Jọnụ 9:39 - Ika

³⁹ Jesu nọ sị, “M bịa ụwanị d'a han eṅẹn, kẹni ndị ẹnya-ishi leghama ụzọ, ndị e legha ụzọ a wụrụ ẹnya-ishi.”

Jọnụ 9:39 ပူးပေါင်းရင်းမြစ်များ

Azaya 29:10

Osolobuẹ a tụgụọ ụnụ okẹn-ụran; o kpumẹgụọ ụnụ ẹnya — ụnụ ndị-amụma, kpumẹ ụnụ isi — ụnụ ndị a hụn ụzọ.

Azaya 44:18

Onwọnni ihiẹn wẹ marịn; onwọnni ihiẹn w'a ghọta! A nyankingụọ wẹ wẹ ẹnya — w'a ra legha ụzọ, uche wẹ kpukin ekpukin — w'a ra s'ẹka a ghọta.

Azaya 6:9

Ọ nọ sị, “Jẹn d'a sị ndịnị: ‘A nụ nị ọnụnụ-ọnụnụ, aghọtalẹ ni; e lee ni olile-olile, eleghalẹ ni.’

Izikẹlụ 12:2

“Nwa-ịhịan, ebọn isi-ikẹn k'ị rị. Wẹ nwọn ẹnya bụ w'a ra legha ụzọ; wẹ nwọn ntịn, kanị w'a ra nụ ihiẹn, makẹni ebọn isi-ikẹn kẹ wẹ wụ.

Matiu 11:5

ndị ẹnya-ishi a hụnmagụọ ụzọ; ndị ngụrọ e jẹnmẹgụọ ijẹn; ndị oti hụ a dịnhịn, a wụbehi ndị rụnị; ndị odin a nụmagụọ ihiẹn; wẹ hụ e weli ndị nwụnhụnnị, e zi ndị igbẹnnyẹ oziọma.

Matiu 15:14

Hatu ni wẹ, wẹ wụ ndị-ndu ẹnya-ishi: onyẹ ẹnya-ishi dumẹ onyẹ ẹnya-ishi, wẹ ẹbụbụọ k'a danye mgbugbu.”

Matiu 6:23

Kanị, omẹni ẹnya ị arị ikẹn, ẹhụ ị ile sikọ d'a wụ ishi-ishi. O mẹ nwan nị ukpẹ hụn rị imẹ ị wụ ishi, ya wụ nị ishi rị imẹ i karị ẹka!

Luku 1:79

o nwunmẹni ndị rị imẹ ishi ọnwụn rị a kpọ ihun; o mẹ ụkụ ẹnyi gha ụzọ udọn ihiẹn nọ a rị mma.”

Luku 13:30

Eziẹ, o nwọnghọ ndị kpan azụụn ogẹnni jẹnkọ d'a wụ ibuzọ ogẹn ahụn lẹ ndị bu ụzọ kikẹnni jẹnkọ d'a wụ ikpanzụụn.”

Luku 2:34

Simiọnụ nọ gọzi wẹ; ya k'ọ nọ sị nnẹ ẹ wụ Meri, “Gọn ntịn, wẹ tumẹ nwatanị n'ọ wụrụ onyẹ wẹ sikọ d'e gi budan ndị bu ọda imẹ Izrẹlụ, bushi ndị bu ọda elu, lẹzi n'ọ wụrụ ahịma wẹ k'a jụ;

Luku 4:18

“Mmọn Di-nwọnni-ẹnyi rị imẹ m, makẹni o tumẹ m d'e zi ndị igbẹnnyẹ oziọma. O zi m d'a sị ndị rị imẹ ẹgbụn nwọnrin enwẹn wẹ, d'a sị ndị ẹnya-ishi hụnma ụzọ, d'a gbapụha ndị wẹ rị a bịangbu;

Luku 7:21

Ogẹn ohu ahụn, Jizọsị nọ zụọ ndị bu ọda emu lẹ ọrịa ichẹn-ichẹn, chụpụsọnmẹ eje-mmọn imẹ ndị bu ọda, mẹ ndị ẹnya-ishi bu ọda hụnma ụzọ.

