Jọnụ Ibuzọ 2:20 - Ika

²⁰ Nke ụnụ, udẹn Mmọn-nsọ hụn Onyẹ hụ rị nsọ te ụnụ rị imẹ ndụn ụnụ, ụnụ a marịnghọ ihiẹn ile.

Jọnụ Ibuzọ 2:20 ပူးပေါင်းရင်းမြစ်များ

Ẹbụ-ọma 16:10

makẹni y'a lakọ m tọ alị-mmọn, y'a nịkọ onyẹ nsọ ị hụn Mgbugbu hụ.

Ẹbụ-ọma 23:5

Y'e butọnị m ihiẹn-oriri, idẹnya ndị-iṅẹnrẹn m. Y'e te m udẹn isi; e mẹjun mkpu m rọrọrọ.

Ẹbụ-ọma 45:7

ihiẹn furuni a sụọ ị ụsụọ; eje-ihiẹn e ze i ize. Ịya haịn Chuku hụn wụ Chuku i gi tumẹ i, hu udẹn ịghọghọ ye i isi karị ibe i.

Ẹbụ-ọma 71:22

M k'a kpọ ụbọ kpanmịn ị, Chuku m, makẹni ihiẹn i ku kẹ y'e mẹ; m k'a kpọ ụbọ gi ja ị mma, Onyẹ-nsọ alị Izrẹlụ.

Ẹbụ-ọma 92:10

Y'e mẹgụọ m ze kẹ mpịn efin ọfịa, mẹ m mẹri, y'e tekwamaọlẹ m mmẹri rịkẹ ezigbo udẹn i.

Itẹn 28:5

Ndị-ejẹ ara ghọta ihiẹn wụ igi ẹka ohu e sọn ịhịan ile, kanị ndị a chọ uche Osolobuẹ a ghọtachanrịn a ọhụnma.

Azaya 43:3

makẹni mmẹ wụ Osolobuẹ, hụn wụ Chuku ụnụ, Onyẹ-nsọ Izrẹlụ, Onyẹ Azụọpụhanị ụnụ; mmẹ gi Ijiptu gbarị isi ụnụ, gizikwọ Ẹtiopịa lẹ Sẹba gbarị ụnụ.

Azaya 61:1

Mmọn Di-nwọnni-ẹnyi wụ Osolobuẹ rị imẹ m, makẹni Osolobuẹ e tumẹgụọ m d'e zi ndị igbẹnnyẹ ozi rị mma. O zi m d'a kasị ndị ndụn gụ obi, d'a sị ndị wẹ kwọndọn lama, d'a sị ndị ngan pụha;

Jerimaya 31:34

Ịhịan akuzikọzị ibe ẹ mọbụ sị nwẹnẹ ẹ, ‘Marịn Osolobuẹ,’ onyẹ-onyẹ jẹnkọ d'a marịn m, gha onyẹ-uku d'e ru onyẹ-nta, makẹni m jẹnkọ d'a gbagharị wẹ eje-ihiẹn wẹ mẹ; anyanhankọzị m njọ wẹ.”

Lẹvitikọsụ 7:35

Ịya kẹ w'e ye Ẹrọnụ lẹ ụmụ a imẹ ẹjan wẹ gi ọkụn e ye Osolobuẹ, gha ụhụọhịn ahụn wẹ wepụha wẹ d'a rụnmanị Osolobuẹ ọrụn jẹnmẹ.

Matiu 13:11

Ọ sị wẹ, “Nke ụnụ, e yegụọ wẹ ụnụ oghere ịmarịn banyeni ihiẹn-nzuzue Alị-eze elu-igwee, kanị eyeni wẹ wẹ oghere hụ.

Makị 1:24

“K'i gi ẹnyi e mẹ, Jesu onyẹ Nazarẹtị?! Ị bịa d'e tikpọ ẹnyi?! A marịnghọ m onyẹ ị wụ, Onyẹ-nsọ Osolobuẹ!!”

Luku 4:18

“Mmọn Di-nwọnni-ẹnyi rị imẹ m, makẹni o tumẹ m d'e zi ndị igbẹnnyẹ oziọma. O zi m d'a sị ndị rị imẹ ẹgbụn nwọnrin enwẹn wẹ, d'a sị ndị ẹnya-ishi hụnma ụzọ, d'a gbapụha ndị wẹ rị a bịangbu;

Luku 4:34

“Heuu! K'i gi ẹnyi e mẹ, Jesu onyẹ Nazarẹtị! Ị bịa d'e tikpọ ẹnyi? A marịnghọ m'ị: ịyụ wụ Onyẹ-nsọ Osolobuẹ!”

