Jọnụ 8:37 - Ika

³⁷ A marịnghọ m nị ụnụ wụ ụmụ Ebraham, kanị ụnụ rị nwan a chọ nị ụnụ gbu m, makẹni oku m arị a ban ụnụ obi.

Jọnụ 8:37 ပူးပေါင်းရင်းမြစ်များ

Matiu 13:15

makẹni ndịnị ara ghọha, ntịn wẹ a kpọkingụọ, a nyụnmagụọ wẹ ẹnya, amamgbe w'e gi ẹnya wẹ legha ụzọ, gi ntịn wẹ nụ ihiẹn, gi obi wẹ ghọha, e rogharị wẹ d'e kunrun m, a zụọ m wẹ. Ya kẹ Osolobuẹ ku.’

Matiu 3:9

atụkwọlẹ ni enwẹn ụnụ ntụ, a sị, ‘Ebraham wụ nẹdi ẹnyi nụ!’ Makẹni, m rị a gwakwọ ụnụ, Osolobuẹ k'a saẹka gi ọmụma ndịnị ye Ebraham ụmụ.”

Jọnụ 10:31

Ndị-ndu ndị Ju nọ burusọnmẹzi ọmụma nị wẹ magbu ẹ.

Jọnụ 11:53

Gha ụhụọhịn hụ jẹnmẹ, ndị-ndu ndị Ju nọ tụma iroro w'e gi gbu Jesu.

Jọnụ 5:44

Nanị nkẹ ụnụ a dọndẹ nwan kweri? Ụnụ hụn a narịn ọjịja-mma ẹka ibe ụnụ, kanị ụnụ ara lịlịma nị Onyẹ hụ ya sụọ wụ Osolobuẹ ja ụnụ mma.

Jọnụ 7:1

Omẹgụ, Jesu nọ jẹnhunmẹmẹ imẹ Galili. Ọ chọnị n'o jẹn Judia, makẹni ndị-ndu ndị Ju rị a chọ nị wẹ gbu ẹ.

Jọnụ 7:19

“Mozizi e yegụọnị ụnụ Iwu? Kanị onwọnni akpụ onyẹ ohu e dọnmẹ Iwu hụ imẹ ụnụ. Kị ụnụ rị a chọnị nị ụnụ gbu m?”

Jọnụ 7:25

Ya kẹ ụfọdụ ndị Jerusalẹm nọ sị, “Ẹlẹ ọnwan wụ okẹnnyẹ hụ wẹ rị a chọ nị wẹ gbu?

Jọnụ 8:33

Wẹ nọ sị a, “Ụmụ Ebraham kẹ ẹnyi wụ; ẹnyi awụtuni igbọn ịhịan. K'ị rị a sịnị, ‘Ụnụ jẹnkọ d'e weri enwẹn ụnụ’?!”

Jọnụ 8:43

Kị haịn ụnụ gilẹni a ghọta ihiẹn m rị e ku? Ụnụ arị a ghọta makẹni ụnụ ara s'ẹka gọn ntịn oku m.

Jọnụ 8:56

Ọ rịkẹnmẹkẹ nẹdi ụnụ kanị wụ Ebraham n'ọ hụn ogẹn m; ogẹn o gi hụn a, ẹfọ nọ sụọ a ụsụọ.”

Jọnụ 8:59

Ya wẹ nọ tụtụrụ ọmụma nị wẹ magbu ẹ, kanị Jesu nọ gi nzuzue, gha imẹ Ụlọ-nsọ gepụ.

Jọnụ 8:6

Kanị wẹ rịhụ a chọ ihiẹn rị a ọnụ nị wẹ hụn ihiẹn w'e gi ma a ikpe. Ya kẹ Jizọsị nọ tukun, gi mkpịnsịn-ẹka a demẹ ihiẹn alị.

Ọrụn Ndị-ozi 13:26

“Umunẹ m ndị ebọn Ebraham lẹ ndị a tụ egun Osolobuẹ imẹ ụnụ, e zihẹgụọnị wẹ ẹnyi oziọma nzụọpụhanị.

Ndị Rom 9:7

Ẹlẹdẹ ụmụ ẹfọ Ebraham ile wụ ụmụ a nke-esi, makẹni Osolobuẹ sị Ebraham, “Ẹka Aziki kẹ ụmụ wẹ jẹnkọ d'a kpọ ụmụ ị k'a gha bịa.”

Ndị Kọrẹntị Ibuzọ 2:14

Ịhịan-mmaka nwọnlẹni Mmọn-nsọ ara nabanhan ihiẹn Mmọn-nsọ, makẹni wẹ wụ nzuzu ẹnya a. Ọ ra saẹka ghọta wẹ makẹni Mmọn-nsọ kẹ wẹ gi a ghọha wẹ.

Jọnụ Ibuzọ 2:14

Ụmụẹka, m deni ụnụ ihiẹnni makẹni ụnụ a marịngụọ Chuku-Nẹdi ẹnyi. Ndị nẹdi, m deni ụnụ ihiẹnni makẹni ụnụ a marịngụọ onyẹ hụ rị gha mbidọn lala. Ikoro, m deni ụnụ ihiẹnni makẹni ụnụ e zeghọ, makẹni oku Osolobuẹ rị imẹ ụnụ, makẹni ụnụ e mẹrigụọ Eje-onyẹ hụ.