Jọnụ Ibuzọ 1:1 - Ika

¹ Ihiẹn ahụn rị gha mbidọn lala kẹ ẹnyi rị a gwa ụnụ oku ẹ, ihiẹn ẹnyi gi ntịn nụ, gi ẹnya ẹnyi hụn; ihiẹn ẹnyi lekpọgụ, mẹtụ ẹka. Ẹnyi rị e ku oku onyẹ ahụn wụ ndụn.

Jọnụ Ibuzọ 1:1 ပူးပေါင်းရင်းမြစ်များ

Azaya 41:4

Onyẹ wụ onyẹ hụn mẹ ihiẹnni, mẹ ẹ ru alị? A gha isi mbidọn a kpọtọ agbọ ndị rị ihun? Mmẹ wụ Osolobuẹ rọ — mmẹ lẹ ndị ibuzọ rị, mmẹ lẹ ndị ikpanzụụn rịzịkwọ.”

Maịka 5:2

Kanị, ịyụ, Bẹt'lẹhẹm Ẹfrata, hụn nwọnlẹni ihiẹn ọ wụ imẹ ebọn ndị rị Juda, imẹ i kẹ onyẹ-ọkịkị a gha pụhanị m, d'a kị ndị Izrẹlụ, Onyẹ hụn rị ẹdẹi, rị kete-kete.

Luku 1:2

dechanrịn a kẹ ndị ibuzọ ahụn o mẹye ẹnya hụn Osolobuẹ gi zi ozi ẹ dọn gwa ẹnyi,

Luku 24:39

Lee ni ẹka m lẹ ụkụ m: Mmẹ rọ! Hụatụ nị m ẹka nị ụnụ hụn a nị mmẹ rọ; onyẹ-mmọn ara nwọn uru lẹ ọkpụkpụ ụnụ rị a hụn m ẹhụ.”

Jọnụ 19:35

(Onyẹ hụn kẹ ihiẹnni mẹ e kugụọ a, kẹni ụnụ lẹ enwẹn ụnụ hụn ụzọ kweri. Ihiẹn o ku wụ ezioku; ọ marịnghọ nị ezioku rọ).

Jọnụ 20:27

Ya kẹ ọ nọ sị Tamọsị, “Wẹhẹ mkpịnsịn-ẹka ị n'i bu ẹ che ebeni; lee ẹka m ẹbụbụọ; wẹhẹ nwan ẹka ị n'i buche m ẹkụnkụn. Arụzịlẹ ụka; kweri!”

Jọnụ 5:26

Kẹ Chuku-Nẹdi dọn nwọn ndụn imẹ enwẹn ẹ, ẹrịra k'o dọnzikwọ ye Nwa ikẹn o gi e nwọn ndụn imẹ enwẹn ẹ.

Jọnụ 8:58

Jesu nọ sị wẹ, “Ezioku kẹ m rị a gwa ụnụ, m wụ Onyẹ M Wụ nị wẹ d'a mụ Ebraham.”

Ọrụn Ndị-ozi 1:3

Ogẹn o gi tagụ afụnfụn, nwụnhụngụ, ọ hụ a bịa d'e kunrun ndị-ozi hụ pụ-ichẹn ọrọgbọ akpọhịn ọgụnnaị, e gi ụzọ rị ichẹn-ichẹn a ghọsị wẹ n'ọ ghagụọ ọnwụn lihi, a gwa wẹ oku Alị-eze Osolobuẹ.

Ọrụn Ndị-ozi 4:20

kanị, ẹnyi nwẹn ekubehikọ ihiẹn ẹnyi hụn lẹ ihiẹn ẹnyi nụ.”

Hibru 2:3

nanị ẹnyi a dọn nwan wanahịn omẹni ẹnyi a jụ okẹn nzụọpụhanị nọ ẹnịna, hụn Di-nwọnni-ẹnyi lẹ enwẹn ẹ bu ụzọ zimẹ ozi ẹ; hụn ndị gha ọnụ a nụ a shịa ẹri, ghọsị ẹnyi nị ezioku rọ,

Jọnụ Ibuzọ 4:14

Ẹnyi a hụngụọ a, ku ẹ, nị Chuku-Nẹdi e zihẹgụọ Nwa a d'a wụ Onyẹ-nzụọpụha ụwa.

Jọnụ Ibuzọ 5:7

Ya wụ nị wẹ rị ẹtọ rị a shịa ẹri [elu-igwee: Chuku-Nẹdi lẹ Oku Osolobuẹ lẹ Mmọn-nsọ, wẹ ẹtịtọ wụ ohu;

Rẹvẹleshọnụ 1:11

Ọ sị, “Detu ihiẹn ị rị a hụn ye imẹ ẹkụkwọ, y'e zijẹnni ụka ẹsanị ya: ụka rị Ẹfẹsọsụ, ụka rị Sụmẹna, ụka rị Pẹgamọm, ụka rị Tịatira, ụka rị Sadisi, ụka rị Filadefịa lẹzi ụka rị Laodishia.”

Rẹvẹleshọnụ 1:8

“Mmẹ wụ Ibuzọ lẹ Ikpanzụụn!” Ya kẹ Di-nwọnni-ẹnyi wụ Osolobuẹ ku — onyẹ hụ hụn rị kikẹnni, hụn rị mbụ, hụn lalanị; Onyẹ hụn nwọn ikẹn ile.

Rẹvẹleshọnụ 19:13

O yi ẹwuru wẹ yọye imẹ ẹdeke. Ẹfan wẹ gi marịn a wụ “Oku Osolobuẹ”.

Rẹvẹleshọnụ 2:8

“Dejẹnni onyẹ-isi ụka Sụmẹna, sị a: ‘Lee ihiẹn onyẹ hụ wụ Ibuzọ lẹ Ikpanzụụn ku, onyẹ ahụn nwụnhụnnị hụn rịzị nwan ndụn: ọ sị,