Jọnụ 7:37 - Ika

³⁷ Ụhụọhịn ikpanzụụn mmẹmmẹ hụ, hụn wụ ụhụọhịn kachanrịn mkpa, Jesu nọ wuzo ọtọ, yi, “Onyẹ ẹgụn mirin rị a gụn, ya bịa d'e kunrun m n'ọ ra!

Jọnụ 7:37 ပူးပေါင်းရင်းမြစ်များ

Nehemiah 8:18

Ẹzra hụ a gụn Ẹkụkwọ Iwu-Osolobuẹ ụhụọhịn-ụhụọhịn, gha ụhụọhịn ibuzọ d'e ru ụhụọhịn ikpanzụụn. Akpọhịn ẹsa kẹ wẹ mẹ mmẹmmẹ hụ. Nke akpọhịn ẹsatọ wẹ nọ zu iko rị nsọ ya lẹ ẹ wị.

Ẹbụ-ọma 143:6

M kishi nwan ẹka elu a rịọ ị, e gi obi m ile a chọ ị, nọkẹ alị-ọkpọnkụn rị a chọ mirin. Sẹla

Ẹbụ-ọma 42:2

Ẹgụn Chuku rị a gụn m kẹ mirin, ẹgụn Chuku hụn rị ndụn rị a gụn m! Elee mgbe m'e gi jẹn ihun ẹ d'e fe ẹ?

Ẹbụ-ọma 63:1

Osolobuẹ, ịyụ wụ Chuku m; m rị a chọ ị. Ẹgụn ị rị a gụn m rịkẹ mirin, ẹgụn ị rị a gụn ẹhụ m rịkẹ onyẹ rị alị ọkpọ-nkụn hụnlẹni mirin ra!

Itẹn 1:20

Amamihiẹn rị ogbe a hị! Ọ nọ ebe ịhịan ile nọ e zu, a hị;

Itẹn 8:1

Ẹlẹ Amamihiẹn rị a hị ihiẹnni? Ẹlẹ Nghọta weshi olu ahụn elu a hị?

Itẹn 8:17

Ndị ihiẹn m a sụọ, ihiẹn wẹ a sụọ m asụọ; ndị hụn a chọshi m ikẹn a hụn m a hụn.

Itẹn 8:3

ụsụọ ọnụ-mgbọn ile w'a gha a banye imẹ obodo lẹ ọnụmụzọ ile rị ichẹn-ichẹn, k'ọ nọsọnmẹ a hị, a sị:

Itẹn 9:3

O zipụgụọ idibo ẹ ikpoho d'a kpọ ịhịan; ebe kachanrịn elu e jẹn imẹ obodo k'ọ gha a hị:

Ẹbụ Solomọnụ 5:1

A banhangụọ m imẹ ugbo-obobo m, nwẹnẹ m, nwunyẹ m; a kparịgụọ m maa m lẹ ihiẹn m ndị-ọzọ e kun ọhụnma. E rigụọ m ọgba-ẹnwụn m lẹ mirin-ẹnwụn m; a ragụọ m manya m lẹ mirin-ẹran m. E ri ni-o ndị ọwụ ẹnyi; a ra nị-o; ndị rị a sụọnị, rajun ni ẹfọ-o!

Azaya 12:3

Ụnụ k'a rị a ghọghọ a dọrị nzụọpụha nọkẹ mirin imẹ ọmị nzụọpụha.

Azaya 40:2

Gwa nị Jerusalẹm oku a rọkọ obi, hịnị n'a ya n'ọ nụ a — nị agha e mẹgụọ a ihiẹn o k'e mẹ ẹ; n'ọ kụgụọ ụgwọ njọ a; nị Osolobuẹ e yegụọ a afụnfụn njọ a, yekwasị.

