Jọnụ Ibuzọ 2:13 - Ika

¹³ Ndị nẹdi, m rị e deni ụnụ makẹni ụnụ a marịngụọ onyẹ hụ rị gha mbidọn lala. Ikoro, m rị e deni ụnụ makẹni ụnụ e mẹrigụọ Eje-onyẹ hụ.

Jọnụ Ibuzọ 2:13 ပူးပေါင်းရင်းမြစ်များ

Ẹbụ-ọma 148:12

ikorọbịa lẹ ịgbagba, ndị ẹgẹdi lẹ ụmụ-ndu.

Ẹbụ-ọma 90:2

N'i d'e ke ugu ọwụlẹ, n'i d'e ke ụwa lẹ ndị rịn'a, ịyụ wụ Chuku; ị wụ Chuku ẹdẹi; ịyụ wụzịkwọ Chuku jẹnrin-ejẹn.

Ẹbụ-ọma 91:14

Osolobuẹ sị, “Makẹni ihiẹn m sụọ a, m k'a zụọpụha a, bu ẹ dọnmẹ ebe eje-ihiẹn jẹnkọlẹni d'e ru ẹ ẹhụ makẹni ọ marịnghọ ẹfan m.

Itẹn 20:29

Ndụn rị ikoro wụ ọghọ ndị ikoro, isi-ẹwọ wụ ikpẹn ndị ẹgẹdi.

Juwẹlụ 2:28

“Ọnwan mẹgụ, m k'e hu Mmọn m kpu ịhịan ile: ụmụ ụnụ ikẹnnyẹ lẹ ikpoho k'e bu amụma; ikẹnnyẹ-ọba ụnụ k'a rọ nrọ; ikoro ụnụ k'a hụn ọhụn.

Zẹkaraya 9:17

Alị wẹ k'a rịchanrịn mma, a la ẹnya! Ọka k'e jun, ikorọbịa hụ e gi ẹ a ban ihiẹn; manya-vaịnị e jun, ịgbagba hụ e gi ẹ a ban ihiẹn.

Matiu 11:27

Nẹdi m e bugụọ ihiẹn ile che m ẹka. Onwọnni onyẹ marịn Nwa mmanị Chuku-Nẹdi sụọ; onwọnzikwọnị onyẹ marịn Chuku-Nẹdi wezụka Nwa lẹzi onyẹ ọwụlẹ Nwa chọ n'o mẹ ẹ marịn Chuku-Nẹdi.

Matiu 13:19

Onyẹ nụ ozi Alị-eze bụ ọ ghọhan'a, Eje-onyẹ hụ a bịa d'a jụnarịn a ihiẹn hụ wẹ kụnye ẹ obi. Ọhụn wụ mkpụrụ ndị hụn wẹ ghaye ọkpụzọ.

Matiu 13:38

Ugbo hụ wụ ụwa; mkpụrụ hụ hụn rị mma wụ ụmụ Alị-eze; ata hụ wụ ụmụ Eje-onyẹ hụ.

Matiu 5:37

Sịhụ ‘Ẹghẹẹ’ mọbụ ‘Mba’; ihiẹn ọwụlẹ karị ọnwan gha ẹka Eje-onyẹ hụ bịa.

Luku 10:22

Nẹdi m e bugụọ ihiẹn ile che m ẹka. Onwọnni onyẹ marịn onyẹ Nwa-Chuku wụ wezụka Chuku-Nẹdi; onwọnzikwọnị onyẹ marịn Chuku-Nẹdi wezụka Nwa a lẹ onyẹ ọwụlẹ Nwa a chọ n'o mẹ ẹ marịn a.”

Jọnụ 14:7

Omẹni ụnụ te marịn m amarịn, nkẹ ụnụ a marịnzị Nẹdi m. Ụnụ a marịngụọ a nwan gha kikẹnni jẹnmẹ; ụnụ a hụngụọ a.”

Jọnụ 14:9

Jesu nọ sị a, “Filipu, hụnnị ile mmẹ lẹ ụnụ rị, y'e ke marịn m? Onyẹ hụnnị m a hụngụọ Chuku-Nẹdi. K'ị rị a sịnị, ‘Ghọsị ẹnyi Chuku-Nẹdi’?

Jọnụ 16:3

Wẹ jẹnkọ d'e mẹ ẹ makẹlẹ amarịn wẹ Chuku-Nẹdi, amarịn wẹ m.

Jọnụ 16:33

A gwagụọ m ụnụ ihiẹn ndịnị kẹni obi gi ufiri m ru ụnụ alị. Imẹ ụwa, ụnụ jẹnkọ d'e nwọn nsọngbu; ka kwọndọn ni obi ụnụ, n'e mẹrigụọ m ụwa!”

Jọnụ 17:21

kẹni wẹ ile wụrụ ohu, nọkẹ kẹ ịyụ, Baba, dọn rị imẹ m, mmẹ nwẹn hụ imẹ i; m rị a rịọ nị wẹ rịzịkwọ imẹ ẹnyi — kẹni ụwa kweri nị ịyụ zihẹ m.

