Jọnụ Ibuzọ 2:4 - Ika

⁴ Onyẹ sị ọ marịnghọ Osolobuẹ bụ ara mẹ ihiẹn Osolobuẹ ku, hụnyẹ wụ onyẹ-ntụ, ezioku arị imẹ onyẹ hụ.

Jọnụ Ibuzọ 2:4 ပူးပေါင်းရင်းမြစ်များ

Jọnụ 8:44

“Ụnụ wụ nke Ekwensụ nẹdi ụnụ. Ihiẹn nẹdi ụnụ chọ kẹ ụnụ chọ nwan nị ụnụ mẹ. Izighẹ k'ọ wụ gha isi mbidọn lala; ọ kwadọntuni ezioku — makẹni ezioku arị imẹ ẹ. Ọ gha a tụ ntụ, onwọnni ihiẹn ọ kpọ a, makẹni onyẹ ntụ lẹ nẹdi ntụ k'ọ wụ.

Taịtọsụ 1:10

Makẹni ndị rị e nupụ isi lẹ ndị rị e ku mpụ lẹ ndị-ndufie bu ọda, tụmadụ ndị ahụn e mẹ oku ịkwa-ugun.

Taịtọsụ 1:16

Wẹ sị n'a marịnghọ wẹ Osolobuẹ, kanị wẹ e gi ihiẹn w'e mẹ a ghọsị n'a marịn w'a. Wẹ wụ ihiẹn-izize; wẹ a gba isi-akwanran; w'a ra saẹka mẹ ihiẹn ọwụlẹ rị mma.

Jọnụ Ibuzọ 1:10

Ẹnyi sị nị ẹnyi emẹni njọ, ẹnyi rị a kpọ a onyẹ-ntụ, oku ẹ arị imẹ ẹnyi.

Jọnụ Ibuzọ 1:6

Omẹni ẹnyi sị nị ẹnyi lẹ ịya rị kanị ẹnyi hụ e bi imẹ ishi, ntụ kẹ ẹnyi rị a tụ, ẹnyi arị e gi ezioku e bi.

Jọnụ Ibuzọ 1:8

Ẹnyi sị nị ẹnyi emẹni njọ, ẹnyi rị a tụ enwẹn ẹnyi ntụ, ezioku arị imẹ ẹnyi.

Jọnụ Ibuzọ 2:3

Ihiẹn ẹnyi gi a marịn nị ẹnyi a marịnghọ Osolobuẹ nke-esi wụ nị ẹnyi hụ e mẹ ihiẹn ọ gwa ẹnyi.

Jọnụ Ibuzọ 2:9

Onyẹ ọwụlẹ sị n'ọ rị imẹ ukpẹ bụ ize ibe ẹ hụ e ze ẹ, echẹn kẹ onyẹ hụ rịkwọ imẹ ishi.

Jọnụ Ibuzọ 3:6

Onwọnni onyẹ rị imẹ ẹ a tọ njọ e mẹ; onyẹ tọ njọ e mẹ eke hụntu ẹ mọbụ marịn a.

Jọnụ Ibuzọ 4:20

Omẹni ịhịan sị, “M nwọn ihiẹn-ọsụsụọ Osolobuẹ,” bụ ọ hụ e ze ize ibe ẹ, onyẹ-ntụ k'ọ wụ. Makẹni, omẹni ịhịan enwọnni ihiẹn-ọsụsụọ ibe ẹ hụn ọ rị e legha, ọ sakọ ẹka nwọn ihiẹn-ọsụsụọ Osolobuẹ o leghatulẹni.

Jọnụ Ibuzọ 4:7

Ezigbo umunẹ, nị ẹnyi e nwọn ni ihiẹn-ọsụsụọ ibe ẹnyi, makẹni ihiẹn-ọsụsụọ wụ nke Osolobuẹ. Onyẹ nwọn ihiẹn-ọsụsụọ, Osolobuẹ mụ a, ọ marịnghọ Osolobuẹ.