Azaya 40:6

Olu ohu sị, “Yi oro!” M nọ sị, “Kẹ m k'e yi?” Ọ nọ sị m, “Sị, ịhịan ile nọhụ kẹ irurue, ọghọ ile wẹ nwọn nọchanrịn kẹ obobo rị ọfịa:

Azaya 44:3

M jẹnkọ d'e hu mirin ye akpakalị ẹgụn mirin rị a gụn, mẹ iyi rịsọnmẹ alị mirin te rịlẹni; m k'e hu mmọn m kpu ụmụ ị, hu ngọzi m kpu ẹbozo i.

Azaya 55:1

Bịa nị, ụnụ ile ẹgụn mirin rị a gụn, bịa nị ebe mirin rị; kẹ onyẹ ọwụlẹ gilẹni egho, bịa nị d'e ṅọnrin ihiẹn-oriri ri! Bịa d'e ṅọnrin manya lẹ mirin-ẹran ọfẹ, onwọnni ihiẹn ụnụ k'a kụ!

Azaya 55:3

Gi ihiẹn m ku dọn, n'ị bịa d'e kunrun m, gọn m ntịn kẹni ị rị ndụn. M k'e kwe i nkwa hụn m k'e mẹsọnmẹ jẹnrin ejẹn, nkwa ihiẹn-ọsụsụọ m hụ ghalẹni a gụ, hụn m kwe Defidi.

Azaya 58:1

Gi ẹ yi oro! Agbakwọlẹ nkịtịn! Yi ẹ n'ọ han — nọkẹ opi! Gwapụ ndị nke m nnupụ-isi wẹ, gwapụ ikpụlọ Jekọpụ njọ wẹ!

Jerimaya 16:19

Euu, Osolobuẹ, Ikẹn m lẹ Ebe m'a gbaban, Onyẹ m'e gbọnni ogẹn nsọngbu! Ndị alị ile rị elu-ụwa jẹnkọ d'e buruhẹ i, sị ị, “Mmọn ndị ahụn ndị nẹdi ẹnyi fe ẹlẹ Chuku nke-esi, ihiẹn wẹ kpụhụ kẹ wẹ wụ o nwọnni erere wẹ bannị wẹ.

Jerimaya 2:2

“Jẹn d'a hị ihiẹnni nị ndị Jerusalẹm nụ a: Lee ni ihiẹn Osolobuẹ ku: ‘A nyanhan m kẹ ụnụ dọn wechanrịn enwẹn ụnụ kwanị m kẹ ụnụ rị okoro, kẹ ihiẹn m dọn sụọ ụnụ lekẹ nwunyẹ m lụ nke ọhụn, ụnụ nọ kweri sọn m gha imẹ atụ, alị wẹ kụnlẹni ihiẹn ọwụlẹ.

Izikẹlụ 47:9

Ebe-lẹ-ebe iyini hushi, mirin ọwụlẹ o huye, ihiẹn rị ndụn jẹnkọ d'e jun. Azụn k'a rị a ọda-ọda makẹni mirinni e hubangụọ ebahụn, mirin ohimin rịlẹni mma sikọ d'a rị mma; ebe ọwụlẹ Iyi ahụn huban ihiẹn k'a rị ndụn.

Lẹvitikọsụ 23:36

E ye ni oyiye wẹ gi ọkụn e ye Osolobuẹ ọrọgbọ akp'ọhịn ẹsa hụ; nke akp'ọhịn ẹsatọ rịn'a ụnụ e zu iko rị nsọ, yezi oyiye wẹ gi ọkụn e ye Osolobuẹ. Iko rị mkpa rọ. Arụnlẹ ni ọrụn ọwụlẹ ụnụ gi e bi.

Lẹvitikọsụ 23:39

“Gha nwan nke akpọhịn mmisẹn hụ imẹ ifọn nke ẹsa bidọn, hụn ụnụ gi ghọgụ ihiẹn-ugbo ọnụ, mẹni ni Osolobuẹ mmẹmmẹ Ibi-imẹ-ọdụ ọrọgbọ akp'ọhịn ẹsa: ụhụọhịn ibuzọ rịn'a wụ ụhụọhịn izu-ikẹn, nke ẹsatọ rịn'a wụzịkwọ ụhụọhịn izu-ikẹn.

