Jọnụ Ibuzọ 1:7 - Ika

⁷ Kanị, omẹni ẹnyi hụ e bi imẹ ukpẹ kẹ ya nwẹn dọn rị imẹ ukpẹ, ya wụ nị ẹnyi lẹ ịya rị nke-esi, ẹdeke Nwa a wụ Jizọsị hụ a chanchanpụ ẹnyi njọ ile.

Jọnụ Ibuzọ 1:7 ပူးပေါင်းရင်းမြစ်များ

Ẹbụ-ọma 104:2

Ukpẹ k'i yi nọkẹ ẹwuru. Ịyụ shịshịapụ igwere rịkẹ okpukpu ụlọ;

Ẹbụ-ọma 51:2

Chanchanpụchanrịn ihiẹn ile m mẹ ikpe gi ma m, y'e fepụ m ẹhụ njọ m mẹ!

Ẹbụ-ọma 56:13

makẹni y'a zụọpụhagụọ m ẹka ọnwụn, y'a nịnị m dan. Ya haịn m gi nwan rị e jẹnhunmẹ ihun Osolobuẹ, e nwọn ukpẹ ahụn wụ ndụn.

Ẹbụ-ọma 89:15

Ndị ma yi oro hụ wẹ gi e fe i e nwọnkẹ ngọzi, yụ wụ Osolobuẹ e lepụ wẹ ẹnya!

Ẹbụ-ọma 97:11

Ukpẹ e nwunkpu ndị ezi-omumẹ; ịghọghọ a bịanị ndị obi wẹ kụrụ ọtọ.

Azaya 2:5

Izrẹlụ wụ ikpụlọ Jekọpụ, nị ẹnyi gi ni ukpẹ Osolobuẹ e bi.

Azaya 33:24

Onwọnzini onyẹ bi Zayọnụ hụn k'a sị, “Emu rị a kụ m” — Osolobuẹ k'a gbagharị ndị bi ebẹhụ njọ wẹ.

Azaya 6:7

Ọ nọ gi ikeke-ọkụn hụ mẹtụ m ọnụ, sị, “Ọnwan e mẹtụgụọ ị nwan ụgb'ọnụ: e wepụgụọ wẹ njọ ị; a gbagharịgụọ wẹ njọ ị.”

Emọsụ 3:3

Nị madụ ẹbụọ sa ẹka jẹngbama ijẹn bụ ekutọnị wẹ ebe wẹ jẹnkọ?

Zẹkaraya 13:1

O ru ogẹn hụ, isi-mirin hụn a chanchanpụ njọ lẹ ụrụ k'e kpupụnị ebọn Defidi lẹ ndị bi Jerusalẹm.

Matiu 6:12

gbagharị ẹnyi eje-ihiẹn ẹnyi mẹ, kẹ ẹnyi dọn gbagharị ndị mẹ ẹnyi eje-ihiẹn.

Jọnụ 1:29

Eki e fọn, Jọnụ nọ hụn Jizọsị k'ọ lala, Jọnụ nọ sị, “Lee n'ẹ! Ọnwan wụ Nwa-ebulu Osolobuẹ hụn e wepụ njọ ụwa!

Jọnụ 12:35

Jesu nọ sị wẹ, “Ukpẹ jẹnkọ d'e sọnzi ụnụ nọdị ẹkẹrẹ sụọ. A ghahunmẹ ni nwan hụnnị ụnụ nwọn ukpẹ, amamgbe ọhịhị a gbakunrun ụnụ idẹnmuzi, makẹni onyẹ ghakọ imẹ ishi amarịn ebe o jẹnkọ.

Jọnụ 5:4

Makẹni, mmọn-ozi Di-nwọnni-ẹnyi a bịa mbụ-lẹ-ẹbụọ d'e mẹhunmẹ mirin hụ. O mẹhunmẹgụ a, onyẹ bu ụzọ banye a dịnhịn emu ọwụlẹ rị a kụn'a.

Ndị Rom 13:12

O teọlẹ ọhịhị gba; eki e d'e fọn. Nị ẹnyi mẹbehi ni nwan ihiẹn w'e mẹ imẹ ishi, ẹnyi e buru ihiẹn-ọgụn ukpẹ.

Ndị Kọrẹntị Ibuzọ 6:11

Ihiẹn ndịnị kẹ ụfọdụ imẹ ụnụ te wụ, kanị Osolobuẹ ẹnyi gi Mmọn-nsọ a chanchan ụnụ; o dọn ụnụ nsọ, gi ẹfan Jizọs Kraịstị Di-nwọnni-ẹnyi nabanhan ụnụ.

Ndị Ẹfẹsọsụ 1:7

Makẹni ẹnyi rị imẹ Kraịstị, Osolobuẹ e gigụọ ẹdeke ẹ hụn wụ ọnwụn a gbapụha ẹnyi, gbagharị ẹnyi njọ, makẹ okẹn ẹfọma Osolobuẹ.

