Jọnụ 6:40 - Ika

⁴⁰ uche Nẹdi m wụ nị onyẹ hụn Nwa, kwerin'ẹ, jẹnkọ d'e nwọn ndụn itẹbitẹ; m sikọ d'e weli ẹ Ụhụọhịn ikpanzụụn.”

Jọnụ 6:40 ပူးပေါင်းရင်းမြစ်များ

Azaya 52:10

Osolobuẹ sikọ d'a ghọsị ẹka a rị nsọ idẹnya alị ndị ọzọ ile, elu-ụwa ile a hụn kẹ Chuku ẹnyi dọn a zụọpụha.

Azaya 53:2

Ẹka Osolobuẹ kẹ odibo ẹ nọ sue nọkẹ osisi pupụhanị, nọkẹ mkpọgụn rị alị-ọkpọnkụn. Onwọnni mma mọbụ ọghọ rị a ẹhụ a lanị ẹnyi ẹnya; onwọnni ihiẹn rị a ẹhụ hụn a sụọ ịhịan.

Ọgụngụn 21:9

Ya Mozizi nọ gi igwe-ụda kpụ agwọ, zumẹ ihiẹn, kọn agwọ hụ ye elu ẹ. Onyẹ ọwụlẹ agwọ ta weshi ẹnya elu lee agwọ igwe-ụda hụ, ọ rị ndụn.

Matiu 10:15

Ezioku kẹ m rị a gwa ụnụ, o sikọ d'a ka obodo hụ njọ karị alị Sodọm lẹ Gomora Ụhụọhịn Ikin-ikpe.

Matiu 25:46

Ogẹn ahụn, e shi wẹ d'a tama afụnfụn itẹbitẹ, kanị ndị ezi-omumẹ e shi ndụn itẹbitẹ.”

Makị 16:16

Onyẹ hụn kwerini, e mẹ wẹ ẹ mirin-Chuku, jẹnkọ d'e nwọn nzụọpụha; kalẹ, onyẹ kwerilẹni, ikpe jẹnkọ d'a ma a.

Luku 2:30

makẹni e gigụọ m ẹnya m hụn nzụọpụha ị,

Jọnụ 1:14

Oku Chuku nọ họnrin ịhịan, sọn ẹnyi biri elu-ụwa. Ẹfọma lẹ ezioku jun imẹ ẹ! Ẹnyi a hụnọlẹ ikpẹn ẹ, ikpẹn akpụ Nwa ohu Chuku-Nẹdi mụ rọ.

Jọnụ 10:28

M'e ye wẹ ndụn itẹbitẹ; alakọ wẹ iwi. Onwọnni onyẹ sikọ d'a napụ m wẹ.

Jọnụ 11:24

Mata nọ sị a, “A marịnghọ m n'o jẹnkọ d'e lihi Ụhụọhịn ikpanzụụn ndị nwụnhụnnị e gi lihi.”

Jọnụ 11:25

Ya kẹ Jizọsị nọ sị a, “Mmẹ e weli ndị nwụnhụnnị; mmẹ e ye ndụn. Onyẹ kwerinini m, ọ sụọ n'a nị ọ nwụnhụn anwụnhụn, o sikọ d'a rị ndụn;

Jọnụ 12:45

Onyẹ hụnnị m a hụngụọ onyẹ zihẹni m.

Jọnụ 12:50

A marịnghọ m nị ihiẹn o ku e ye ndụn itẹbitẹ. Ya wụ, ihiẹn Chuku-Nẹdi sị m ku kẹ m'e kuchanrịn.”

Jọnụ 14:17

Mmọn-nsọ a ghọsị ezioku rọ; ụwa as'ẹka nabanhan a makẹni ụwa ara hụn a, ụwa amarịn a. Kanị ụnụ a marịnghọ a, makẹni o sọn ụnụ nọdị, o k'e bisọnmẹ imẹ ụnụ.

Jọnụ 14:19

“Ọ họdụ ẹkẹrẹ nị ụwa hụnbehi m; kanị ụnụ nwẹn k'a gha a hụn m. Makẹni m rị ndụn, ụnụ nwẹn k'a rịzị ndụn.

Jọnụ 17:2

nọkẹ kẹ i dọn bu ịhịan ile che okpuru ẹ kẹni o ye ndị ile i ye ẹ ndụn itẹbitẹ.

Jọnụ 3:36

Onyẹ hụn kwerini Nwa Osolobuẹ nwọn ndụn itẹbitẹ; onyẹ kwerilẹnini Nwa Osolobuẹ ahụnkọ ndụn; kama, iwe-lẹ-ọnụma kẹ Osolobuẹ k'e gi sọn ẹ.”