Maịka 6:9

Gọn ni ntịn olu Osolobuẹ, ọ rị a gwa ndị obodoni oku — Onyẹ marịn ihiẹn ya tụkwọ egun i, Osolobuẹ. “Gọn ni ntịn, ebọn Izrẹlụ lẹ ndị zu ebeni!

Zẹkaraya 9:15

Osolobuẹ ihiẹn ile rị okpuru ẹ k'e che wẹ nche, e mẹri wẹ ndị-iṅẹnrẹn wẹ: a zọgbu wẹ ndị a gba araba, bu wẹ ri, e yi oro-agha nọkẹ ndị manya nwunye ẹnya, ẹdeke e jun k'o jun afẹrẹ nchụn-ẹjan, jun wẹ ẹhụ nọkẹ mpịn ukpo nchụn-ẹjan.

Ọgụngụn 29:35

“Nke akp'ọhịn ẹsatọ rịn'a, zu ni ozuzu rị nsọ; arụnlẹ ni ọrụn ụnụ ụhụọhịn hụ.

Matiu 11:28

“Bịa nị d'e kunrun m, ụnụ ile ndụn gụ, bu ibu nyịnnị, m jẹnkọ d'e ye ụnụ ezumikẹn.

Matiu 3:3

Makẹni, Jọnụ hụn e mẹ mirin-Chuku kẹ onyẹ-amụma wụ Azaya ku oku ẹ ogẹn o gi sị, “Olu rị a pụ imẹ atụ, a sị, ‘Kwa nị nị Di-nwọnni-ẹnyi ụzọ; mẹmẹ ni ụzọ a n'o zinrin.’ ”

Matiu 5:6

Ngọzi wụ nke ndị ọ rị a gụn nị ihiẹn rị kẹ Osolobuẹ dọn chọ, a gụn wẹ kẹ ihiẹn-oriri lẹ ihiẹn-ọrịra; ẹfọ jẹnkọ d'e jun wẹ.

Jọnụ 1:23

Ọ nọ gi ihiẹn onyẹ-amụma wụ Azaya ku za wẹ, sị, “Mmẹ wụ olu hụ rị e yi oro imẹ atụ, a sị, ‘Kwa nị ụzọ Di-nwọnni-ẹnyi n'o zinrin!’ ”

Jọnụ 14:6

Jizọsị nọ sị a, “Mmẹ wụ ụzọ lẹ ezioku lẹ ndụn. Onwọnni onyẹ a bịa d'e kunrun Chuku-Nẹdi mmanị ọ ghaha ẹka m.

Jọnụ 4:10

Jizọsị nọ sị a, “Omẹni i te marịn ihiẹn Osolobuẹ e ye lẹ onyẹ rị a sị ị, ‘Ye m mirin ra’, nkẹ y'a rịọ a, n'o ye i mirin hụn e ye ndụn.”

Jọnụ 4:11

Okpoho hụ nọ sị a, “Diọkpa, ọmịnị mi emi bụ y'e gi mkpu wẹ gi a dọ mirin. Elebe y'a nọ nwan wẹhẹ mirin ahụn e ye ndụn?!

Jọnụ 4:14

Kanị onyẹ ra mirin m jẹnkọ d'e ye ẹ, onwọnni ogẹn ẹgụn mirin e gizi gụn a elu-ụwanị, mirin hụ k'e họnrindẹ isi-mirin imẹ hụnyẹ, a mụpụhan'a ndụn itẹbitẹ.”

Jọnụ 5:40

kanị ụnụ achọnị nwan nị ụnụ bịa d'e kunrun m kẹni ụnụ nwọnrin ndụn.

Jọnụ 6:35

Jizọsị nọ sị wẹ, “Mmẹ wụ brẹdi hụn e ye ndụn. Onyẹ bịa d'e kunrunni m, ẹgụn agụnkọ a; onyẹ kwerinini m, ẹgụn mirin agụnkọ a.