Ndị Ẹfẹsọsụ 5:8

Makẹni, ụnụ te rị imẹ ishi, kanị hụnnị ụnụ rị imẹ Di-nwọnni-ẹnyi, ụnụ wụ ukpẹ; e bi ni nwan kẹ ụmụ ukpẹ,

Timoti Ibuzọ 6:16

Ịya sụọ wụ onyẹ ghalẹni a nwụnhụn; Onyẹ hụn bi imẹ ukpẹ wẹ ghalẹni a s'ẹka a nọkunmẹ; Onyẹ ịhịan leghatulẹni hụn ịhịan jẹnkọlẹni d'a s'ẹka legha! Mgbaye lẹ ọkịkị itẹbitẹ wụ nke ẹ jẹnrin ejẹn! Isẹẹ.

Taịtọsụ 2:14

Jizọsị Kraịstị, hụn gi ufiri ẹnyi we enwẹn ẹ ye, n'ọ gbapụha ẹnyi imẹ njọ ile, gi ẹ chanchanpụhanị enwẹn ẹ ndị k'a wụchanrịn nke ẹ, ndị ihiẹn rị mma a dụ omumẹ.

Hibru 9:14

ya wụ nị ẹdeke Kraịstị, onyẹ hụn gi enwẹn ẹ chụnyeni Osolobuẹ ẹjan nwọnlẹni ntụpọ ghahanị Mmọn itẹbitẹ, jẹnkọ d'a sa ẹka chanchan obi ẹnyi, chan a ezigbo ọchịchan, chanchanpụ ihiẹn ile ghalẹni e ye ndụn hụn ẹnyi mẹ, ẹnyi a hụn ụzọ fe Osolobuẹ rị ndụn.

Jemisi 1:17

Makẹni, ihiẹn ile rị mma zu oke wẹ e ye gha elu-igwee bịa — ọ gha ẹka Nẹdi hụn e ye ukpẹ ile a bịa, Nẹdi hụn ghalẹni e kuhutọ ọnụ mọbụ e yebe ukpẹ yemẹ ishi.

Pita Ibuzọ 1:19

kanị ẹdeke Kraịstị rịgbu enwẹn ẹ mkpa, hụn rị kẹ nwa-ebulu zu oke nwọnlẹni ntụpọ,

Jọnụ Ibuzọ 1:3

Ẹnyi rị nwan a gwa ụnụ ihiẹn ẹnyi hụn lẹ ihiẹn ẹnyi nụ, kẹni ụnụ hụn ụzọ bannị ẹnyi — makẹni Nẹdi ẹnyi lẹ Nwa a wụ Jesu Kristi kẹ ẹnyi lẹ wẹ rị.

Jọnụ Ibuzọ 1:5

Ọnwan wụ ozi hụ ẹnyi nụ ọnụ a, hụn ẹnyi rị nwan e zi ụnụ: nị Osolobuẹ wụ ukpẹ, ishi arị imẹ ẹ kaka.

Jọnụ Ibuzọ 5:6

Jizọs Kraịstịnị gi mirin lẹ ẹdeke ghọsị onyẹ ọ wụ. Ẹlẹ mirin sụọ, kanị mirin lẹ ẹdeke. Mmọn-nsọ lẹ enwẹn ẹ rị a shịa ẹrini, makẹni Mmọn-nsọ wụ Onyẹ ezioku.

Jọnụ Ibuzọ 5:8

wẹ rịzịkwọ ẹtọ hụn a shịa ẹri elu-ụwa:] Mmọn-nsọ lẹ mirin ahụn lẹ ẹdeke ahụn. Wẹ ẹtịtọ rị e kuye ọnụ ohu.

Jọnụ Nke Ẹbụọ 1:4

Ẹfọ sụọ m ụsụọ ọda-ọda kẹ m chọpụha nị o nwọn ụmụ ị ndị rị e bi imẹ Ezioku nọkẹ kẹ Nẹdi ẹnyi dọn gwa ẹnyi.

Jọnụ Nke Ẹtọ 1:4

Onwọnni ihiẹn e mẹ m a ghọghọ nọkẹ ebe m nọ nụ nị ụmụ m rị e bi kẹ Ezioku dọn chọ.

Rẹvẹleshọnụ 1:5

lẹ Jizọsị Kraịstị — Jizọsị Kraịstị hụn wụ ọshẹri ahụn furu wẹ gi e dọn ẹnya, onyẹ ibuzọ gha ọnwụn lihi, onyẹ hụn a kị ndị-nze rị elu-ụwa, onyẹ hụn nwọn ihiẹn-ọsụsụọ ẹnyi, gi ẹdeke ẹ gbapụha ẹnyi ẹka njọ ẹnyi;

Rẹvẹleshọnụ 12:11

“Kanị e gi wẹ ẹdeke Nwa-ebulu hụ lẹ oku wẹ gi shịan'a ẹri mẹri ẹ; ndụn wẹ a danị wẹ, e kweridẹ wẹ nị wẹ gbu wẹ.

Rẹvẹleshọnụ 7:14

M nọ sị a, “Diọkpa, ịyụ marịn ndị wẹ wụ.” Ọ nọ sị m, “Ndịnị gha okẹn ukpokpo hụ pụha. Wẹ gi ẹdeke Nwa-ebulu hụ sụ ẹwuru wẹ, wẹ nọ họnrin ẹkwa-ọchan.