Jọnụ 7:35 - Ika

³⁵ Ya ndị Ju nọ sị ibe wẹ, “Elebe kẹ okẹnnyẹni chọ n'o jẹn, hụn ẹnyi jẹnkọlẹni d'a hụn a? Onyẹ ma k'o jẹnkọ ebe ndị nke ẹnyi bi alị ndị ọzọ rị kẹni o d'a kuzi ndị alị ọzọ?

Jọnụ 7:35 ပူးပေါင်းရင်းမြစ်များ

Ẹbụ-ọma 147:2

Osolobuẹ rị a tụndọnzi Jerusalẹm, e wekinhẹn ndị Izrẹlụ ọ chụpụ alị wẹ.

Azaya 11:10

Ogẹn hụ, Mkpọgụn Jese ahụn jẹnkọ d'e suepụhanị k'a wụrụnị alị ichẹn-ichẹn ahịma wẹ tumẹni wẹ hụn w'e gi e dọn ẹnya; ndị alị ichẹn-ichẹn jẹnkọ d'e buruhẹ ẹ, ebe o bi jẹnkọ d'e nwọn ọghọ ọda-ọda.

Azaya 11:12

O k'e weshi ahịma elu zinmẹni alị ichẹn-ichẹn, gi wegbama ndị Izrẹlụ wẹ kpụnrụn, welụa wẹ; o k'a gha ẹbamịn ẹnọ ụwa wegbama ndị Juda feyịyanị.

Azaya 49:6

ọ sị: “Onwọnni ihiẹn ọ wụ n'ị wụhụ odibo m hụn k'e wekinhẹn ebọn Jekọpụ ọnọdị wẹ, hụn k'e wekinhẹn ndị Izrẹlụ m dọnmẹ ndụn; m k'e mẹzi i wụrụnị alị ndị ọzọ ile ukpẹ, kẹni i we nzụọpụha m ru ebe ile ụwa ru.”

Azaya 56:8

Di-nwọnni-ẹnyi wụ Osolobuẹ, onyẹ hụn rị e welụa ndị Izrẹlụ wẹ kpụnshi alị ndị ọzọ, sị, “M k'e welụazị ndị ọzọ cheni wẹ, cheni ndị m welụagụ.

Zẹfanaya 3:10

Ghakwọrị alị ndị teghafe Iyi ndị rị alị Kushi kẹ ndị nke m — ụmụ ndị nke m te feyịyanị k'a gha e wẹhẹni m oyiye.

Matiu 12:21

Ndị alị ndị ọzọ ile k'e gidẹ ẹfan a dọn ẹnya.”

Luku 2:32

Ukpẹ hụn jẹnkọ d'a ghọsị alị ndị ọzọ uche i, wẹhẹni ndị nke i wụ Izrẹlụ ọghọ.”

Jọnụ 12:20

O nwọnzighọ ndị wụlẹni ndị Ju hụn bịa Jerusalẹm d'e fe ofufe ogẹn mmẹmmẹ hụ.

Jọnụ 7:1

Omẹgụ, Jesu nọ jẹnhunmẹmẹ imẹ Galili. Ọ chọnị n'o jẹn Judia, makẹni ndị-ndu ndị Ju rị a chọ nị wẹ gbu ẹ.

Jọnụ 8:22

Ndị Ju hụ nọ sị, “Ọ chọdẹ nwan n'o gbu enwẹn ẹ ra? Hụnnị ọ rị a sị, ‘Ụnụ asakọ ẹka bịa ebe m jẹnkọ’?”

Ọrụn Ndị-ozi 11:18

A nụgụ wẹ ihiẹnni, onwọnzini ihiẹn wẹ ku; a ja wẹ Osolobuẹ mma, sị, “Ya wụ nị Osolobuẹ e yegụọzị nwan ndị wụlẹni ndị Ju oghere rogharị, nwọnrin ndụn!”

Ọrụn Ndị-ozi 11:20

Kanị, o nwọnghọ ikẹnnyẹ gha alị Saịprọsụ lẹ Saịrini lụaha imẹ ndị ụka gbayiyanị hụn ru nwan Antịọkụ, gwama ndị wụlẹni ndị Ju oku-Chuku, e zi wẹ ozi Di-nwọnni-ẹnyi wụ Jesu Kristi.