Jọnụ 6:37

“Ndị ile Nẹdi m ye m sikọ d'a bịa d'e kunrun m; achụpụkọ m onyẹ ọwụlẹ bịa d'e kunrunni m

Jọnụ 6:55

Makẹni, ẹhụ m wụ ihiẹn-oriri nke-esi, ẹdeke m wụ ihiẹn-ọrịra nke-esi.

Jọnụ 7:28

Ogẹn Jesu gi rị a kuzi imẹ Ụlọ-nsọ, ọ nọ weshi olu elu, sị, “Eziẹ, ụnụ a marịngụọ kẹ mmẹ kẹ ebe m gha bịa, ẹlẹ ya?! Kanị ẹlẹ mmẹ zihẹ enwẹn m; onyẹ hụn zihẹni m furu w'e gi dọn ẹnya — ịya kẹ ụnụ marịnlẹni!

Ndị Kọrẹntị Ibuzọ 10:21

Ụnụ asakọ ẹka rị a rarị ihiẹn rị mkpu Di-nwọnni-ẹnyi, a rarịzị nke eje-mmọn; ụnụ asakọ ẹka rị e ri ihiẹn-oriri teburu Di-nwọnni-ẹnyi, e rizi nke eje-mmọn.

Ndị Kọrẹntị Ibuzọ 10:4

wẹ ile a razịghọ ihiẹn-ọrịra hụ Osolobuẹ zihẹni wẹ, makẹni wẹ ra mirin pụha imẹ ọmụma ahụn nwọnlẹni ebe o gha bịa sọnkọnị wẹ. Ọmụma hụ wụ Kraịstị.

Ndị Kọrẹntị Ibuzọ 11:25

Ẹrịra k'o mẹzi kẹ wẹ rigụ ihiẹn-oriri ẹnyasị ahụn: o weri mkpu manya hụ, ọ nọ sị, “Mkpuni wụ nkwerigbama ọhụn hụ wẹ gi ẹdeke m biye ẹka. E mẹ ni ihiẹnni: ogẹn ọwụlẹ ụnụ ra a, e gi n'ẹ a nyanhan m.”

Ndị Kọrẹntị Ibuzọ 12:13

Makẹni, Osolobuẹ gha ẹka Mmọn ohu bu ẹnyi ile che ẹhụ ohu, kẹ ndị Ju kẹ ndị ọzọ, kẹ igbọn kẹ ndị nwọn enwẹn wẹ, mẹ ẹnyi ile rarị Mmọn ohu ahụn.

Ndị Ẹfẹsọsụ 5:18

Aralẹ ni manya tụ, makẹni obibi la iwi rọ; ka a nị nị Mmọn-nsọ a kị ụnụ —

Rẹvẹleshọnụ 21:6

Ya ọ nọ sị m, “O mẹgụọ! Mmẹ wụ Ibuzọ lẹ Ikpanzụụn, Mbidọn lẹ Ọgụgụ. Onyẹ ọwụlẹ ẹgụn-mirin rị a gụn, m k'a gha isi-mirin e ye ndụn ye ẹ mirin ọfẹ.

Rẹvẹleshọnụ 22:1

Ya mmọn-ozi hụ nọ ghọsị m iyi hụn mirin ẹ e ye ndụn. Ọ hụ e nwun zaị kẹ ughegbe; ukpo-eze Osolobuẹ lẹ Nwa-ebulu ahụn k'ọ rị a gha e hupụha.

Rẹvẹleshọnụ 22:17

Mmọn-nsọ lẹ okpoho hụ ya lẹ Jesu jẹnkọ d'a gba ẹkụkwọ sị, “Bịa!” Onyẹ ọwụlẹ nụnị ya sịzị, “Bịa!” Onyẹ ọwụlẹ ẹgụn-mirin rị a gụn ya bịa! Onyẹ ọwụlẹ chọnị, ya weri mirin ahụn e ye ndụn, ya weri ẹ ọfẹ ra.