Jọnụ 16:27 - Ika

²⁷ makẹni Chuku-Nẹdi lẹ enwẹn ẹ nwọn ihiẹn-ọsụsụọ ụnụ. Ihiẹn ụnụ a sụọ a makẹni ihiẹn m a sụọ ụnụ asụọ lẹzi makẹni ụnụ kweri nị m gha ebe Chuku rị bịa.

Jọnụ 16:27 ပူးပေါင်းရင်းမြစ်များ

Zẹfanaya 3:17

Osolobuẹ hụn wụ Chuku ụnụ nọyeni ụnụ anọyeni! Odogun hụn a zụọnị k'ọ wụ! Yụ wụ Jerusalẹm k'a rị a sụọ a, e mẹ ẹ a ghọghọ. O k'e gi ihiẹn-ọsụsụọ a gba Jerusalẹm umẹ. O k'e gi i a ṅan, a bụshi ẹbụ elu.”

Matiu 10:37

“Onyẹ hụn nwọn ihiẹn-ọsụsụọ nẹdi ẹ mọbụ nnẹ ẹ karị hụn o nwọnni m efuruni m; onyẹ ọwụlẹ nwọn ihiẹn-ọsụsụọ nwa a okẹnnyẹ mọbụ nwa a okpoho karị hụn o nwọnni m efuruni m.

Jọnụ 14:21

Onyẹ a nụ ihiẹn m ku, e gi wẹ e bi, ịya kẹ ihiẹn m a sụọ. Onyẹ ihiẹn m a sụọ kẹ ihiẹn ẹ k'a sụọ Nẹdi m; ihiẹn ẹ k'a sụọzịkwọ mmẹ nwẹn, e we m enwẹn m ghọsị a.”

Jọnụ 14:23

Jesu nọ za a, “Onyẹ ọwụlẹ ihiẹn m a sụọ jẹnkọ d'e mẹ ihiẹn m ku. Ihiẹn ẹ k'a gha a sụọ Nẹdi m, mmẹ lẹ Nẹdi m a bịa d'e kunrun ẹ, du ẹ biri.

Jọnụ 16:30

Echẹn kẹ ẹnyi marịn nwan n'ị marịn ihiẹn ile, n'o nwọnni onyẹ furu n'ọ jụ ị ajụjụ; ọnwan kẹ ẹnyi gi kweri n'ị gha ebe Osolobuẹ rị bịa.”

Jọnụ 17:23

kẹni ọ wụrụ nị mmẹ nwẹn hụ imẹ wẹ, yụ nwẹn hụ imẹ m; a wụrụchanrịn wẹ ohu, ụwa e gi ẹ marịn nị ịyụ zihẹ m lẹni y'e nwọnghọ ihiẹn-ọsụsụọ wẹ k'i dọn nwọn ihiẹn-ọsụsụọ m.

Jọnụ 2:11

Imẹ Kana rị Galili kẹ Jesu nọ rụn ọrụn-atụmẹnya ibuzọnị o gi ghọsị onyẹ ọ wụ, ndị nsọnmazụụn a nọ kwerin'ẹ.

Jọnụ 3:13

Onwọnni onyẹ jẹntu elu-igwee wezụka onyẹ hụn gha elu-igwee bịa — mmẹ Nwa nke Ịhịan.

Jọnụ 7:29

Mmẹ nwẹn a marịnghọ a makẹni ebe ọ rị kẹ m gha bịa; ịya zihẹ m.”

Jọnụ 8:42

Jizọsị nọ sị wẹ, “Omẹni Osolobuẹ te wụ Nẹdi ụnụ, nkẹ ihiẹn m a sụọ ụnụ, makẹni m gha ẹka Osolobuẹ bịa; ịya mẹ m nwan rị ebeni. Ẹlẹ mmẹ gi ihiẹn ẹka m bịa, ịya zihẹ m.

Ndị Rom 8:3

Makẹni, ihiẹn nwẹn Iwu Mozizi salẹni ẹka mẹ yeni ndụn arị ịhịan, Osolobuẹ e mẹgụọ a nwan ghahanị izihẹ Nwa a nọkẹ ịhịan mmaka hụn ndị-njọ wụ, kẹni o wepụ njọ, Osolobuẹ nọ gi ẹ ma njọ rị imẹ ịhịan ikpe.

Ndị Kọrẹntị Ibuzọ 15:47

Onyẹ ibuzọ hụ gha ụwanị bịa, onyẹ wẹ gi ẹjan mẹmẹ rọ; hụn-ẹbọ gha elu-igwee bịa.

Ndị Kọrẹntị Ibuzọ 16:22

Ịbụ-ọnụ ya rịnị onyẹ ọwụlẹ ihiẹn Di-nwọnni-ẹnyi ghalẹni a sụọ! Di-nwọnni-ẹnyi, bịa!

Ndị Kọrẹntị Nke Ẹbụọ 5:14

Ihiẹn-ọsụsụọ Kraịstị rị e nu ẹnyi, makẹni o wegụọ ẹnyi ẹnya nị, ebe o mẹ ni onyẹ ohu a nwụnhụngụọnị ịhịan ile ọnwụn, ya wụ nị ịhịan ile a nwụnhụngụọ.

Ndị Galeshịa 4:4

Kanị ogẹn e zu, Osolobuẹ nọ zihẹ Nwa a: okpoho mụ a; wẹ mụ a ye okpuru Iwu.

Ndị Ẹfẹsọsụ 6:24

Ẹfọma Osolobuẹ ya rịnị ndị ile nwọn ihiẹn-ọsụsụọ Onyẹ-nwọnni-ẹnyi wụ Jesu Kristi — ihiẹn-ọsụsụọ hụn ghalẹni a gụ.

Timoti Ibuzọ 1:15

Okuni wụ ezioku furu w'a nabanhanchanrịn: “Kraịstị wụ Jizọsị bịa imẹ ụwa d'a zụọpụha ndị njọ” hụn o mẹ ni mmẹ kachanrịn njọ imẹ wẹ ile.

Hibru 12:6

makẹni, onyẹ Di-nwọnni-ẹnyi nwọn ihiẹn-ọsụsụọ a k'o gi afụnfụn a zụn; onyẹ hụn ọ nabanhan kẹ nwa k'ọ fịan mkpịnsịn.”

Pita Ibuzọ 1:8

Ihiẹn Jizọsị rị nwan a sụọ ụnụ, ọsụọn'a nị ụnụ eleghatun'ẹ; ụnụ kwerin'ẹ, ọsụọn'a nị ụnụ arị nwan e legha a; ụnụ hụ nwan a ghọghọ ọda-ọda, okẹn ịghọghọ ọnụ ghalẹni a s'ẹka a kọwa,

Jọnụ Ibuzọ 4:19

Ẹnyi rị nwan e nwọn ihiẹn-ọsụsụọ makẹni o buọlẹ ụzọ nwọn ihiẹn-ọsụsụọ ẹnyi.

Rẹvẹleshọnụ 3:19

“Ndị ihiẹn wẹ sụọ m kẹ m'a jụgbọ, a fịan mkpịnsịn. Mẹ ngwa bihutọ ẹka.

Rẹvẹleshọnụ 3:9

“Lee ẹ! M k'e wẹhẹ ndị ụlọ-ofufe Ekwensụ ahụn, ndị ntụ ahụn a kpọ enwẹn wẹ ndị Ju bụ ẹlẹ wẹ ndị Ju, a bịa wẹ ụkụ ị d'a kụnị ị isi alị, kẹni wẹ hụn ụzọ marịn nị ihiẹn i sụọ m.