Jọnụ 20:19 - Ika

¹⁹ Ẹnyasị ụhụọhịn ahụn wụ ụhụọhịn ibuzọ imẹ izuka, ndị nsọnmazụụn Jesu gi egun ndị-ndu ndị Ju kpọkin enwẹn wẹ ye mmụlọ wẹ rị. Ya Jesu nọ nwọnpụha idẹnmizi, turu imẹ igunrun wẹ, sị, “Udọn ya rịnị ụnụ!”

Jọnụ 20:19 ပူးပေါင်းရင်းမြစ်များ

Ẹbụ-ọma 122:8

Ufiri umunẹ m lẹ ndị-ọwụ m, m sị, “Ya rịnị ị mma!”

Matiu 10:13

Omẹni ndị rị ụlọ hụ e furughọ nke-esi, ụw'ọma ụnụ kele a bọ wẹ; kanị omẹni efuruni wẹ, ụw'ọma ụnụ kele e kinhẹnni ụnụ.

Matiu 18:20

Makẹni ebe ọwụlẹ mmadụ ẹbụọ mọbụ ẹtọ gi ẹfan m zu, mmẹ lẹ wẹ rị ebẹhụ.”

Makị 16:14

Omẹgụzị, Jesu nọ nwọnpụha ebe ndị nsọnmazụụn a mmanaị rị e ri ihiẹn-oriri. Ọ nọ jụgbọ wẹ yeni obi-ẹbụọ wẹ lẹni obi wẹ ze eze, wẹ gilẹni kweri oku ndị hụnn'a n'ọ ghagụọ ọnwụn lihi.

Jọnụ 14:27

“Udọn kẹ m rị a latọnị ụnụ; udọn m kẹ m rị e ye ụnụ — m'a ra ye kẹ ụwa dọn e ye. Anịlẹ ni obi nahịn ụnụ; atụlẹ ni egun.

Jọnụ 16:22

Ẹrịra kẹ ụnụ rị nwan a hụnjun ẹnya; kanị, nị m hụnzịghọ ụnụ; ogẹn hụ, ịghọghọ e jun ụnụ obi; onwọnni onyẹ k'a napụ ụnụ ịghọghọ hụ.

Jọnụ 16:33

A gwagụọ m ụnụ ihiẹn ndịnị kẹni obi gi ufiri m ru ụnụ alị. Imẹ ụwa, ụnụ jẹnkọ d'e nwọn nsọngbu; ka kwọndọn ni obi ụnụ, n'e mẹrigụọ m ụwa!”

Jọnụ 20:21

Ya Jizọsị nọzị nwan sị wẹ, “Udọn ya rịnị ụnụ. M rị nwan e zi ụnụ kẹ Chuku-Nẹdi dọn zi m.”

Jọnụ 20:26

Hụn mẹ ẹ izuka, ebe ndị nsọnmazụụn Jesu rịzị imẹ ụlọ wẹ lẹ Tamọsị; ụzọ kpọkin akpọkin kanị Jesu nọzị nwọnpụha, turu imẹ igunrun wẹ, sị, “Udọn ya rịnị ụnụ.”

Jọnụ 21:1

Ihiẹn ndịnị e mẹgụ, Jesu nọzị nwọnpụha d'e kunrun ndị nsọnmazụụn a mkpẹnrẹn Ohimin Taịberiasị. Ẹnịna k'o dọn mẹ:

Jọnụ 21:14

Ọnwan mẹ ẹ mgbe ẹtọ ndị nsọnmazụụn Jesu hụn a k'ọ ghagụ ọnwụn lihi.

Jọnụ 7:13

Kanị onwọnni onyẹ egun ndị-ndu ndị Ju nị kushi ẹ elu.

Ọrụn Ndị-ozi 1:3

Ogẹn o gi tagụ afụnfụn, nwụnhụngụ, ọ hụ a bịa d'e kunrun ndị-ozi hụ pụ-ichẹn ọrọgbọ akpọhịn ọgụnnaị, e gi ụzọ rị ichẹn-ichẹn a ghọsị wẹ n'ọ ghagụọ ọnwụn lihi, a gwa wẹ oku Alị-eze Osolobuẹ.

Ndị Rom 15:33

Osolobuẹ hụn e ye udọn ya nọyeni ụnụ ile. Isẹẹ.

Ndị Kọrẹntị Ibuzọ 15:5

nị Kẹfasị wụ Pita a hụnghọ a k'o lihigụ; uwẹ Mmẹbụọ wụ ndị-ozi pụ-ichẹn nọzị hụn a.

Ndị Ẹfẹsọsụ 2:14

Makẹni, Kraịstị lẹ enwẹn ẹ e wẹhẹgụọnị ẹnyi udọn: o mẹgụọ ndị Ju lẹ ndị alị ọzọ wụrụ ohu. O gigụọ ẹhụ a lẹ ọnwụn a titu mgbọn te kebeni wẹ e buhẹ eṅẹnrẹn,

Ndị Ẹfẹsọsụ 6:23

Udọn Chuku-Nẹdi lẹ Di-nwọnni-ẹnyi wụ Jesu Kristi lẹ ihiẹn-ọsụsụọ ya lẹ okukwe wị ya rịnị ndị nke Kraịstị ile.

Ndị Filipi 1:2

Ẹfọma lẹ udọn hụn gha ẹka Chuku Nẹdi ẹnyi lẹ Di-nwọnni-ẹnyi Jesu Kristi bịa ya rịnị ụnụ.

Ndị Tẹsalonika Nke Ẹbụọ 3:16

Di-nwọnni-ẹnyi lẹ enwẹn ẹ, Onyẹ hụn udọn gha ẹka a a bịa, ya ye ụnụ udọn ogẹn ile lẹ ụzọ ile. Di-nwọnni-ẹnyi ya nọyeni ụnụ ile.

Hibru 7:2

Ebraham nọ kebe ihiẹn ile ọ bulụa agha ụzọ iri, we ụzọ ohu ye Mẹkizẹdẹkị. Nke ibuzọ, ẹfannị wụ Mẹkizẹdẹkị wụ “Eze Ezi-omumẹ”. Ọzọzị, Mẹkizẹdẹkịnị wụzị eze Salẹm, ya wụ “Eze Udọn.”

Jọnụ Nke Ẹtọ 1:14

m rị a tụ ẹnya nị m jẹnkọ d'a hụn ị ẹgwa, kẹni ẹnyi ku elee-m, elee-i.

Rẹvẹleshọnụ 1:4

Jọnụ rị e dejẹnni ụka ẹsa rị Ẹgbẹrẹ Eshịa ẹkụkwọnị. Ẹfọma lẹ udọn ya rịnị ụnụ, ẹfọma lẹ udọn onyẹ ahụn rị kikẹnni, Onyẹ ahụn rị mbụ, Onyẹ ahụn lalanị lẹ Mmọn ẹsa rị ihun ukpo ẹ