Jọnụ 12:31

Kikẹnni kẹ wẹ jẹnkọ d'a ma ụwanị ikpe; kikẹnni kẹ wẹ sikọ d'a chụpụ onyẹ rị a kị ụwanị.

Jọnụ 12:46

M bịa imẹ ụwa d'a wụ ukpẹ kẹni, onyẹ kwerinini m, ọ rịkọ imẹ ishi.

Jọnụ 3:17

Ẹlẹ ikpe kẹ Osolobuẹ zi Nwa a d'a ma ndị rị ụwa, o zi ẹ kẹni wẹ gha ẹka a nwọnrin nzụọpụha.

Jọnụ 3:19

Ọnwan kẹ wẹ gi hangbu wẹ eṅẹn: nị ukpẹ a bịagụọ imẹ ụwa, kalẹ ishi a ka ịhịan a sụọ karị ukpẹ, makẹni eje-ihiẹn kẹ w'e mẹ.

Jọnụ 8:12

Ya kẹ Jizọsị nọ sịzị ndị ahụn o te rị a kuzi, “Mmẹ wụ ukpẹ ụwa. Onyẹ rị e sọnni m aghakọ imẹ ishi, kama, o sikọ d'e nwọn ukpẹ ahụn e ye ndụn.”

Jọnụ 8:15

Ụnụ a han eṅẹn kẹ ịhịan mmaka. Onwọnni onyẹ m'a hannị eṅẹn.

Jọnụ 9:25

Ọ nọ sị, “Omẹni onyẹ njọ rọ amarịn m. Ihiẹn ohu m marịn wụ nị ẹnya te kpu m ishi, kalẹ, e leghamagụọ m nwan ụzọ!”

Ọrụn Ndị-ozi 26:18

M zikọ ị d'a shịapụ wẹ ẹnya, kẹni wẹ pụha imẹ ishi shi imẹ ukpẹ, pụha okpuru Ekwensụ buru Osolobuẹ, kẹni Osolobuẹ gbagharị wẹ njọ, ye wẹ ọnọdị imẹ ndị wẹ gi okweri wẹ kwerini m dọn nsọ.’

Ndị Kọrẹntị Nke Ẹbụọ 2:16

Ebe ndị lakọ iwi rị, ẹnyi rị e shin ishin e gbuni; ebe ndị rị e nwọn nzụọpụha rị, ẹnyi rị e shin ishin e ye ndụn. Onyẹ k'a sa ẹka mẹ ihiẹn ndịnị?

Ndị Ẹfẹsọsụ 5:14

makẹni ukpẹ nwunkpuhụ ihiẹn, o họnrin ukpẹ. Ya haịn Ẹkụkwọ-nsọ gi sị, “Onyẹ-ụran, tẹnhin! Gha ọnwụn lihi, kẹni Kraịstị nwunkpu i.”

Ndị Tẹsalonika Nke Ẹbụọ 2:10

ya lẹ ụdị eje-ndufie ile rị ichẹn-ichẹn o k'e dufie ndị lakọ ntikpọ, makẹni anịnị wẹ ezioku weri ọnọdị imẹ obi wẹ, gi ẹ nwọnrin nzụọpụha.

Pita Ibuzọ 2:9

Kanị, ụnụ nwẹn wụ agbọ wẹ họrị ahọrị; ndị nchụn-ẹjan Eze; ebọn rị nsọ; ndị nke Osolobuẹ kẹti-kẹti, kẹni ụnụ a ghọsị ẹka-ọrụn Onyẹ hụn kpọpụha ụnụ imẹ ishi bu ụnụ che imẹ ukpẹ ẹ rịgbu enwẹn ẹ mma.

Jọnụ Ibuzọ 2:11

Kanị, onyẹ hụn e ze ize ibe ẹ rị imẹ ishi; imẹ ishi k'ọ ghakọ, ọ marịn ebe o jẹnkọ makẹni ishi hụ a gbakingụọ a ẹnya.