Jọnụ Ibuzọ 2:27 - Ika

²⁷ O mẹ nke ụnụ, udẹn Mmọn-nsọ a hụn rị imẹ ndụn ụnụ a kuzi ụnụ ihiẹn ile, ẹlẹzi hụn ụnụ e gi chọmazị onyẹ k'a kuzini ụnụ. Ihiẹn udẹn Mmọn-nsọ a kuzi ụnụ wụ ezioku — ntụ arị a. Mẹ ni nwan ihiẹn ọ kuzi ụnụ: nọdị nị imẹ Kraịstị.

Jọnụ Ibuzọ 2:27 ပူးပေါင်းရင်းမြစ်များ

Itẹn 28:5

Ndị-ejẹ ara ghọta ihiẹn wụ igi ẹka ohu e sọn ịhịan ile, kanị ndị a chọ uche Osolobuẹ a ghọtachanrịn a ọhụnma.

Lẹvitikọsụ 7:35

Ịya kẹ w'e ye Ẹrọnụ lẹ ụmụ a imẹ ẹjan wẹ gi ọkụn e ye Osolobuẹ, gha ụhụọhịn ahụn wẹ wepụha wẹ d'a rụnmanị Osolobuẹ ọrụn jẹnmẹ.

Ọgụngụn 7:43

Ihiẹn o wẹhẹ wụ mgbadọn ohu wẹ gi akpụrụ siliva iri kwasị ọgụn-isin kpụ lẹ afẹrẹ wẹ gi akpụrụ siliva iri kwasị ọgụn-ẹtọ kpụ wẹ gi e fekpu ihiẹn. Ihiẹn wẹ gi a ma siliva Ọdụ-nsọ kẹ wẹ gi ma wẹ ẹbụbụọ; ọka wẹ gweriẹn gi ofugbọn-olivu gwọ a jun wẹ ẹbụbụọ;

Matiu 13:11

Ọ sị wẹ, “Nke ụnụ, e yegụọ wẹ ụnụ oghere ịmarịn banyeni ihiẹn-nzuzue Alị-eze elu-igwee, kanị eyeni wẹ wẹ oghere hụ.

Jọnụ 14:16

a rịọ m Chuku-Nẹdi, o zihẹni ụnụ onyẹ eyemẹka ọzọ n'o sọn ụnụ nọdị jẹnrin ejẹn.

Jọnụ 14:17

Mmọn-nsọ a ghọsị ezioku rọ; ụwa as'ẹka nabanhan a makẹni ụwa ara hụn a, ụwa amarịn a. Kanị ụnụ a marịnghọ a, makẹni o sọn ụnụ nọdị, o k'e bisọnmẹ imẹ ụnụ.

Jọnụ 14:26

kanị, Mmọn-nsọ, Onyẹ eyemẹka, hụn Chuku-Nẹdi jẹnkọ d'e gi ẹfan m zihẹ, jẹnkọ d'a kuzi ụnụ ihiẹn ile; o k'a nyanhannị ụnụ ihiẹn ile m gwa ụnụ.

Jọnụ 16:13

Mmọn-nsọ hụn a ghọsị ezioku bịa, o du ụnụ, mẹ ụnụ marịn ezioku ile. Makẹni, ẹlẹ uche ẹ k'o k'e ku; kama, ihiẹn o k'a nụ k'o k'e ku. O k'a gwazịkwọ ụnụ ihiẹn ndị jẹnkọ d'e mẹ ihun.

Jọnụ 4:14

Kanị onyẹ ra mirin m jẹnkọ d'e ye ẹ, onwọnni ogẹn ẹgụn mirin e gizi gụn a elu-ụwanị, mirin hụ k'e họnrindẹ isi-mirin imẹ hụnyẹ, a mụpụhan'a ndụn itẹbitẹ.”

Jọnụ 6:45

Wẹ de ẹ imẹ Ẹkụkwọ ndị-amụma nị, ‘Osolobuẹ sikọ d'a kuzi wẹ ile.’ Onyẹ hụn e gọn Chuku-Nẹdi ntịn, a mụnarịn a, jẹnkọ d'a bịa d'e kunrun m.