Jọnụ 14:26

kanị, Mmọn-nsọ, Onyẹ eyemẹka, hụn Chuku-Nẹdi jẹnkọ d'e gi ẹfan m zihẹ, jẹnkọ d'a kuzi ụnụ ihiẹn ile; o k'a nyanhannị ụnụ ihiẹn ile m gwa ụnụ.

Jọnụ 16:13

Mmọn-nsọ hụn a ghọsị ezioku bịa, o du ụnụ, mẹ ụnụ marịn ezioku ile. Makẹni, ẹlẹ uche ẹ k'o k'e ku; kama, ihiẹn o k'a nụ k'o k'e ku. O k'a gwazịkwọ ụnụ ihiẹn ndị jẹnkọ d'e mẹ ihun.

Ọrụn Ndị-ozi 10:38

kẹ Jizọsị onyẹ Nazarẹtị hụn Osolobuẹ tumẹ, gi Mmọn-nsọ lẹ ikẹn gbajun, dọn jẹnhunmẹ, e mẹ ihiẹn rị mma, a zụọ ndị ile Ekwensụ rị e kpokpo, makẹni Osolobuẹ nọyen'ẹ.

Ọrụn Ndị-ozi 3:14

Ụnụ a jụ Onyẹ-nsọ hụ, Onyẹ ahụn nwọnlẹni ihiẹn o mẹ, sị wẹ hapụnị ụnụ izighẹ.

Ndị Kọrẹntị Ibuzọ 2:15

Kanị onyẹ Mmọn-nsọ rị a kị a ghọtachanrịn kẹ ihiẹn ile nọ, kanị onwọnni onyẹ a saẹka a ghọta ya nwẹn.

Hibru 1:9

Ezi-omumẹ wụ ihiẹn a sụọnị ị; njọ e ze i ize. Ịya haịn Chuku hụn wụ Chuku i, gi hukpu i udẹn ịghọghọ, gi ye i ọghọ karị ibe i.”

Hibru 8:11

Ẹlẹzi hụn ịhịan k'e gi kuzimẹ ibe ẹ, mọbụ gwama ibe ẹ, “Marịnkwọ Onyẹ-nwọnni-ẹnyi.” Makẹni, wẹ ile jẹnkọ d'a marịn m; gha onyẹ kachanrịn ntịn imẹ wẹ d'e ru onyẹ kachanrịnnị.

Jọnụ Ibuzọ 2:27

O mẹ nke ụnụ, udẹn Mmọn-nsọ a hụn rị imẹ ndụn ụnụ a kuzi ụnụ ihiẹn ile, ẹlẹzi hụn ụnụ e gi chọmazị onyẹ k'a kuzini ụnụ. Ihiẹn udẹn Mmọn-nsọ a kuzi ụnụ wụ ezioku — ntụ arị a. Mẹ ni nwan ihiẹn ọ kuzi ụnụ: nọdị nị imẹ Kraịstị.

Jọnụ Ibuzọ 4:13

Ihiẹn ẹnyi gi marịn nị ẹnyi rị imẹ ẹ, ya nwẹn hụ imẹ ẹnyi, wụ n'o yegụọ ẹnyi Mmọn-nsọ a.

Judu 1:5

M chọ nị m nyanhan nị ụnụ ihiẹn ụnụ marịn, nị Di-nwọnni-ẹnyi ahụn gha alị Ijiptu zụọpụha ndị Izrẹlụ gizi ẹka a tikpọ ndị rị imẹ wẹ hụn kwerilẹni;

Rẹvẹleshọnụ 3:7

“Dejẹnni onyẹ-isi ụka Filadefịa, sị a: “Lee ihiẹn onyẹ hụ rị nsọ ku, onyẹ ezioku; onyẹ hụ gi ịsanhan Defidi; onyẹ hụ wẹ ghalẹni a saẹka a gụnma ụzọ ọ gụnpụ mọbụ gụnpụ ụzọ ọ gụnma: ọ sị,

Rẹvẹleshọnụ 4:8

Ihiẹn ẹnọ ndịnị rị ndụn nwọnsọnmẹ nku isin-isin. Ẹnya jun wẹ ẹhụ ile — kẹ okpuru nku wẹ. W'a ra bụbehi ẹbụ, kẹ uhinhin kẹ efinnaị, a bụ, “Nsọ, nsọ, nsọ! Di-nwọnni-ẹnyi Osolobuẹ hụn nwọn ikẹn ile rị nsọ — Onyẹ hụn rị mbụ, hụn rị kikẹnni, hụn lalanị.”