Jọnụ 5:39 - Ika

³⁹ “Ụnụ a mụ Ẹkụkwọ-nsọ a mụshi ẹ ikẹn, makẹni ụnụ ro ni imẹ ẹ kẹ ụnụ a gha nwọn ndụn-itẹbitẹ; bụ Ẹkụkwọ-nsọ hụ rị a shịanị m ẹri,

Jọnụ 5:39 ပူးပေါင်းရင်းမြစ်များ

Ẹbụ-ọma 1:2

Kanị, Iwu Osolobuẹ nwọn a sụọ a — iwu Osolobuẹ kẹ obi ẹ rịchanrịn uhinhin lẹ efinnaị.

Ẹbụ-ọma 119:11

E bugụọ m ihiẹn i ku che obi m, amamgbe m'e mẹ i njọ.

Ẹbụ-ọma 133:3

Ọ nọ kẹ ebe igirigi hụn ziẹntọ Ugu Hẹmọnụ rị e ziẹnye Ugu Zayọnụ, ebẹhụ Osolobuẹ sị ngọzi ẹ k'a rị, ngọzi hụn wụ ndụn itẹbitẹ.

Ẹbụ-ọma 16:11

Y'a ghọsị m ụzọ ndụn; e ye m ịghọghọ zu oke ebe ị rị; ihiẹn a sụọ ụsụọ ghalẹni a gụ rị ẹka-nni i.

Ẹbụ-ọma 21:4

Ọ rịọ ị dọnmẹ ẹ ndụn, ị nọ dọnmẹ ẹ ndụn — ye ẹ isi-nka, kẹni o rị jẹnrin-ejẹn.

Ẹbụ-ọma 36:9

Makẹni ịyụ gi isi-mirin e ye ndụn; ukpẹ i kẹ ẹnyi gi e legha ụzọ.

Itẹn 6:23

Makẹni ihiẹn ọ sị ị mẹ wụ ukpẹ wẹ mụyen'i; nkuzi hụ wụ ukpẹ; njụgbọ wẹ gi a zụn ịhịan wụ ụzọ ndụn —

Azaya 34:16

Chọ ihiẹnni imẹ Ẹhụhụọ Osolobuẹ, y'a gụn a: Onwọnni akpụ anụ ohu imẹ ndịnị hụn jẹnkọlẹni d'a rị a; onwọnni hụn ya lẹ okẹn ẹ jẹnkọlẹni d'a wị. Makẹni, ọnụ Osolobuẹ e kuọlẹ n'o k'a rị ẹrịra — Mmọn Osolobuẹ jẹnkọ d'e wegbama wẹ.

Azaya 8:20

Jẹn ni d'e kunrun Iwu Osolobuẹ lẹ ihiẹn ile ọ gwa ụnụ! Omẹni oku ịhịan gwa ụnụ lẹ Iwu Osolobuẹ a dangbamanị, ịya wụ nị ukpẹ arị imẹ wẹ.

Jerimaya 8:9

Ndịnị ụnụ sị marịn ihiẹn jẹnkọ d'a fa! Ndụn k'a gụ wẹ; wẹ k'a danban ọnyan. Ebe o mẹni a jụgụọ wẹ oku Osolobuẹ, elee amamihiẹn kẹ wẹ nwọnzi?

Daniẹlụ 12:2

Ndị ahụn ile nwụnhụnnị hụn rị imẹ alị jẹnkọ d'e tẹnhin: ndị k'e nwọn ndụn itẹbitẹ lẹ ndị ọzọ k'e nwọn ifẹnrẹn itẹbitẹ.

Matiu 22:29

Kanị Jizọsị nọ za wẹ, sị, “Ụnụ e fiegụọ ụzọ makẹni ụnụ amarịn Ẹkụkwọ-nsọ, ụnụ amarịn kẹ ikẹn Osolobuẹ han.

Makị 10:3

Ọ nọ sị wẹ, “Kị Mozizi sị ụnụ mẹ?”

Makị 12:10

Ụnụ e ke gụntu ẹ imẹ Ẹkụkwọ-nsọ nị ‘Ọmụma hụ ndị rị a tụn ụlọ jụ a wụrụgụọ nwan ọmụma gi ụlọ.