Ndị Kọrẹntị Ibuzọ 2:12

Ẹnyi nwẹn, ẹlẹ mmọn ụwanị kẹ ẹnyi nwọnhẹn, kanị Mmọn ahụn gha ebe Osolobuẹ rị bịa, kẹni ẹnyi hụn ụzọ marịn ihiẹn ile Osolobuẹ gi gọzi ẹnyi.

Ndị Kọrẹntị Ibuzọ 2:13

Uwẹ kẹ ẹnyi e ku; ẹnyi ara ku wẹ kẹ ihiẹn wẹ mụnarịn ndị marịn ihiẹn kanị ihiẹn wẹ mụnarịn Mmọn-nsọ; a kọwanị ndị Mmọn-nsọ rị a kị ihiẹn imẹ-mmọn.

Ndị Kọrẹntị Nke Ẹbụọ 1:21

Osolobuẹ lẹ enwẹn ẹ wụ onyẹ e mẹ ẹnyi lẹ ụnụ e turu ọhụnma imẹ Kraịstị; ịya tumẹ ẹnyi,

Ndị Ẹfẹsọsụ 4:21

Ẹghẹẹ, ụnụ a nụgụọ oku Kraịstị, makẹni a kuzigụọ wẹ ụnụ ụzọ a, kuzi ụnụ ezioku k'ọ rị imẹ Jesu:

Ndị Kolosị 2:6

Ebe o mẹ ni ụnụ a nabanhangụọ Jizọs Kraịstị nọkẹ Di-nwọnni ụnụ, e bi ni nwan kẹ ndị nke ẹ;

Ndị Tẹsalonika Ibuzọ 2:13

Ẹnyi a kpanmịnzị Chuku ogẹn ile, nị, ụnụ anabanhannị oku-Chuku ụnụ nụ ọnụ ẹnyi nọkẹ oku ịhịan, kanị nọkẹ oku-Chuku hụ ọ wụ nke-esi, hụn rị nwan a rụn ọrụn imẹ ndụn ụnụ ndị kwerini.

Ndị Tẹsalonika Ibuzọ 4:9

O mẹ nke inwọn ihiẹn-ọsụsụọ ibe ụnụ nọkẹ umunẹ imẹ Kraịstị, ọ rịnị mkpa nị wẹ deni ụnụ ihiẹn ọwụlẹ. Makẹni, Osolobuẹ e gigụọ ẹka a kuzi ụnụ inwọn ihiẹn-ọsụsụọ ibe ụnụ.

Timoti Ibuzọ 2:7

Ịya haịn wẹ gi tumẹ m onyẹ e zisọnmẹ ozi ẹ lẹ onyẹ-ozi pụ-ichẹn (m rị e ku ezioku, arị m a tụ ntụ) lẹ onyẹ a kuzi ndị wụlẹni ndị Ju okukwe lẹ ezioku.

Pita Ibuzọ 1:23

makẹni ụnụ a wụrụgụọ ndị wẹ mụdọnzi. Ẹlẹ mkpụrụ a nwụnnị kẹ wẹ gi mụdọnzi ụnụ, kanị oku-Osolobuẹ, oku ahụn rị ndụn, oku ahụn k'a rị jẹnrin ejẹn.

Jọnụ Ibuzọ 2:28

Ẹghẹẹ ụmụẹka, nọdị nị imẹ ẹ, kẹni obi ru ẹnyi ile alị ogẹn o gi bịa, amamgbe ifẹnrẹn e mẹ ẹnyi ihun ẹ Ụhụọhịn o k'a bịa.

Jọnụ Ibuzọ 3:24

Ndị ile e dọnmẹ iwu ẹ rị imẹ ẹ, ya nwẹn rịzịkwọ imẹ ndụn wẹ. Ihiẹn ẹnyi gi a marịn n'ọ hụ imẹ ẹnyi wụ ọnwan: n'o yeọlẹ ẹnyi Mmọn-nsọ.

Jọnụ Nke Ẹbụọ 1:2

makẹ Ezioku ahụn rị imẹ ndụn ẹnyi hụn k'a rịsọnmẹ ẹ jẹnrin ejẹn.