Jọnụ 8:36 - Ika

³⁶ Ya wụ nị Nwa Osolobuẹ tọpụ ụnụ ẹgbụn-igbọn, ụnụ e weri enwẹn ụnụ nke-esi.

Jọnụ 8:36 ပူးပေါင်းရင်းမြစ်များ

Ẹbụ-ọma 119:133

Dodo, a ghọsị m ebe m'a zọye ụkụ, kẹ i dọn kwe nkwa; anịkwọlẹ njọ ọwụlẹ kị m!

Ẹbụ-ọma 119:32

M k'a gha e mẹkẹnrin ihiẹn ndị ị sị ẹnyi e mẹ, makẹni y'e mẹ m e nwọn nghọta e nwọncheni.

Ẹbụ-ọma 19:13

Anịkwọlẹ odibo i e mẹ njọ ọ marịngụ, anịkwọlẹ wẹ kị m — kẹni m wụrụ onyẹ zu oke, ghalẹni e mẹ njọ ahụn jọgbu enwẹn ẹ.

Azaya 61:1

Mmọn Di-nwọnni-ẹnyi wụ Osolobuẹ rị imẹ m, makẹni Osolobuẹ e tumẹgụọ m d'e zi ndị igbẹnnyẹ ozi rị mma. O zi m d'a kasị ndị ndụn gụ obi, d'a sị ndị wẹ kwọndọn lama, d'a sị ndị ngan pụha;

Luku 4:18

“Mmọn Di-nwọnni-ẹnyi rị imẹ m, makẹni o tumẹ m d'e zi ndị igbẹnnyẹ oziọma. O zi m d'a sị ndị rị imẹ ẹgbụn nwọnrin enwẹn wẹ, d'a sị ndị ẹnya-ishi hụnma ụzọ, d'a gbapụha ndị wẹ rị a bịangbu;

Ndị Rom 8:2

Makẹni, ọkịkị ahụn Mmọn-nsọ gi e ye ndụn imẹ Jesu Kristi a gbapụhagụọ ẹnyi ẹka ọkịkị ahụn njọ gi e buhẹ ọnwụn.

Ndị Kọrẹntị Ibuzọ 7:22

Makẹni, omẹni ịhịan wụ igbọn kẹ Osolobuẹ kpọbanhan a imẹ Di-nwọnni-ẹnyi, onyẹ nwọn enwẹn ẹ k'ọ wụ imẹ Di-nwọnni-ẹnyi. Ẹrịrazịkwọ, onyẹ hụn wụlẹni igbọn kẹ Osolobuẹ kpọbanhan a wụ nwan igbọn Kraịstị.

Ndị Kọrẹntị Nke Ẹbụọ 3:17

“Di-nwọnni-ẹnyi” ahụn wẹ rị e ku oku ẹ wụ Mmọn-nsọ: ebe ọwụlẹ Mmọn Di-nwọnni-ẹnyi rị, ebẹhụ kẹ ịhịan nọ e weri enwẹn ẹ.

Ndị Galeshịa 5:1

Kraịstị gbapụha ẹnyi kẹni ẹnyi wụrụ ndị nwọn enwẹn wẹ. Wuzokẹnmẹ ni nwan kẹ ndị werigụ enwẹn wẹ! Anịkwọlẹ ni wẹ kpọmazị ụnụ ẹgan igbọn!