Jọnụ 6:31 - Ika

³¹ Ndị nẹdi ẹnyi kanị ri mana imẹ atụ; ya kẹ wẹ de imẹ Ẹkụkwọ-nsọ, sị, ‘O ye wẹ brẹdi gha elu-igwee bịa ri.’ ”

Jọnụ 6:31 ပူးပေါင်းရင်းမြစ်များ

Nehemiah 9:15

Ẹgụn a gụnma wẹ, ị nọ ye wẹ ihiẹn-oriri gha elu-igwee bịa; ẹgụn mirin a gụnma wẹ, ị nọ gha ọmụma wepụhanị wẹ mirin. Ị nọ sị wẹ banye d'e weri alị hụ i kun enwẹn i n'i sikọ d'e ye wẹ.

Nehemiah 9:20

Y'e yeghọ wẹ ezi Mmọn ị n'ọ kuzi wẹ; y'a jụnị nị y'e yekọ wẹ mana ị; y'e yeghọ wẹ mirin ebe ẹgụn mirin nọ gụn wẹ.

Ẹbụ-ọma 105:40

A rịọ w'a, o zihẹni wẹ nnụnụ wụ kwẹlụ, yezi wẹ brẹdi gha elu-igwee bịa mmagi-mmagi.

Ọpụpụ 16:35

Ndị Izrẹlụ ri mana ahụa ọgụnnaị: wẹ ri ẹ d'e ru ni e ru wẹ alị wẹ biri; mana kẹ wẹ ri e we wẹ ru mkpẹnrẹn alị Kenaanị.

Jọnụ 6:32

Ya kẹ Jizọsị nọ sị wẹ, “Ezioku kẹ m rị a gwa ụnụ, ẹlẹ Mozizi ye ụnụ brẹdi gha elu-igwee bịa; Nẹdi m rị e ye ụnụ ezigbo brẹdi hụ gha elu-igwee bịa.

Jọnụ 6:49

Ndị nẹdi ụnụ kanị ri mana hụ wẹ ri imẹ atụ, kanị, a nwụnhụnghọ wẹ.

Jọnụ 6:58

Ọnwan wụ brẹdi gha elu-igwee bịa; ọ nọnị kẹ hụn ndị nẹdi ụnụ kanị ri, kanị a nwụnhụnkwọ wẹ. Onyẹ ri brẹdini, o jẹnkọ d'a rị ndụn jẹnrin ejẹn.”

Ndị Kọrẹntị Ibuzọ 10:3

Wẹ ile e rizighọ ihiẹn-oriri ahụn gha elu-igwee bịa;

Ditrọnọmi 8:3

O gi ẹgụn welụa ụnụ isi alị, yemẹ ụnụ mana ri, ihiẹn ụnụ lẹ ndị nẹdi ụnụ marịnlẹni, kẹn'o gi ẹ kuzi ụnụ nị ẹlẹ ihiẹn-oriri sụọ kẹ ịhịan gi a rị ndụn kanị ihiẹn ile gha Osolobuẹ ọnụ pụha.

Joshụa 5:12

Ọ rịhụ hụn wẹ ri ihiẹn-oriri rị alị ahụn, eki e fọn, mana adanzịnị; ihiẹn rị alị Kenaanị kẹ wẹ richanrịn ahụa hụ.

Rẹvẹleshọnụ 2:17

Onyẹ nwọn ntịn ya nụ ihiẹn Mmọn-nsọ rị a gwa ụka rị ichẹn-ichẹn! Onyẹ hụ mẹrini kẹ m jẹnkọ d'e ye mana hụ zuerini. M k'e yezikwọ a ọmụma ọchan hụ wẹ deye ẹfan ọhụn hụn o mẹ ni onyẹ wẹ ye ẹ sụọ k'a saẹka marịn a.