Jọnụ 5:28 - Ika

²⁸ Anịlẹ ni ọnwan tụ ụnụ ẹnya, makẹni ogẹn lala hụn ndị ile rị imẹ ili jẹnkọ d'e gi nụ olu ẹ,

Jọnụ 5:28 ပူးပေါင်းရင်းမြစ်များ

Azaya 26:19

Kanị, ndị nke i nwụnnị jẹnkọ d'a rịzị ndụn; ozun wẹ k'e lihi. Ụnụ ndị rị nwan imẹ alị, tẹnhin ni yimẹ oro ịghọghọ! Igirigi lalanịnị ụnụ rị kẹ igirigi ụtụntụn, alị k'e gi ẹ mụpụha ndị nwụnnị rịn'a.

Daniẹlụ 12:2

Ndị ahụn ile nwụnhụnnị hụn rị imẹ alị jẹnkọ d'e tẹnhin: ndị k'e nwọn ndụn itẹbitẹ lẹ ndị ọzọ k'e nwọn ifẹnrẹn itẹbitẹ.

Hosia 13:14

Nị m gbapụha wẹ nwan ẹka ọnwụn? Nị m gbapụha wẹ nwan ẹka ili! Ọnwụn! Wẹhẹchanrịn ihiẹn ile i gi e gbu! Alị-mmọn! Wẹhẹchanrịn ihiẹn ile i gi e tikpọ! Emẹkọzị m omikẹn ndịnị!

Jọnụ 3:7

Y'a tụlẹ i ẹnya nị m sị, ‘Wẹ sikọ d'a mụdọnzigụrịrị ụnụ.’

Jọnụ 4:21

Jesu nọ sị a, “Okpoho, kweri ihiẹn m rị e ku: ogẹn lala, hụn ụnụ jẹnkọlẹni d'a nọzị kẹ elu uguni kẹ imẹ Jerusalẹm fe Chuku-Nẹdi.

Jọnụ 4:23

Ogẹn laladẹ, ẹghẹẹ, o rugụọdẹ nwan, hụn ndị e fe ezigbo ofufe k'e gi fe Chuku-Nẹdi ofufe imẹ-mmọn lẹ nke ezioku. Makẹni ndị hụn e fe ẹrịra kẹ Chuku-Nẹdi chọkọ.

Jọnụ 5:20

Makẹni ihiẹn Nwa a a sụọ Chuku-Nẹdi, o ye Nwa a ikẹn a rụn ihiẹn ile Nwa a rị a rụn. O k'e yedẹ ẹ ikẹn rụn hụn ka ndịnị, kẹni ọ tụ ụnụ ẹnya.

Jọnụ 5:25

“Ezioku kẹ m rị a gwa ụnụ, ogẹn lala — o rụgụọdẹ nwan — ogẹn ndị nwụnnị k'e gi nụ olu Nwa Osolobuẹ, ndị nụn'a a rị ndụn.

Ọrụn Ndị-ozi 24:15

Ihiẹn ohu hụ ndịnị rị e lee ẹnya a ẹka Osolobuẹ kẹ mmẹ nwẹn rịzị e lee ẹnya a: nị ndị nwụnhụnnị jẹnkọ d'e lihi, kẹ ndị ezi-omumẹ kẹ ndị njọ.

Ọrụn Ndị-ozi 3:12

Ogẹn Pita gi hụn ihiẹnni, ọ nọ sị ndị ahụn, “Ndị Izrẹlụ, kị ihiẹnni rị a tụnị ụnụ ẹnya? Kị ụnụ gbanị ẹnyi ilee nọkẹ sị ikẹn ẹnyi mọbụ ezi-omumẹ ẹnyi kẹ ẹnyi gi mẹ okẹnnyẹni jẹnmẹ ijẹn?

Ndị Kọrẹntị Ibuzọ 15:22

Makẹni, kẹ ịhịan ile dọn a nwụnhụn makẹni wẹ lẹ Adam wụ ohu, ẹrịra kẹ ịhịan ile a dọn gha ọnwụn lihi makẹni wẹ lẹ Kraịstị wụ ohu.

Ndị Filipi 3:21

O k'e nwọnhutọ ẹhụ ẹnyi ndịnị ụya e ri, a nọ wẹ kẹ ẹhụ a ọghọ jun; ikẹn ẹ ahụn o gi a saẹka e bu ihiẹn ile e che okpuru ẹ k'o sikọ d'e gi mẹ ẹ.

Rẹvẹleshọnụ 20:12

M nọ hụn ndị nwụnhụnnị kẹ wẹ turu nwan ihun ukpo-eze hụ, kẹ onyẹ-uku kẹ onyẹ-nta. E kpupụsọnmẹ wẹ ẹhụhụọ bu ọda; ya wẹ nọzị kpupụ ẹhụhụọ ọzọ, hụn wụ ẹkụkwọ ndụn-itẹbitẹ. Wẹ nọ gi ihiẹn wẹ detọsọnmẹ imẹ ẹhụhụọ ndị hụ kin onyẹ-onyẹ ikpe ihiẹn o mẹ.