Jọnụ 8:28 - Ika

²⁸ Ya Jizọsị nọ sị, “Ogẹn ụnụ e gi weshi Nwa nke Ịhịan elu kẹ ụnụ k'a marịn nị m wụ Onyẹ M Wụ, nị m'ara gi uche m mẹ ihiẹn ọwụlẹ, kama, m rị a gwa ụnụ ihiẹn ndịnị kẹ Nẹdi m dọn kuzi m.

Jọnụ 8:28 ပူးပေါင်းရင်းမြစ်များ

Ọpụpụ 3:14

Chuku nọ sị Mozizi, “Onyẹ M Wụ Kẹ M Wụ. Ihiẹnni k'i jẹnkọ d'a gwa wẹ: ‘Onyẹ M Wụ zihẹ m d'e kunrun ụnụ.’ ”

Matiu 24:5

makẹni, ndị bu ọda jẹnkọ d'e gi ẹfan m bịa, a sị, ‘Mmẹ wụ Kraịstị,’ gi ẹ dufie ndị bu ọda.

Makị 13:6

Ndị bu ọda jẹnkọ d'e gi ẹfan m bịa, a sị, ‘Mmẹ wụ Kraịstị, Onyẹ Ahụn Osolobuẹ Tumẹ!’ Wẹ sikọ d'e gi ẹ dufie ndị bu ọda.

Luku 21:8

Jesu nọ sị wẹ, “Dọnrin ni ẹnya makẹ wẹ gha e dufie ụnụ. Makẹni, ndị bu ọda sikọ d'e gi ẹfan m bịa, a sị, ‘Mmẹ wụ Kraịstị;’ a sịzị, ‘Ogẹn hụ e rugụọ!’ Ka esọnkwọlẹ ni wẹ.

Jọnụ 11:42

A marịngụọ m nị y'a nụ ihiẹn m ku ogẹn ile, kanị ndịnị rị ebeni haịn m gi ku ihiẹnni, kẹni wẹ kweri nị yụ zihẹ m.”

Jọnụ 13:19

M rị nwan a gwatọ ụnụ ihiẹnni, kẹni, o mẹ, nị ụnụ kweri nị mmẹ wụ Onyẹ Hụ m ku.

Jọnụ 16:10

o k'a ghọsị wẹ ihiẹn ezi-omumẹ wụ makẹni m laburukọ Chuku-Nẹdi ebe ụnụ jẹnkọlẹni d'a hụn m;

Jọnụ 18:32

(Hụnnị kẹ oku Jesu gi bụn — oku o gi ghọsị ụdị ọnwụn o jẹnkọ d'a nwụn.)

Jọnụ 19:18

Ya wẹ nọ nọ ebẹhụ kpọma a elu-obe; o nwọnzighọ ikẹnnyẹ ẹbụọ wẹ kpọma elu obe chen'ẹ, onyẹ ohu rị azụụnnị, onyẹ ohu rị azụụnnị, Jizọsị rị etintin wẹ.

Jọnụ 3:11

Ezioku kẹ m rị a gwa ị, ẹnyi rị e ku ihiẹn ẹnyi marịn, a shịa ẹri ihiẹn ẹnyi hụn, kanị ụnụ ara gi ẹri ẹnyi dọn.

Jọnụ 3:14

“Kẹ Mozizi dọn weshi agwọ hụ elu imẹ atụ, ẹrịra kẹ wẹ k'e weshi Nwa nke Ịhịan elu,

Jọnụ 4:26

Jesu nọ sị a, “Mmẹ hụn rị a gwa ị oku rọ.”

Jọnụ 5:19

Jizọsị nọ sị wẹ, “Ezioku kẹ m rị a gwa ụnụ, Nwa asaẹka gi uche ẹ mẹ ihiẹn ọwụlẹ — mmanị ihiẹn ọ hụn Chuku-Nẹdi rị e mẹ; makẹni ihiẹn Chuku-Nẹdi mẹ kẹ Nwa a nkẹ e mẹ.

Jọnụ 5:30

“Asa m ẹka gi ikẹn m mẹ ihiẹn ọwụlẹ. M hụ a nụ ihiẹn Osolobuẹ rị a gwa m, e gi ẹ a han eṅẹn; ya wụ, ezigbo eṅẹn kẹ m'a han, makẹni arị m e mẹ uche m, kalẹ uche onyẹ zihẹni m.

Jọnụ 6:38

Makẹni, aghanị m elu-igwee bịa d'e mẹ uche m, kanị uche onyẹ hụn zihẹni m.

Jọnụ 8:24

Ya haịn m gi gwa ụnụ nị ụnụ sikọ d'a nwụntọ imẹ njọ ụnụ. Ụnụ jẹnkọ d'a nwụntọ imẹ njọ ụnụ mmanị ụnụ kweri nị m wụ Onyẹ M Wụ.”

Jọnụ 8:27

Kanị aghọtanị wẹ nị Chuku-Nẹdi k'ọ rị e ku.

Jọnụ 8:58

Jesu nọ sị wẹ, “Ezioku kẹ m rị a gwa ụnụ, m wụ Onyẹ M Wụ nị wẹ d'a mụ Ebraham.”

Ọrụn Ndị-ozi 2:41

Wẹ nọ mẹ ndị ile nabanhan ozi ẹ mirin-Chuku. Ihiẹn nọ kẹ madụ nnụ-uku ẹtọ (3,000) banyeni wẹ ụhụọhịn hụ.

Ọrụn Ndị-ozi 4:4

Kanị ndị bu ọda nụ ozi Pita wẹ kweri, ya ndị kwerini nọ ru ikẹnnyẹ nnụ-uku isẹn (5,000).

Ndị Rom 1:4

Osolobuẹ nọ gi ikẹn Mmọn-nsọ a ghọsị n'ọ wụ Nwa Osolobuẹ ebe ọ nọ gha ọnwụn weli ẹ: Jesu Kristi Di-nwọnni-ẹnyi rọ.

Ditrọnọmi 18:18

M k'a gha imẹ ndị nke wẹ wepụhanị wẹ onyẹ-amụma nọ kẹ ịyụ; m k'e bu oku m che ẹ ọnụ, ọ gwachanrịn wẹ ihiẹn ile m gwa a.