Jọnụ 6:38 - Ika

³⁸ Makẹni, aghanị m elu-igwee bịa d'e mẹ uche m, kanị uche onyẹ hụn zihẹni m.

Jọnụ 6:38 ပူးပေါင်းရင်းမြစ်များ

Azaya 53:10

kanị ọ sụọ Osolobuẹ n'o mẹshi ẹ ikẹn, mẹ ẹ ta afụnfụn. Ọsụọn'a n'o gi ndụn a chụn ẹjan-njọ, ọ k'a hụn ụmụ a; o k'a tọ. Uche Osolobuẹ k'a nọ ẹka a gha ihun.

Matiu 20:28

nọkẹ kẹ mmẹ Nwa nke Ịhịan dọn bịa, ẹlẹ ni wẹ gbanị m odibo, kama, kẹni m gba odibo, yezikwọ ndụn m, gi ẹ gbapụha ndị bu ọda.”

Jọnụ 3:13

Onwọnni onyẹ jẹntu elu-igwee wezụka onyẹ hụn gha elu-igwee bịa — mmẹ Nwa nke Ịhịan.

Jọnụ 3:17

Ẹlẹ ikpe kẹ Osolobuẹ zi Nwa a d'a ma ndị rị ụwa, o zi ẹ kẹni wẹ gha ẹka a nwọnrin nzụọpụha.

Jọnụ 3:31

“Onyẹ gha elu-igwee bịa ka ịhịan ile; onyẹ gha elu-ụwa bịa gha elu-ụwa bịa, o ku oku ihiẹn rị elu-ụwa. Hụn gha elu-igwee bịa ka ịhịan ile.

Jọnụ 4:34

Jizọsị nọ sị wẹ, “Ihiẹn-oriri m wụ imẹ uche onyẹ zini m lẹ ịrụnchanrịn ọrụn a.

Jọnụ 5:19

Jizọsị nọ sị wẹ, “Ezioku kẹ m rị a gwa ụnụ, Nwa asaẹka gi uche ẹ mẹ ihiẹn ọwụlẹ — mmanị ihiẹn ọ hụn Chuku-Nẹdi rị e mẹ; makẹni ihiẹn Chuku-Nẹdi mẹ kẹ Nwa a nkẹ e mẹ.

Jọnụ 5:30

“Asa m ẹka gi ikẹn m mẹ ihiẹn ọwụlẹ. M hụ a nụ ihiẹn Osolobuẹ rị a gwa m, e gi ẹ a han eṅẹn; ya wụ, ezigbo eṅẹn kẹ m'a han, makẹni arị m e mẹ uche m, kalẹ uche onyẹ zihẹni m.

Jọnụ 6:29

Jesu nọ sị wẹ, “Ọnwan wụ ọrụn Osolobuẹ: ikwerini onyẹ hụn o zihẹ.”

Jọnụ 6:33

Makẹni brẹdi Osolobuẹ wụ onyẹ hụ gha elu-igwee bịa, hụn rị e ye ụwa ndụn.”

Jọnụ 6:42

Wẹ hụ a sị, “Ẹlẹ Jesu nwa Josẹfụ wụ ọnwan, hụn ẹnyi marịn ndị mụn'a? Nanị o dọn nwan a sị, ‘M gha elu-igwee bịa?’ ”

Jọnụ 6:57

“Kẹ m dọn rị ndụn makẹni Chuku-Nẹdi zihẹni m rị ndụn, ẹrịra kẹ onyẹ hụn rini m k'a dọn rị ndụn makẹni m rị ndụn.

Ndị Rom 15:3

Makẹni Kraịstị emẹni k'ọ sụọ a; o mẹhụ ihiẹn hụ Ẹkụkwọ-nsọ ku, nị, “Mkpari ahụn wẹ kpari i, mmẹ gi isi buru ẹ.”

Ndị Ẹfẹsọsụ 4:9

(Ogẹn Ẹkụkwọ-nsọ gi sị, “Ọ lashi elu,” k'o gi nwan “Ọ lashi elu” e ku? Ya wụ n'o buzọ hidangụ, shi ebẹhụ kachanrịn e mi imẹ alị.

Hibru 5:8

Ọsụọn'a nị nwa a rọ, afụnfụn k'o gi mụrụn ihumẹ-isi.