Jọnụ 9:31 - Ika

³¹ Ẹnyi a marịnghọ nị Osolobuẹ ara gọn onyẹ-njọ ntịn, nị onyẹ e fen'ẹ lẹ onyẹ e mẹ uche ẹ k'o gọn ntịn.

Jọnụ 9:31 ပူးပေါင်းရင်းမြစ်များ

Jẹnẹsisi 19:29

Ẹrịra k'o gi mẹ ni ogẹn Osolobuẹ gi tikpọ obodo ndị ahụn rịsọnmẹ alị aradan Ọdanmgbugbu Jọdanị, ebẹhụ Lọtụ jẹn d'e biri, ọ nyanhan Ebraham, gi ufiri ẹ wepụ Lọtụ imẹ ndị wẹ tikpọ.

Jẹnẹsisi 20:7

Wekinni nwan okẹnnyẹ ahụn nwunyẹ ẹ, makẹni onyẹ-amụma k'ọ wụ; o k'e mẹni i ekpere, y'a rị ndụn. Kanị omẹni y'e wekinn'ẹ azụụn, marịnkwọ n'i sikọ d'a nwụnhụnrịrị, yụ lẹ ndị nke i ile.”

Jobu 35:12

Ya haịn o gilẹni a za wẹ, wẹ gha a kwanghọsị a — makẹni wẹ rị a pache rịkẹ ndị njọ ahụn wẹ wụ.

Jobu 35:13

Ẹkwan nwọnlẹni isi rọ, Chuku ara gọn ẹ ntịn; Onyẹ Nwọn Ikẹn Ile ara feyedẹ ẹ ẹnya.

Jobu 42:8

Weri ni nwan okẹn-efin ẹsa lẹ ebulu ẹsa d'e kunrun odibo m wụ Jobu; gi ni wẹ chụnnị enwẹn ụnụ ẹjan w'a dụn ọkụn — odibo m wụ Jobu e mẹni ụnụ ekpere, e gi m ufiri Jobu nụ ekpere hụ, amamgbe m'e ye ụnụ afụnfụn makẹ nzuzu ụnụ zuzu — makẹni ụnụ ekuni ihiẹn ụnụ ku banyeni m ọhụnma, kẹ odibo m wụ Jobu dọn ku.”

Ẹbụ-ọma 106:23

Ya kẹ Osolobuẹ nọ sị n'o tikpọ wẹ; omẹni ẹlẹ hụn onyẹ ahụn ọ họrị wụ Mozizi wuzo ẹgbata ya lẹ uwẹ, rịọma a, amamgbe o gi olulu tikpọ wẹ, nkẹ o tikpọ wẹ.

Ẹbụ-ọma 143:10

Kuzi m kẹ wẹ dọn e mẹ uche i, makẹni ịyụ wụ Chuku m; Mmọn ị rị mma ya we m a gha ebe riẹnni.

Ẹbụ-ọma 145:19

O ye ndị hụn a gbayen'ẹ ihiẹn a gụnnị wẹ; ọ nụ ẹkwan wẹ, a zụọpụha wẹ.

Ẹbụ-ọma 18:41

A kwan wẹ, a hụnnị wẹ onyẹ a zụọpụhanị wẹ; a hịdẹ wẹ Osolobuẹ, ọ zanị wẹ.

Ẹbụ-ọma 40:8

M chọ nị m mẹ uche i, Chuku m; iwu i rị imẹ obi m.”

Ẹbụ-ọma 99:6

Mozizi lẹ Ẹrọnụ rị ndị nchụn-ẹjan a ogẹn mbụ; Samuẹlụ rịzịkwọ ndị kpọku ẹfan a mbụ. A kpọkughọ w'a, ọ za wẹ.

Itẹn 15:29

Osolobuẹ a nọte anọte ebe ndị eje-omumẹ rị, kanị ọ nụ ekpere ndị ezi-omumẹ.

Itẹn 21:13

Onyẹ fakin ntịn ebe ndị igbẹnnyẹ rị a kwan, ya nwẹn k'a kwan onwọnni onyẹ k'a zan'a.

Itẹn 28:9

Onyẹ sị o gọnkọ ntịn Iwu-Osolobuẹ, ekpere ẹ wụdẹ arụ ebe Osolobuẹ rị.