Luku 16:29

“Kanị, Ebraham nọ sị a, ‘E nwọnghọ wẹ Iwu Mozizi lẹ ihiẹn ndị-amụma de; umunẹ i wẹ gọn wẹ ntịn.’

Luku 16:31

Kanị, Ebraham nọ sị a, ‘Omẹni egọnni wẹ ntịn Iwu Mozizi lẹ ihiẹn ndị-amụma de, ekwerikọ wẹ — ọsụọkwọn'a nị ịhịan gha ọnwụn lihi d'a gwa wẹ.’ ”

Luku 24:25

Ya Jizọsị nọ sị wẹ ẹbụbụọ, “Ụnụ e zuzukẹ! Ihiẹn ile ndị-amụma ku imẹ Ẹkụkwọ-nsọ a fụka ụnụ ọrụn okweri!

Luku 24:27

Ya Jizọsị nọ gha ihiẹn Mozizi de imẹ Ẹkụkwọ-nsọ lẹ ihiẹn ndị-amụma ile de kọwachanrịn nị wẹ ihiẹn ile Ẹkụkwọ-nsọ ku banyeni enwẹn ẹ.

Luku 24:44

Ya ọ nọ sị wẹ, “Ihiẹn ndịnị kẹ m gwa ụnụ ogẹn mmẹ lẹ ụnụ gi rị: nị ihiẹn ile wẹ de banyeni m imẹ Iwu Mozizi lẹ imẹ ihiẹn ndị-amụma de lẹ imẹ Ẹbụ-ọma jẹnkọ d'e mẹrịrị.”

Jọnụ 1:45

Filipu a hụn Natanẹlụ, ọ nọ sị a, “Ẹnyi a hụnọlẹ onyẹ hụ Mozizi de imẹ Iwu, onyẹ ahụn wẹ dezikwọ imẹ ẹkụkwọ ndị-amụma — Jesu onyẹ Nazarẹtị nwa Josẹfụ rọ.”

Jọnụ 5:32

O nwọnzighọ onyẹ a shịanị m ẹri. A marịnghọ m nị ẹri ọ shịanị m wụ ezioku.

Jọnụ 5:36

“Kanị m nwọn ẹri hụn ka hụn Jọnụ shịanị m. Ọrụn ndị hụn Nẹdi m ye m rụn, ya wụ ọrụn ndịnị m rị a rụn, wẹ rị a shịanị m ẹri nị Chuku-Nẹdi zihẹ m.

Jọnụ 5:40

kanị ụnụ achọnị nwan nị ụnụ bịa d'e kunrun m kẹni ụnụ nwọnrin ndụn.

Jọnụ 5:46

Makẹni, omẹni ụnụ te gi oku Mozizi dọn, nkẹ ụnụ e gi oku m dọn, makẹni mmẹ kẹ Mozizi de banyeni.

Jọnụ 7:52

Wẹ nọ shịarị a, sị, “Yụ nwẹn wụdẹ nwan onyẹ Galili ra? D'a mụ Ẹkụkwọ-nsọ n'ị marịn nị onwọnni onyẹ-amụma wụ onyẹ Galili.”

Ọrụn Ndị-ozi 13:27

Kanị, makẹni ndị bi Jerusalẹm lẹ ndị-isi wẹ aghọtanị ihiẹnni lẹ oku ndị-amụma w'a gụn Ụhụọhịn Ezumikẹn ile, wẹ nọ gbu ẹ, oku ndị hụ nọ gha ẹka wẹ bụn.

Ọrụn Ndị-ozi 17:11

Ndị Ju rị Bẹrịa ka obi a shịapụ karị ndị rị Tẹsalonika. Makẹni, wẹ gichanrịn obi wẹ ile nabanhan oku Di-nwọnni-ẹnyi, e leban ẹnya Ẹkụkwọ-nsọ ụhụọhịn ile nị wẹ marịn kẹ ihiẹn ndị hụ Pọlụ ku wụ ezioku.

