Jọnụ 5:2 - Ika

² Imẹ Jerusalẹm, ọ nwọn ọgọdọ wẹ rụnye ẹhụ Ọnụ-mgbọn Atụnrụn. W'a kpọ ọgọdọ hụ Bẹtẹsida ọnụ Hibru. O nwọn ẹworo isẹn wẹ kpu elu wẹ.

Jọnụ 5:2 ပူးပေါင်းရင်းမြစ်များ

Nehemiah 12:39

ẹnyi nọ ghafe Ọnụ-mgbọn Ifrem, Ọnụ-mgbọn Jẹshana, Ọnụ-mgbọn Azụn, Ụlọ-nche Hananẹlụ lẹ ụlọ-nche ẹnyi a kpọ Ụlọ-nche “Ọgụn-isẹn”; ẹnyi nọ jẹnsọnmẹ d'e ru Ọnụ-mgbọn Atụnrụn. Ẹnyi e ru Ọnụ-mgbọn Ndị-nche, itu-ẹbụ ẹnyi lẹ wẹ wị nọ kụsị.

Nehemiah 3:1

Ya onyẹ-isi nchụn-ẹjan wụ Ẹliashibu lẹ ndị nchụn-ẹjan ibe ẹ nọ ban ọrụn, dọnzi Ọnụ-mgbọn Atụnrụn. Wẹ nọ dọn ẹ nsọ, yikin ẹ, dọnzi ẹ d'e rukwọrị Ụlọ-nche “Ọgụn-isẹn,” dọnzi ẹ d'e ru Ụlọ-nche Hananẹlụ.

Nehemiah 3:32

Ndị ọzọ a kpụ goru lẹ ndị-afịa wị dọnzi ẹgbata mmughẹ hụ rị ibe elu mgbugi hụ lẹ Ọnụ-mgbọn Atụnrụn.

Azaya 22:11

Ụnụ e gu ọmị ye ẹgbata mgbọn ẹbụbụọ rị Jerusalẹm, dọha mirin rị Ọgọdọ Akan ye imẹ ẹ kẹni ụnụ hụn mirin — kanị ụnụ egikọ Osolobuẹ hụn mẹ ihiẹn gi rị k'ọ rị dọn ẹnya; ẹnya ụnụ eshikọ Onyẹ hụn rotọ ihiẹn rị e mẹ ogẹnni ẹdẹi.

Azaya 22:9

Ụnụ k'e leban ẹnya ebe ile mgbọn Obodo Defidi wụ Zayọnụ nọ tikpọ; ụnụ a gha Ọgọdọ-mirin rị ibe alị dọrị mirin dọnmẹ.

Jọnụ 19:13

Ya kẹ Paịleti nọ gi ufiri oku ndịnị wepụha Jizọsị ihun-ezi, nọdị alị elu Oche Okinkin-ikpe elu Mgbankpo w'a kpọ “Mgbankpo Ọmụma.” (“Gabata” kẹ w'a kpọ a ọnụ Hibru, asụsụ ndị Ju).

Jọnụ 19:17

Ọ nọ buru obe ahụn wẹ sikọ d'e gi kpọgbu ẹ buli, gha imẹ obodo ahụn pụ, shi ebe w'a kpọ “Ebe-Okpokomisi.” (“Gọgọta kẹ w'a kpọ a ọnụ Hibru, asụsụ ndị Ju.”)

Jọnụ 19:20

Ndị bu ọda gụn a, makẹni ebahụn wẹ nọ kpọgbu Jesu nọkunmẹ imẹ obodo hụ lẹzi ni wẹ gi asụsụ ndị Ju wụ Hibru lẹ asụsụ ndị Rom lẹ asụsụ Griki alị ichẹn-ichẹn a sụ ogẹn hụ de ẹ.

Jọnụ 20:16

Jizọsị nọ hị a, “Meri!” Meri nọ gbehutọ buchanrịn ihun zinmẹ ẹ, gi asụsụ Hibru hị a, “Raboni!” (Ọnụ ndị Ju Raboni wụ Onyẹ-nkuzi)

Jọnụ 5:3

Ndị bu ọda emu rị a kụ e dinẹsọnmẹ ẹworo ndị hụ: kẹ ndị ẹnya-ishi kẹ ndị ngụrọ kẹ ndị ọrọ kinmin, e che ni wẹ mẹhunmẹ mirin ọgọdọ hụ.

Jọnụ 7:21

Jesu nọ sị wẹ, “Akpụ ihiẹn ohu m rụn kẹ ụnụ ile rị e mẹni ẹnịna nọkẹ sị ahụnlele rọ.

Ọrụn Ndị-ozi 21:40

Hụn onyẹ-isi agha kanị gi ye ẹ efe ku, Pọlụ nọ wuzo elu mgbanyinrin hụ, fe ẹka ni wẹ gba nkịtịn. A gba wẹ nkịtịn, Pọlụ nọ gi asụsụ wẹ wụ Hibru gwama wẹ oku.

Rẹvẹleshọnụ 16:16

Eje-mmọn ẹtọ hụ nọ kpọkwama ndị-nze, wẹ ile nọ zu imẹ ebe w'a kpọ Harụ-Amagidọnụ asụsụ Hibru.

Rẹvẹleshọnụ 9:11

Eze igurube ndịnị wụ eje-mmọn ahụn mgbugbu hụ migbu enwẹn ẹ rị ẹka a. Ndị Hibru a kpọ a Abadọnụ, ndị Griki a kpọ a Apolịọnụ.