Jọnụ Ibuzọ 2:22 - Ika

²² Onyẹ wụ nwan onyẹ ntụ mmanị onyẹ sị nị Jizọsị ẹlẹ Kraịstị. Onyẹ nọ ẹrịra wụ eṅẹnrẹn Kraịstị; ara kwerini Chuku-Nẹdi lẹ Nwa a.

Jọnụ Ibuzọ 2:22 ပူးပေါင်းရင်းမြစ်များ

Matiu 24:24

Makẹni, ndị kpọ enwẹn wẹ Kraịstị lẹ ndị amụma-ntụ jẹnkọ d'a pụha, rụnsọnmẹ okẹn ihiẹn-ahịma lẹ ọrụn-atụmẹnya, kẹni wẹ dufie ịhịan, dufiedẹ ndị Osolobuẹ họrị omẹni o te k'a nị wẹ mẹ.

Matiu 24:5

makẹni, ndị bu ọda jẹnkọ d'e gi ẹfan m bịa, a sị, ‘Mmẹ wụ Kraịstị,’ gi ẹ dufie ndị bu ọda.

Jọnụ 8:44

“Ụnụ wụ nke Ekwensụ nẹdi ụnụ. Ihiẹn nẹdi ụnụ chọ kẹ ụnụ chọ nwan nị ụnụ mẹ. Izighẹ k'ọ wụ gha isi mbidọn lala; ọ kwadọntuni ezioku — makẹni ezioku arị imẹ ẹ. Ọ gha a tụ ntụ, onwọnni ihiẹn ọ kpọ a, makẹni onyẹ ntụ lẹ nẹdi ntụ k'ọ wụ.

Jọnụ Ibuzọ 1:6

Omẹni ẹnyi sị nị ẹnyi lẹ ịya rị kanị ẹnyi hụ e bi imẹ ishi, ntụ kẹ ẹnyi rị a tụ, ẹnyi arị e gi ezioku e bi.

Jọnụ Ibuzọ 2:18

Ụmụ m, ogẹnni wụ ogẹn ikpanzụụn! Ụnụ a nụgụọ a nị onyẹ ahụn wụ Eṅẹnrẹn-Kraịstị (Anti-Kraịstị) lala. Ndị-iṅẹnrẹn Kraịstị bu ọda a pụhagụọ nwan. Ịya kẹ ẹnyi gi a marịn nị ogẹnni wụ ogẹn ikpanzụụn.

Jọnụ Ibuzọ 2:23

Ẹghẹẹ! Makẹni onyẹ hụn jụ Nwa Chuku enwọn Chuku-Nẹdi imẹ ndụn a; onyẹ hụn kwerini Nwa Chuku e nwọnzighọ Chuku-Nẹdi.

Jọnụ Ibuzọ 2:4

Onyẹ sị ọ marịnghọ Osolobuẹ bụ ara mẹ ihiẹn Osolobuẹ ku, hụnyẹ wụ onyẹ-ntụ, ezioku arị imẹ onyẹ hụ.

Jọnụ Ibuzọ 4:20

Omẹni ịhịan sị, “M nwọn ihiẹn-ọsụsụọ Osolobuẹ,” bụ ọ hụ e ze ize ibe ẹ, onyẹ-ntụ k'ọ wụ. Makẹni, omẹni ịhịan enwọnni ihiẹn-ọsụsụọ ibe ẹ hụn ọ rị e legha, ọ sakọ ẹka nwọn ihiẹn-ọsụsụọ Osolobuẹ o leghatulẹni.

Jọnụ Ibuzọ 4:3

kanị mmọn ọwụlẹ sị nị Jizọsị Kraịstị egini ẹhụ ịhịan bịa, ọhụn ẹlẹ nke Osolobuẹ. Ọhụn wụ mmọn Eṅẹnrẹn-Kraịstị hụn ụnụ nụ n'ọ lala alala: ọ rịgụọlẹ nwan imẹ ụwa.

Jọnụ Ibuzọ 5:1

Onyẹ kweri nị Jisọzị wụ Kraịstị, hụnyẹ wụ nwa Osolobuẹ; onyẹ ọwụlẹ nwọn ihiẹn-ọsụsụọ nẹdi, nwọnzikwọ ihiẹn-ọsụsụọ onyẹ hụn ọ mụ.

Jọnụ Nke Ẹbụọ 1:7

Ndị-ndufie bu ọda a bangụọ imẹ ụwa. Ndịnị ara kweri nị Jesu Kristi gi ẹhụ ịhịan bịa. Onyẹ nọ ẹnịna wụ onyẹ-ndufie hụ lẹ Eṅẹnrẹn-Kraịstị hụ wụ anti-Kraịstị!

Judu 1:4

Makẹni, o nwọnghọ ndị ghalẹni a tụ egun Osolobuẹ hụn gi nzuzue banhan imẹ igunrun ẹnyi, ụdị ịhịan Ẹkụkwọ-nsọ kutọgụ afụnfụn rị e cheni wẹ; ndị gi ẹfọmanị Osolobuẹ mẹ e họnrin oghere wẹ gi e bi eje-obibi, a jụdẹ Jizọsị Kraịstị hụn ịya sụọ wụ Onyẹ nwọn ihiẹn ile lẹ Di-nwọnni-ẹnyi.

Rẹvẹleshọnụ 3:9

“Lee ẹ! M k'e wẹhẹ ndị ụlọ-ofufe Ekwensụ ahụn, ndị ntụ ahụn a kpọ enwẹn wẹ ndị Ju bụ ẹlẹ wẹ ndị Ju, a bịa wẹ ụkụ ị d'a kụnị ị isi alị, kẹni wẹ hụn ụzọ marịn nị ihiẹn i sụọ m.