Jọnụ 19:5 - Ika

⁵ Ya Jizọsị nọ pụha: o kpuhụ okpu ogun; o yihụ ẹwuru okẹn-ịhịan hụ wẹ yimẹ ẹ. Paịleti nọ sị wẹ, “Lee ni okẹnnyẹ hụ ebeni!”

Jọnụ 19:5 ပူးပေါင်းရင်းမြစ်များ

Azaya 40:9

Ịyụ hụn wẹhẹni Zayọnụ ozi rị mma, nyinrin nwan ugu jẹn elu n'ị hị. Ịyụ hụn wẹhẹni Jerusalẹm ozi rị mma, weshi olu elu yikẹnmẹ oro! Weshi olu elu — atụlẹ egun; sị obodo ndị rị Juda: “Lee ni Chuku ụnụ!”

Azaya 43:1

Ka lee nwan ihiẹn Osolobuẹ ku — Osolobuẹ hụn ke ịyụ wụ Jekọpụ, Osolobuẹ hụn kpụ ịyụ wụ Izrẹlụ: “Atụlẹ egun, a gbarịgụọ m'ị; a kpọgụọ m'ị ẹfan, họrị ị; nke m kẹ ị wụ.

Azaya 7:14

Osolobuẹ lẹ enwẹn ẹ jẹnkọ nwan d'a ghọsị ụnụ ahịma: Lee ẹ, nwagbọọ kelẹni marịn okẹnnyẹ jẹnkọ d'a tụrụ imẹ, mụ okẹnnyẹ, a gụn w'a Imanuẹlụ

Ẹkwan 1:12

Onwọnni ihiẹn ọ wụ ụnụ ẹnya — ụnụ ile ndị rị a ghafeni? Lehunmẹ ni ẹnya nị ụnụ hụn: O nwọnghọ afụnfụn nọ kẹ afụnfụn wẹ ye m, afụnfụn hụn Osolobuẹ ye m ogẹn o gi ghọsị okẹn iwe rị e wen'ẹ?

Matiu 27:29

Wẹ nọ gi ogun kpa okpu-eze, bu ẹ che ẹ isi, bu ọkpọ che ẹ ẹka-ihiẹn; e gbun'ẹ osekpu, e gi ẹ e gu egu, a sị a, “Agụ!! Eze ndị Ju!!”

Jọnụ 1:29

Eki e fọn, Jọnụ nọ hụn Jizọsị k'ọ lala, Jọnụ nọ sị, “Lee n'ẹ! Ọnwan wụ Nwa-ebulu Osolobuẹ hụn e wepụ njọ ụwa!

Jọnụ 19:2

Ndị-agha hụ nọ kpagiri ogun, gi ẹ kpa okpu-eze, bu ẹ che ẹ isi; ya wẹ nọ yimẹ ẹ ẹwuru okẹn-ịhịan.

Hibru 12:2

ẹnyi e bu ẹnya zinmẹ Jizọsị, onyẹ hụn bidọn okukwe ẹnyi, onyẹ hụn k'e mẹ ẹ zu oke, onyẹ hụn gi ufiri ịghọghọ rị e chen'ẹ dingbu obe, legberi ifẹnrẹn rịn'a. Ọ nọdịgụọ nwan alị ẹka-nni ukpo-eze Osolobuẹ.