Jesu nọ sị wẹ, “Ukpẹ jẹnkọ d'e sọnzi ụnụ nọdị ẹkẹrẹ sụọ. A ghahunmẹ ni nwan hụnnị ụnụ nwọn ukpẹ, amamgbe ọhịhị a gbakunrun ụnụ idẹnmuzi, makẹni onyẹ ghakọ imẹ ishi amarịn ebe o jẹnkọ.
“Chuku e mẹgụọ ẹnya kpu wẹ ishi, mẹ obi tikin wẹ — amamgbe wẹ e gi ẹnya wẹ legha ụzọ, gi obi wẹ ghọta, e gbehutọ wẹ d'e kunrun m; a zụọ m wẹ. Ya kẹ Chuku ku.”
Makẹni, ẹnyi nwẹn te wụzị ndị-nzuzu, ndị nnupụ-isi lẹ ndị wẹ dufie; eje-ihiẹn a gụnnị ẹnyi lẹ ihiẹn ichẹn-ichẹn a sụọnị e te kịzịghọ ẹnyi kẹ igbọn. Ẹnyi te e mẹ ibe ẹnyi eje-ihiẹn, e we iwe-ẹnya, ize ẹnyi hụ e ze ịhịan, ize ibe ẹnyi hụ e ze ẹnyi.
Omẹni ịhịan sị, “M nwọn ihiẹn-ọsụsụọ Osolobuẹ,” bụ ọ hụ e ze ize ibe ẹ, onyẹ-ntụ k'ọ wụ. Makẹni, omẹni ịhịan enwọnni ihiẹn-ọsụsụọ ibe ẹ hụn ọ rị e legha, ọ sakọ ẹka nwọn ihiẹn-ọsụsụọ Osolobuẹ o leghatulẹni.
“Ị hụ a sị, ‘M wụ ọdanfịn, e hiọlẹ m ọdanfịn, onwọnzini ihiẹn a kọnị m.’ Kanị, y'a marịn n'o nwọnni kẹ ọ han ị, nị y'e rugụọdẹ ihiẹn a gba ẹnya-mirin, nị ogbẹnnyẹ k'ị wụ, nị ị wụ ẹnya-mpịn, nị ị gba ọtọ!