Azaya 1:15

Ụnụ kịshidẹ ẹka elu mẹ ekpere, e bupụ m ụnụ ihun; ụnụ mẹkẹnmẹdẹ ekpere, egọnkọ m ụnụ ntịn. Ẹdeke jun ụnụ ẹka;

Azaya 58:9

Ị kpọ Osolobuẹ oku, ọ za ị; Ị kwanma n'o yeni i ẹka, Osolobuẹ a sị ị, “Lee m ebeni!” Omẹni y'a kụsị mmẹgbu, gbabehi ibe ụnụ mkpịnsịn-ẹka ihun, kujabehi oku ịhịan,

Jerimaya 11:11

Ya haịn Osolobuẹ gi nwan rị a sị, ‘M jẹnkọ d'e mẹ wẹ tikpọ wẹ hụn wẹ jẹnkọlẹni d'a s'ẹka wanahịn. Ọsụọn'a wẹ kwanghọsị m, egọnkọ m wẹ ntịn.

Jerimaya 14:12

Ọsụọn'a wẹ bu ọnụ, egọnkọ m ntịn ẹkwan wẹ; ọsụọn'a wẹ chụn ẹjan w'a kpọ ọkụn lẹ ẹjan ọka, ewekọ m. Hụn nkẹ m'e gi narịn wẹ, m k'e gidẹ ọpịa-agha lẹ ẹgụn lẹ eje-emu gbu wẹ.”

Jerimaya 15:1

Osolobuẹ nọ sị m: “Ọsụọn'a nị Mozizi lẹ Samuẹlụ turu ihun m a rịọ m, omikẹn ndịnị emẹkọ m. Sị wẹ gha m ihun pụ! Wẹ jẹnmẹ!

Izikẹlụ 8:18

Mmẹ nwẹn jẹnkọ nwan d'e gi olulu mẹ wẹ ihiẹn; elekọ m wẹ ẹnya ihun; emẹkọ m omikẹn wẹ. Wẹ k'a kwanghọsị m ọda-ọda, egọnkọ m wẹ ntịn.”

Maịka 3:4

O ru ogẹn hụ, ụnụ jẹnkọ d'a kwanghọsị Osolobuẹ, kanị ọ zakọ ụnụ; o k'e fepụ ụnụ ẹnya yeni eje-ihiẹn ụnụ rị e mẹ.

Zẹkaraya 7:13

Ebe o mẹni azanị wẹ m kẹ m kpọ wẹ oku, a kpọ wẹ m, m nọ jụ n'a zakọ m wẹ. Ya kẹ mmẹ wụ Osolobuẹ ihiẹn ile rị okpuru ẹ ku.

Jọnụ 11:22

Kanị a marịnghọ m nị kẹ hụnnị ọ nwụnhụngụ, Osolobuẹ jẹnkọ d'e ye i ihiẹn ọwụlẹ ị rịọ a.”

Jọnụ 15:16

“Ẹlẹ ụnụ họrị m; kaka, mmẹ họrị ụnụ, tumẹ ụnụ kẹni ụnụ d'a mị mkpụrụ — mkpụrụ hụn sikọ d'a rịsọnmẹni, kẹni Chuku-Nẹdi ye ụnụ ihiẹn ọwụlẹ ụnụ gi ẹfan m rịọ.

Jọnụ 4:34

Jizọsị nọ sị wẹ, “Ihiẹn-oriri m wụ imẹ uche onyẹ zini m lẹ ịrụnchanrịn ọrụn a.

Jọnụ 7:17

Onyẹ kwademẹ obi ẹ n'o k'e mẹ uche Osolobuẹ ọ marịn kẹ nkuzi m gha ẹka Osolobuẹ bịa ra uche m kẹ m rị e ku.

Jọnụ 9:30

Okẹnnyẹ hụ nọ sị wẹ, “Okẹn ihiẹn! Ụnụ amarịn ebe ọ gha bịa bụ ọ shịapụ m ẹnya!!

Jọnụ 9:32

Kete ụwa e bidọnlẹ, ẹnyi anụtuni nị wẹ shịapụ ẹnya onyẹ wẹ mụ ẹnya-ishi.

Ditrọnọmi 1:45

Ụnụ nọ lụaha, kwanghọsịma Osolobuẹ, kanị o gọndẹni ntịn ẹkwan ụnụ n'a kwan; o feyedẹni ụnụ ẹnya.

Hibru 10:7

Ya m nọ sị, ‘Lee ẹ, Osolobuẹ, a bịagụọ m d'e mẹ uche i — kẹ wẹ dọn de banyeni m imẹ Ẹkụkwọ-nsọ.’ ”