Ọrụn Ndị-ozi 14:1

Ihiẹn mẹ imẹ Antịọkụ rị Pisidia mẹzikwọ imẹ Ikoniọm. Pọlụ lẹ Banabasị banye imẹ ụlọ-ofufe ndị Ju rị ebẹhụ, ku oku-Chuku, nke wụ nị ndị bu ọda nọ kwerini Jesu, kẹ ndị Ju kẹ ndị wụlẹni ndị Ju.

Ọrụn Ndị-ozi 17:4

Ụfọdụ nọ kweri, ya wẹ nọ sọnmẹ Pọlụ lẹ Saịlasị. Ndị alị ọzọ bu ọda hụn e fe ofufe ndị Ju lẹ ikpoho wẹ marịn amarịn bu ọda e kwerizighọ.

Ọrụn Ndị-ozi 18:4

Ụhụọhịn Ezumikẹn ile, ọ hụ e jẹn ụlọ-ofufe ndị Ju d'a gwa wẹ oku, a lịlịma n'o mẹ wẹ kweri — kẹ ndị Ju kẹ ndị wụlẹni ndị Ju.

Ọrụn Ndị-ozi 21:21

A gwagụọ wẹ wẹ n'ị rị a kuzi ndị Ju ile bisọnmẹ alị ndị ọzọ wẹ latọ Iwu Mozizi, a sị wẹ akwazịlẹ ụmụ wẹ ugun, w'e gizilẹ Iwu Mozizi bi.

Ọrụn Ndị-ozi 22:21

Ya ọ nọ sị m, ‘Jẹnmẹ! M zikọ ị ebe tegbu enwẹn ẹ d'e kunrun ndị alị ọzọ wụlẹni ndị Ju.’ ”

Ndị Rom 1:16

Ifẹnrẹn oziọma arị e mẹ m, makẹni ya wụ ikẹn Osolobuẹ gi a zụọpụha onyẹ ọwụlẹ kwerini, ndị Ju wụ ibuzọ, o sọn ndị wụlẹni ndị Ju.

Ndị Ẹfẹsọsụ 3:8

Ọsụọn'a nị mmẹ kachanrịndẹ ntịn imẹ ndị nke Osolobuẹ, o ye m oyiyeni kẹni m zi ndị alị ọzọ oziọmanị, gwa wẹ ezigbo ihiẹn nwọnlẹni ọgụgụ hụn jun imẹ Kraịstị,

Ndị Kolosị 1:27

Ọ chọ nị ndị alị ọzọ marịn okẹn ihiẹn-omimini rịgbu enwẹn ẹ mma. Ihiẹn omimi hụ wụ nị ụnụ e nwọngụọ Kraịstị, lemẹ ni nwan ẹnya ọghọ hụ Osolobuẹ k'e ye.

Timoti Ibuzọ 2:7

Ịya haịn wẹ gi tumẹ m onyẹ e zisọnmẹ ozi ẹ lẹ onyẹ-ozi pụ-ichẹn (m rị e ku ezioku, arị m a tụ ntụ) lẹ onyẹ a kuzi ndị wụlẹni ndị Ju okukwe lẹ ezioku.

Timoti Nke Ẹbụọ 1:11

Ufiri oziọmanị k'o gi tumẹ m onyẹ e zisọnmẹ ozi, onyẹ-ozi pụ-ichẹn lẹ onyẹ-nkuzi;

Jemisi 1:1

Mmẹ wụ Jemisi de ẹkụkwọ-ozini. M wụ igbọn Osolobuẹ lẹ Di-nwọnni-ẹnyi wụ Jesu Kristi. M rị e dejẹnni ụmụ ebọn mmẹbụọ alị Izrẹlụ rị alị ndị ọzọ; e kele m ụnụ!

Pita Ibuzọ 1:1

Mmẹ wụ Pita hụn wụ onyẹ-ozi pụ-ichẹn Jesu Kristi de ẹkụkwọ-ozini. M rị e dejẹnni ndị Chuku họrị rị alị ichẹn-ichẹn rịsọnmẹ Ẹgbẹrẹ Pọntusu, Galeshịa, Kapadoshịa, Eshịa lẹ Bitinia,