Jọnụ 7:38 - Ika

³⁸ Onyẹ kwerini m, ọ rịn'a kẹ Ẹkụkwọ-nsọ dọn ku: ‘Mirin hụn e ye ndụn k'a gha imẹ ẹ e hupụha kẹ iyi.’ ”

Jọnụ 7:38 ပူးပေါင်းရင်းမြစ်များ

Itẹn 10:11

Ọnụ onyẹ ezi-omumẹ wụ isi-mirin e ye ndụn, kanị oku a rụ ẹhụ jun eje-ịhịan ọnụ.

Itẹn 18:4

Oku-ọnụ ịhịan nọ kẹ okẹn mirin mini; amamihiẹn nọ kẹ mirin iyi rị e huni.

Azaya 12:3

Ụnụ k'a rị a ghọghọ a dọrị nzụọpụha nọkẹ mirin imẹ ọmị nzụọpụha.

Azaya 35:6

Ndị ngụrọ k'a tụshimẹ elu kẹ ele; ndị odin k'e yimẹdẹ oro ịghọghọ! Isi-mirin k'e jun imẹ alị ọkpọ-nkụn mirin rịlẹni, iyi a rịsọnmẹ ẹ!

Azaya 44:3

M jẹnkọ d'e hu mirin ye akpakalị ẹgụn mirin rị a gụn, mẹ iyi rịsọnmẹ alị mirin te rịlẹni; m k'e hu mmọn m kpu ụmụ ị, hu ngọzi m kpu ẹbozo i.

Azaya 55:1

Bịa nị, ụnụ ile ẹgụn mirin rị a gụn, bịa nị ebe mirin rị; kẹ onyẹ ọwụlẹ gilẹni egho, bịa nị d'e ṅọnrin ihiẹn-oriri ri! Bịa d'e ṅọnrin manya lẹ mirin-ẹran ọfẹ, onwọnni ihiẹn ụnụ k'a kụ!

Azaya 58:11

Osolobuẹ k'e du i ogẹn ile; e ye i ihiẹn rị ị mkpa ọsụọn'a nị ị rị alị kpọchanrịn nkụn; o k'e mẹ ọkpụkpụ ị ze ọhụnma-ọhụnma. Ị k'a rị kẹ ugbo-nta w'a gba mirin ọhụnma, rị kẹ isi-mirin hụn mirin ẹ ghalẹni a gụ.

Azaya 59:21

“Mmẹ nwẹn, ọnwan wụ nkwa m kwe wẹ: gha ogẹnni jẹnmẹ, Mmọn m hụn m buche imẹ ndụn ụnụ aghakọ imẹ ụnụ pụ; oku m hụn m buche ọnụ ụnụ aghakọ ụnụ ọnụ pụ, ọ ghakọ ọnụ ụmụ ụnụ pụ, ọ ghakọ ọnụ ụmụ-ụmụ ụnụ pụ, jẹnrin-ejẹn. Ya kẹ Osolobuẹ ku.”

Zẹkaraya 14:8

O ru ogẹn ahụn, mirin e ye ndụn k'a gha Jerusalẹm e hupụha: azụụn ohu k'a rị e hushi Ohimin rị ẹbamịn ọwụwa-ẹnyanwụn, azụụn ohu e hushi Ohimin rị ẹbamịn ọdịdan-ẹnyanwụn. O hubehikọ, kẹ ọhọhị kẹ udu-mirin.

Jọnụ 4:10

Jizọsị nọ sị a, “Omẹni i te marịn ihiẹn Osolobuẹ e ye lẹ onyẹ rị a sị ị, ‘Ye m mirin ra’, nkẹ y'a rịọ a, n'o ye i mirin hụn e ye ndụn.”

Jọnụ 4:14

Kanị onyẹ ra mirin m jẹnkọ d'e ye ẹ, onwọnni ogẹn ẹgụn mirin e gizi gụn a elu-ụwanị, mirin hụ k'e họnrindẹ isi-mirin imẹ hụnyẹ, a mụpụhan'a ndụn itẹbitẹ.”

Ndị Ẹfẹsọsụ 5:9

makẹni mkpụrụ hụn ukpẹ a mị wụ ihiẹn ile rị mma lẹ ezi-omumẹ ile lẹ ihiẹn ile wụ ezioku.

Ditrọnọmi 18:15

Osolobuẹ wụ Chuku ụnụ k'a gha imẹ umunẹ ụnụ wepụhanị ụnụ onyẹ-amụma nọ kẹ mmẹ; ụnụ k'e gọnrịrị onyẹ-amụma ahụn ntịn.