Jọnụ 17:14 - Ika

¹⁴ “E yegụọ m wẹ oku i, ize wẹ a ban ụwa — makẹni ẹlẹ wẹ nke ụwa, nọkẹ kẹ o dọn mẹ ni mmẹ lẹ enwẹn m ẹlẹ nke ụwa.

Jọnụ 17:14 ပူးပေါင်းရင်းမြစ်များ

Jẹnẹsisi 3:15

“M k'e mẹ ịyụ lẹ okpohoni wụrụ eṅẹnrẹn, mẹzikwọ nwa ị lẹ nwa a wụrụ eṅẹnrẹn. Nwa a k'a zọkpọ ị isi; yụ nwẹn k'a ta nwa a atụ-ụkụ azụụn.”

Itẹn 29:27

Ndị eje-omumẹ wụ ihiẹn rụnị ẹnya ndị ezi-omumẹ; ndị ezi-omumẹ wụzịkwọ ihiẹn rụnị ẹnya ndị eje-omumẹ.

Zẹkaraya 11:8

Imẹ ifọn ohu, a zapụ m madụ ẹtọ hụn rị e duni wẹ, makẹni asazịnị m ẹka din wẹ lẹzi makẹni ihiẹn m asụọnị wẹ.

Makị 10:39

Wẹ nọ sị a, “Ẹnyi jẹnkọ d'a s'ẹka.” Jesu nọ sị wẹ, “Ezioku-ezioku, ụnụ jẹnkọ d'a ra mkpu afụnfụn m sikọ d'a ra, ri ụya m jẹnkọ d'e ri;

Jọnụ 17:16

Ẹlẹ wẹ nke ụwa — nọkẹ kẹ o dọn mẹ ni mmẹ nwẹn ẹlẹ nke ụwa.

Jọnụ 17:8

makẹlẹ a gwagụọ m wẹ ihiẹn ndị hụ ị sị m gwa wẹ. A nabanhangụọ wẹ oku ndị hụ; a marịngụọ wẹ nwan nị m gha ebe ị rị bịa nke-esi. E kwerigụọ wẹ nị yụ zihẹ m.

Jọnụ 7:7

Ize ụnụ ezekọ ụwa, kanị ize m rị e ze wẹ, makẹlẹ m rị e ku ẹ nị wẹ rị e mẹ eje-ihiẹn.

Jọnụ 8:23

Jizọsị nọ sị wẹ, “Ụnụ gha ibe alị bịa, kalẹ m gha elu bịa; ụnụ wụ nke ụwanị, kanị ẹlẹ m nke ụwanị.

Jọnụ Ibuzọ 3:12

Ẹnyi anọkọkwọ kẹ Keni hụn rị azụụn nke Eje-onyẹ hụ, o gbu nwẹnẹ ẹ. K'o gbuni nwan nwẹnẹ ẹ? Makẹni ya nwẹn mẹ eje-ihiẹn, nwẹnẹ ẹ mẹ ihiẹn rị mma.

Jọnụ Ibuzọ 3:13

Umunẹ m, y'a tụlẹ ụnụ ẹnya nị ize ụnụ rị e ze ụwa.