Jọnụ 17:3

Ọnwan wụ ndụn itẹbitẹ: ịmarịnn'ị, Chuku hụn ya sụọ wụ Chuku nke-esi lẹ ịmarịn Jizọsị Kraịstị hụn i zihẹ.

Jọnụ 8:19

Ya wẹ nọ sị a, “Ebe nẹdi i ahụn rị?” Jesu nọ sị, “Ụnụ amarịn m, ụnụ amarịn Nẹdi m. Omẹni ụnụ te marịn m amarịn, nkẹ ụnụ a marịnzịkwọ Nẹdi m.”

Ndị Kọrẹntị Nke Ẹbụọ 4:6

Makẹni, Osolobuẹ hụn sị, “Ukpẹ ya nwunmẹ ebe ishi rị” e nwun nwangụọ nwan imẹ obi ẹnyi hụn ẹnyi gi saẹka legha ọghọ Osolobuẹ ihun Kraịstị.

Timoti Ibuzọ 5:1

Aganlẹ okẹnnyẹ-ọba, ka gi mgbaye gwa a oku nọkẹ nẹdi ịhịan; a gwa ikẹnnyẹ rị ibe alị oku rịkẹ umunẹ;

Taịtọsụ 2:6

Ẹrịrazịkwọ, kuzi ikorọbịa nị wẹ wụrụ ndị e kwọndọn enwẹn wẹ.

Jọnụ Ibuzọ 1:1

Ihiẹn ahụn rị gha mbidọn lala kẹ ẹnyi rị a gwa ụnụ oku ẹ, ihiẹn ẹnyi gi ntịn nụ, gi ẹnya ẹnyi hụn; ihiẹn ẹnyi lekpọgụ, mẹtụ ẹka. Ẹnyi rị e ku oku onyẹ ahụn wụ ndụn.

Jọnụ Ibuzọ 2:1

Ụmụ m, m rị e deni ụnụ ihiẹn ndịnị amamgbe ụnụ gha e mẹ njọ. Kanị, omẹni ịhịan mẹ njọ, ẹnyi nwọn onyẹ a rịọdọnni ẹnyi Chuku-Nẹdi: Jesu Kristi hụn rị ọchan rọ.

Jọnụ Ibuzọ 2:12

Ụmụẹka, m rị e deni ụnụ nị m gi gwa ụnụ nị Osolobuẹ e gigụọ ufiri ẹfan Jizọsị gbagharị ụnụ njọ.

Jọnụ Ibuzọ 2:14

Ụmụẹka, m deni ụnụ ihiẹnni makẹni ụnụ a marịngụọ Chuku-Nẹdi ẹnyi. Ndị nẹdi, m deni ụnụ ihiẹnni makẹni ụnụ a marịngụọ onyẹ hụ rị gha mbidọn lala. Ikoro, m deni ụnụ ihiẹnni makẹni ụnụ e zeghọ, makẹni oku Osolobuẹ rị imẹ ụnụ, makẹni ụnụ e mẹrigụọ Eje-onyẹ hụ.

Jọnụ Ibuzọ 3:12

Ẹnyi anọkọkwọ kẹ Keni hụn rị azụụn nke Eje-onyẹ hụ, o gbu nwẹnẹ ẹ. K'o gbuni nwan nwẹnẹ ẹ? Makẹni ya nwẹn mẹ eje-ihiẹn, nwẹnẹ ẹ mẹ ihiẹn rị mma.

Jọnụ Ibuzọ 4:4

Ụmụẹka, ụnụ wụ nke Osolobuẹ; ụnụ e mẹrigụọ wẹ, makẹni onyẹ rị imẹ ụnụ ka onyẹ rị imẹ ụwa.

Jọnụ Ibuzọ 5:18

Ẹnyi a marịnghọ nị onyẹ Osolobuẹ mụ ara mẹ njọ, makẹni Kraịstị, Onyẹ hụ Osolobuẹ mụ, e che ẹ nche, Eje-onyẹ hụ ara mẹtụ a ẹka.

Jọnụ Ibuzọ 5:20

Ẹnyi a marịnghọ nị Nwa Osolobuẹ a bịagụọ, n'o yegụọ ẹnyi nghọta hụn ẹnyi e gi marịn onyẹ ahụn wụ Ezioku. Ẹnyi rị nwan imẹ onyẹ ahụn wụ Ezioku lẹ Nwa a wụ Jesu Kristi. Ịya wụ Osolobuẹ nke-esi lẹ ndụn-itẹbitẹ.

Rẹvẹleshọnụ 12:11

“Kanị e gi wẹ ẹdeke Nwa-ebulu hụ lẹ oku wẹ gi shịan'a ẹri mẹri ẹ; ndụn wẹ a danị wẹ, e kweridẹ wẹ nị wẹ gbu wẹ.

Rẹvẹleshọnụ 2:7

Onyẹ nwọn ntịn ya nụ ihiẹn Mmọn-nsọ rị a gwa ụka rị ichẹn-ichẹn! Onyẹ hụn mẹrini kẹ m k'a nị ri mkpụrụ-osisi ahụn e ye ndụn hụn rị Paradaịsị, Alị Ezumikẹn Osolobuẹ.