Jọnụ 4:14

Kanị onyẹ ra mirin m jẹnkọ d'e ye ẹ, onwọnni ogẹn ẹgụn mirin e gizi gụn a elu-ụwanị, mirin hụ k'e họnrindẹ isi-mirin imẹ hụnyẹ, a mụpụhan'a ndụn itẹbitẹ.”

Jọnụ 5:24

“M rị a gwa ụnụ ezioku, nị onyẹ nụ oku m kweyeni onyẹ zihẹni m, hụnyẹ e nwọngụọ ndụn itẹbitẹ. Amakọ w'a ikpe, kama, ọ ghagụọdẹ ọnwụn banye ndụn.

Jọnụ 6:27

Egizilẹ ni ufiri ihiẹn-oriri e wiwini a rụngbu enwẹn ụnụ, kanị ihiẹn-oriri hụn sikọ d'a rị jẹnrin ejẹn, e ye ndụn itẹbitẹ, ihiẹn-oriri ahụn Nwa nke Ịhịan jẹnkọ d'e ye ụnụ, makẹni Nwa nke Ịhịan kẹ Chuku-Nẹdi tumẹ.”

Jọnụ 6:39

Ọnwan wụ uche onyẹ zihẹni m: nị onwọnni akpụ onyẹ ohu o ye m jẹnkọ d'e hunahịnnị m, kama, nị m k'a gha ọnwụn weli wẹ Ụhụọhịn ikpanzụụn;

Jọnụ 6:44

Onwọnni onyẹ k'a s'ẹka bịa d'e kunrun m mmanị Chuku-Nẹdi zihẹni m dọha a; m k'e weli hụnyẹ Ụhụọhịn ikpanzụụn.

Jọnụ 6:54

Onyẹ hụn ri ẹhụ m, ra ẹdeke m, e nwọngụọ ndụn itẹbitẹ; m sikọ d'e weli ẹ Ụhụọhịn ikpanzụụn.

Jọnụ 8:56

Ọ rịkẹnmẹkẹ nẹdi ụnụ kanị wụ Ebraham n'ọ hụn ogẹn m; ogẹn o gi hụn a, ẹfọ nọ sụọ a ụsụọ.”

Ndị Rom 5:21

n'ọ wụrụ nị kẹ njọ dọn gi ọnwụn kị ẹrịra kẹ ẹfọma Osolobuẹ k'e dọnzi gi ezi-omumẹ ọ rị e ye ịhịan kị — gi ẹrịra mẹ ịhịan nwọnhẹn ndụn-itẹbitẹ ghahanị Di-nwọnni-ẹnyi wụ Jizọs Kraịstị.

Ndị Rom 6:23

Makẹni, ụgwọ njọ wụ ọnwụn, kanị ihiẹn-ọfẹ Osolobuẹ e ye wụ ndụn itẹbitẹ hụn rị imẹ Jizọs Kraịstị Di-nwọnni-ẹnyi.

Ndị Kọrẹntị Nke Ẹbụọ 4:6

Makẹni, Osolobuẹ hụn sị, “Ukpẹ ya nwunmẹ ebe ishi rị” e nwun nwangụọ nwan imẹ obi ẹnyi hụn ẹnyi gi saẹka legha ọghọ Osolobuẹ ihun Kraịstị.

Hibru 11:1

Okukwe wụ igi ẹ dọn n'i k'e nwọnhẹn ihiẹn ị rị a tụ ẹnya a; igi ihiẹn dọn, bụ y'a rịnị e legha a.

Hibru 11:27

Okukwe k'o gi gha Ijiptu pụ, o gini egun ihiẹn Fẹro k'e mẹ ẹ nọdị, kama, o dinsọnmẹ ndidin nọkẹ sị ọ rị e legha Onyẹ ahụn wẹ ghalẹni e legha.

Pita Ibuzọ 1:8

Ihiẹn Jizọsị rị nwan a sụọ ụnụ, ọsụọn'a nị ụnụ eleghatun'ẹ; ụnụ kwerin'ẹ, ọsụọn'a nị ụnụ arị nwan e legha a; ụnụ hụ nwan a ghọghọ ọda-ọda, okẹn ịghọghọ ọnụ ghalẹni a s'ẹka a kọwa,

Jọnụ Ibuzọ 2:25

o kweọlẹ ẹnyi nkwa ndụn itẹbitẹ.

Judu 1:21

E dọnmẹ ni enwẹn ụnụ hụn ihiẹn ụnụ e gi a sụọ Osolobuẹ, kẹ ụnụ dọn rị e che omikẹn Di-nwọnni-ẹnyi wụ Jizọs Kraịstị, hụn k'e wẹhẹni ụnụ ndụn itẹbitẹ.