Ọrụn Ndị-ozi 26:27

Agripa Agụ, y'e kwerighọ ihiẹn ndị-amụma ku? A marịnghọ m nị y'e kwerighọ.”

Ndị Rom 1:2

Oziọma Osolobuẹ kwe nkwa a ẹdẹi imẹ Ẹkụkwọ-nsọ ghahanị ndị-amụma a rọ.

Ndị Rom 3:2

O bukẹkwọ! Nke ibuzọ, ndị ju kẹ Osolobuẹ buche oku gha a ọnụ pụha ẹka.

Ditrọnọmi 18:15

Osolobuẹ wụ Chuku ụnụ k'a gha imẹ umunẹ ụnụ wepụhanị ụnụ onyẹ-amụma nọ kẹ mmẹ; ụnụ k'e gọnrịrị onyẹ-amụma ahụn ntịn.

Ditrọnọmi 18:18

M k'a gha imẹ ndị nke wẹ wepụhanị wẹ onyẹ-amụma nọ kẹ ịyụ; m k'e bu oku m che ẹ ọnụ, ọ gwachanrịn wẹ ihiẹn ile m gwa a.

Ditrọnọmi 29:29

Ihiẹn ndị zuerini wụ nke Osolobuẹ wụ Chuku ẹnyi, kanị ihiẹn ndị pụha ifọn wụ nke ẹnyi lẹ ụmụ ẹnyi jẹnrin-ejẹn, nị ẹnyi hụn ụzọ sọn oku ile rị imẹ iwuni.

Ditrọnọmi 32:47

Ẹlẹkwọ wẹ oku mmaka kaka: ndụn ụnụ kẹ wẹ wụ. Uwẹ kẹ ụnụ e gi tọ imẹ alị ahụn ụnụ fetukọ iyi Jọdanị d'e weri.”

Ndị Kolosị 3:16

A nị nị oku Kraịstị a rị imẹ ndụn ụnụ ọda-ọda. E gi ni amamihiẹn lẹ akọ-lẹ-uche ile a kuzi ibe ụnụ, a dụn wẹ ọdụn; e gi obi rị a kpanmịn Osolobuẹ a bụnị Osolobuẹ ẹbụ-ọma rị Ẹkụkwọ-nsọ lẹ ẹbụ-ofufe lẹ ẹbụ-nsọ.

Hibru 11:16

Kanị, ẹnya wẹ rị alị ka mma, hụn rị elu-igwee. Ya haịn ifẹnrẹn gilẹni e mẹ Osolobuẹ ịza Chuku wẹ, makẹni o nwọnghọ obodo ọ kwademẹni wẹ nke-esi.

Hibru 11:35

ikpoho e gighọdẹ okukwe nwọnhẹnzi ndị nke wẹ nwụnhụngụnị. O nwọnzighọ ndị wẹ mẹshi ikẹn ọda-ọda, kanị okukwe kẹ wẹ gilẹni kweri mẹ ihiẹn wẹ sị wẹ mẹ nị wẹ hatu wẹ, makẹni wẹ gi ẹ dọn ni wẹ sikọ d'a gha ọnwụn lihi, nwọnrin ndụn ka mma.

Joshụa 1:8

Anịlẹ Ẹkụkwọ Iwuni gha ị ọnụ pụ; e ro ẹ, e gi ẹ a ta ẹtụ efinaị lẹ uhinhin, kẹn'i hụn ụzọ dọnrin ẹnya e mẹ ihiẹn ile wẹ deye imẹ ẹ. Ya kẹ y'a nọ gha ihun, ihiẹn i buche ẹka a bọ ị ọhụnma-ọhụnma.

Rẹvẹleshọnụ 19:10

Ya m nọ gbu osekpu ụkụ a kẹni m kụn'a isi alị. Kanị, ọ nọ sị m, “Emẹkwọlẹ a! M wụhụ odibo nọkẹ yụ lẹ umunẹ i, ndị ile kwọndọn oku Jesu. Kụ nị Osolobuẹ sụọ isi alị, makẹni ozi Jesu wụ nkọwa ihiẹn ile ndị-amụma ku.”