwọn ihiẹn-ọsụsụọ Osolobuẹ wụ Chuku i.

Hibru 6:9

Kanị, ndị m bu obi, ọsụọn'a nị ẹnyi rị e ku ẹnịna, obi ru ẹnyi alị nị nke ụnụ jẹnkọ d'a ka mma; nị nke ụnụ k'a wụ nzụọpụha lẹ ihiẹn ya lẹ nzụọpụha wị.

Jọnụ Ibuzọ 2:24

A nị nị ozi hụ ụnụ nụ isi-ibuzọ a rịsọnmẹ imẹ ndụn ụnụ. Omẹni ihiẹn ụnụ nụ isi-ibuzọ a rịsọnmẹ imẹ ndụn ụnụ, ụnụ sikọ d'a rịsọnmẹ imẹ Nwa Chuku lẹ imẹ Chuku-Nẹdi:

Jọnụ Ibuzọ 3:11

Ẹghẹẹ, ozi hụ ụnụ nụ isi-ibuzọ wụ nị ẹnyi k'a gha e nwọn ihiẹn-ọsụsụọ ibe ẹnyi.

Jọnụ Ibuzọ 3:2

Ndị nke m, ẹnyi wụ nwan ụmụ Osolobuẹ, bụ ihiẹn ẹnyi jẹnkọ d'a wụ eke pụha ifọn; kanị ẹnyi a marịnghọ nị ọ bịa, ẹnyi k'a nọ kẹ ịya makẹni ẹnyi sikọ d'a hụnchanrịn a k'ọ nọ.

Jọnụ Ibuzọ 3:21

Ndị nke m, omẹni obi arị e gbu ẹnyi mgbu, egun ara tụ ẹnyi ebe Osolobuẹ rị,

Jọnụ Ibuzọ 3:23

Ọnwan wụ iwu ẹ: nị ẹnyi k'e kweri ni ẹfan Nwa a wụ Jesu Kristi lẹ ni ẹnyi k'e nwọn ihiẹn-ọsụsụọ ibe ẹnyi — nọkẹ k'o dọn gwa ẹnyi.

Jọnụ Ibuzọ 4:1

Ndị nke m, ẹlẹ mmọn ile gi ịhịan ku oku kẹ ụnụ k'e kweyeni, ka e lelegụ nị kẹ wẹ gha ẹka Osolobuẹ bịa nke-esi, makẹni, ndị amụma-ntụ bu ọda a pụhagụọ imẹ ụwa.

Jọnụ Ibuzọ 4:11

Ndị nke m, ebe o mẹ eziẹ nị Osolobuẹ nwọn ihiẹn-ọsụsụọ ẹnyi ẹnịna, ẹnyi nwẹn gi ibe ẹnyi ụgwọ ihiẹn-ọsụsụọ.

Jọnụ Ibuzọ 4:21

Iwu o ye ẹnyi wụ ọnwan: onyẹ nwọn ihiẹn-ọsụsụọ Osolobuẹ, ya nwọnzikwọ ihiẹn-ọsụsụọ ibe ẹ.

Jọnụ Ibuzọ 4:7

Ezigbo umunẹ, nị ẹnyi e nwọn ni ihiẹn-ọsụsụọ ibe ẹnyi, makẹni ihiẹn-ọsụsụọ wụ nke Osolobuẹ. Onyẹ nwọn ihiẹn-ọsụsụọ, Osolobuẹ mụ a, ọ marịnghọ Osolobuẹ.