Jọnụ Ibuzọ 1:4 - Ika

⁴ Ẹnyi rị e de ihiẹn ndịnị kẹni ịghọghọ ẹnyi ile hụn ụzọ zu oke.

Jọnụ Ibuzọ 1:4 ပူးပေါင်းရင်းမြစ်များ

Azaya 61:10

M rị a ghọghọ ọda-ọda makẹ Osolobuẹ; obi rị a sụọ m ụsụọ ọda-ọda makẹ Chuku m. Makẹni o yimẹgụọ m nzụọpụha kẹ ẹwuru, we ezi-omumẹ tụ m mgburu, gi wẹ ile chọ m mma kẹ okẹnnyẹ rị a gba ẹhụhụọ dọn e kpuru okpu ma mma lekẹ onyẹ nchụn-ẹjan, kẹ nwagbọọ rị a gba ẹhụhụọ dọn e yi ihiẹn-mma a.

Jọnụ 15:11

A gwatọgụọ m ụnụ ihiẹn ndịnị, kẹni ụnụ nwọn ịghọghọ m lẹni ụnụ nwọn ịghọghọ nwọnzu ẹ.

Jọnụ 16:24

D'e rukwọ nwan ogẹnni, ụnụ egituni ẹfan m rịọ ihiẹn ọwụlẹ; rịọ nị, ụnụ jẹnkọ d'e nwọnhẹn, kẹni ịghọghọ ụnụ zu oke.

Jọnụ 3:29

Onyẹ rị a lụ okpoho nwọn okpoho ahụn ọ rị a lụ. Ọwụ a wuzohụ ẹhụ a, a ghọghọ n'ọ rị a nụ olu ẹ. Ịghọghọ m e zuọlẹ nwan oke.

Ndị Kọrẹntị Nke Ẹbụọ 1:24

Arị m e gi oku ọjụgbọnị m rị e ku e ku nị ẹnyi nwọn e ku ihiẹn ụnụ gi okukwe ụnụ e mẹ. Kama, m gi ẹ e ku nị ẹnyi lẹ ụnụ gba a rụn kẹni ụnụ hụn ụzọ e nwọn ịghọghọ nị ụnụ turu ọhụnma imẹ okukwe.

Ndị Ẹfẹsọsụ 3:19

ụnụ a ghọta ihiẹn-ọsụsụọ Kraịstị hụn wẹ ghalẹni a ghọtachanrịn, kẹni ihiẹn ile rị imẹ Osolobuẹ hụn ụzọ jun imẹ ndụn ụnụ.

Jọnụ Ibuzọ 2:1

Ụmụ m, m rị e deni ụnụ ihiẹn ndịnị amamgbe ụnụ gha e mẹ njọ. Kanị, omẹni ịhịan mẹ njọ, ẹnyi nwọn onyẹ a rịọdọnni ẹnyi Chuku-Nẹdi: Jesu Kristi hụn rị ọchan rọ.

Jọnụ Nke Ẹbụọ 1:12

M nwọn ihiẹn bu ọda nkẹ m'e deni ụnụ, kanị ẹlẹ hụn m k'e de. Kama, m rị a tụ ẹnya nị m k'a bịa d'a hụndẹ ụnụ, ẹnyi e ku elee-m, elee-i, kẹni ịghọghọ ẹnyi ile hụn ụzọ zu oke.