Jọnụ 5:37 - Ika

³⁷ “Chuku-Nẹdi lẹ enwẹn ẹ hụn zihẹni m a shịagụọnị m ẹri. Ụnụ anụtuni olu ẹ; ụnụ ahụntuni k'ọ nọ;

Jọnụ 5:37 ပူးပေါင်းရင်းမြစ်များ

Ọpụpụ 20:19

sị, Mozizi, “Dodo, gi ọnụ ị gwa ẹnyi oku, nị ẹnyi gọnghọ ntịn. Osolobuẹ ya dodo egilẹ ọnụ a gwa ẹnyi oku, amamgbe ẹnyi a nwụnhụn!”

Azaya 26:10

Ọsụọn'a wẹ mẹni ndị eje-omumẹ ọhụnma, w'a ra gi ẹ mụrụn ezi-omumẹ — kẹ imẹ alị ezi-omumẹ, w'e mẹsọnmẹzikwọ eje-ihiẹn, arị wẹ e legha ọghọ Osolobuẹ ọsụọn'a nị ọ pụhachanrịn ifọn imẹ igunrun wẹ.

Matiu 17:5

Ebe ọ rị e ku ihiẹnni, orukpu rị e gbukeni nọ kpumẹ wẹ idẹnmizi. Olu nọ gha imẹ orukpu hụ sị, “Ọnwan wụ ezi Nwa m hụn ihiẹn ẹ a sụọ m; gọn n'ẹ ntịn!”

Matiu 3:17

Ya kẹ olu nọ gha elu-igwee sị, “Ọnwan wụ ezi Nwa m, hụn ihiẹn ẹ a sụọ m ọhụnma-ọhụnma.”

Makị 1:11

Ya olu nọ gha elu-igwee sị, “Ịyụ wụ ezi Nwa m; ihiẹn i a sụọka m.”

Luku 24:27

Ya Jizọsị nọ gha ihiẹn Mozizi de imẹ Ẹkụkwọ-nsọ lẹ ihiẹn ndị-amụma ile de kọwachanrịn nị wẹ ihiẹn ile Ẹkụkwọ-nsọ ku banyeni enwẹn ẹ.

Luku 3:22

Mmọn-nsọ nọ gi ẹhụ nduru hidan, bekwasị a. Olu nọ gha elu-igwee sị, “Ịyụ wụ ezi Nwa m; ihiẹn i a sụọka m.”

Jọnụ 1:18

Onwọnni onyẹ hụntu Osolobuẹ, kanị akpụ Nwa ohu ọ mụ sụọ, hụn wụ Osolobuẹ, hụn ya lẹ Nẹdi ẹ rị, e mẹgụọ ẹnyi marịn Osolobuẹ.

Jọnụ 14:9

Jesu nọ sị a, “Filipu, hụnnị ile mmẹ lẹ ụnụ rị, y'e ke marịn m? Onyẹ hụnnị m a hụngụọ Chuku-Nẹdi. K'ị rị a sịnị, ‘Ghọsị ẹnyi Chuku-Nẹdi’?

Jọnụ 15:24

Omẹni ete rụnnị m ihiẹn wẹ rụntulẹni imẹ igunrun wẹ, ikpe eke ma wẹ; kanị, a hụnchanrịngụọ wẹ nwan ọrụn-atụmẹnya ndị m rụn — bụ ize mmẹ lẹ Nẹdi m hụ e ze wẹ.

Jọnụ 5:32

O nwọnzighọ onyẹ a shịanị m ẹri. A marịnghọ m nị ẹri ọ shịanị m wụ ezioku.

Jọnụ 6:27

Egizilẹ ni ufiri ihiẹn-oriri e wiwini a rụngbu enwẹn ụnụ, kanị ihiẹn-oriri hụn sikọ d'a rị jẹnrin ejẹn, e ye ndụn itẹbitẹ, ihiẹn-oriri ahụn Nwa nke Ịhịan jẹnkọ d'e ye ụnụ, makẹni Nwa nke Ịhịan kẹ Chuku-Nẹdi tumẹ.”

Jọnụ 8:18

M rị a shịanị enwẹn m ẹri; Nẹdi m hụn zihẹni m rịzịkwọ a shịanị m ẹri.”

Ditrọnọmi 4:12

Osolobuẹ nọ gha imẹ ọkụn ahụn gwa ụnụ oku. Olu ẹ kẹ ụnụ nụ, onwọnni ihiẹn ọwụlẹ ụnụ hụn ụnụ e gi sị “Lee kẹ Osolobuẹ nọ.” Olu sụọ kẹ ụnụ nụ.

Timoti Ibuzọ 1:17

Eze Itẹbitẹ kẹ Osolobuẹ wụ! Eze ghalẹni a nwụn! Onyẹ wẹ ghalẹni e legha ẹnya! Chuku ohu sụọ rịnị! Mgbaye lẹ ọjịja-mma ya rịn'a jẹnrin ejẹn! Isẹẹ!

Timoti Ibuzọ 6:16

Ịya sụọ wụ onyẹ ghalẹni a nwụnhụn; Onyẹ hụn bi imẹ ukpẹ wẹ ghalẹni a s'ẹka a nọkunmẹ; Onyẹ ịhịan leghatulẹni hụn ịhịan jẹnkọlẹni d'a s'ẹka legha! Mgbaye lẹ ọkịkị itẹbitẹ wụ nke ẹ jẹnrin ejẹn! Isẹẹ.

Jọnụ Ibuzọ 4:12

Onwọntuni onyẹ gi ẹnya a hụn Osolobuẹ, kanị omẹni ẹnyi nwọn ihiẹn-ọsụsụọ ibe ẹnyi, ya wụ nị Osolobuẹ bi imẹ ẹnyi, ihiẹn-ọsụsụọ a zuzikwọ oke imẹ ẹnyi.

Jọnụ Ibuzọ 4:20

Omẹni ịhịan sị, “M nwọn ihiẹn-ọsụsụọ Osolobuẹ,” bụ ọ hụ e ze ize ibe ẹ, onyẹ-ntụ k'ọ wụ. Makẹni, omẹni ịhịan enwọnni ihiẹn-ọsụsụọ ibe ẹ hụn ọ rị e legha, ọ sakọ ẹka nwọn ihiẹn-ọsụsụọ Osolobuẹ o leghatulẹni.

Jọnụ Ibuzọ 5:9

Omẹni ẹnyi e gi ẹri ịhịan shịa e dọn, hụn Osolobuẹ shịa kadẹ ezioku a wụ. Osolobuẹ ahụn a shịagụọnị Nwa a ẹri.