Jọnụ 16:14 - Ika

¹⁴ O jẹnkọ d'e ye m ọghọ, makẹni o k'e weri ihiẹn m k'e ye ẹ, gwa ụnụ.

Jọnụ 16:14 ပူးပေါင်းရင်းမြစ်များ

Zẹkaraya 12:10

M k'e hu mmọn omikẹn lẹ arịrịọ ye ebọn eze-Defidi lẹ ndị bi Jerusalẹm obi, nke wụnị, wẹ k'e lee m ẹnya, onyẹ hụn wẹ dụn ihiẹn, a kwannị w'a ẹkwan kẹ ịhịan a kwan akpụ nwa ohu ọ mụ; wẹ k'a kwangbu enwẹn wẹ nọkẹ onyẹ okẹnnyẹ ibuzọ a nwụnnahịn.

Jọnụ 14:21

Onyẹ a nụ ihiẹn m ku, e gi wẹ e bi, ịya kẹ ihiẹn m a sụọ. Onyẹ ihiẹn m a sụọ kẹ ihiẹn ẹ k'a sụọ Nẹdi m; ihiẹn ẹ k'a sụọzịkwọ mmẹ nwẹn, e we m enwẹn m ghọsị a.”

Jọnụ 15:26

“Onyẹ Eyemẹka ahụn Chuku-nẹdi k'e ye m zihẹni ụnụ bịa, ịya sikọ d'e ku oku m: Mmọn-nsọ hụn a ghọsị ezioku rọ, hụn gha imẹ Chuku-nẹdi lala.

Jọnụ 7:39

Jizọsị gi ẹ e ku oku Mmọn-nsọ hụn ndị kwerinin'ẹ jẹnkọ d'e nwọnhẹn. Wẹ eke ye wẹ Mmọn-nsọ ogẹn hụ makẹni Jesu eke nwụnhụn lihi nwọnrin ọghọ a.

Ndị Kọrẹntị Ibuzọ 12:3

M chọ nwan n'o we ụnụ ẹnya nị onwọnni onyẹ gi ikẹn Mmọn Osolobuẹ e ku hụn a sị, “Jesu arị mma.” Onwọnzikwọnị onyẹ k'a saẹka sị, “Jesu wụ Di-nwọnni-ẹnyi” mmanị Mmọn-nsọ mẹ ẹ ku ẹ.

Ndị Kọrẹntị Nke Ẹbụọ 4:6

Makẹni, Osolobuẹ hụn sị, “Ukpẹ ya nwunmẹ ebe ishi rị” e nwun nwangụọ nwan imẹ obi ẹnyi hụn ẹnyi gi saẹka legha ọghọ Osolobuẹ ihun Kraịstị.

Ndị Galeshịa 5:5

Kanị, okukwe lẹ ikẹn Mmọn-nsọ kẹ ẹnyi nwẹn rị e gi che nị Osolobuẹ kuni ẹnyi ọhụnma ahụn ẹnyi rị a tụ ẹnya a.

Pita Ibuzọ 2:7

Ya wụ, ọmụma ahụn rị ụnụ nwẹn kwerini mkpa ọda-ọda; kanị nke ndị hụn kwerilẹni — “Ọmụma ndị rị a tụn ụlọ jụ, a wụrụọlẹ hụn gi ụlọ!”

Jọnụ Ibuzọ 3:23

Ọnwan wụ iwu ẹ: nị ẹnyi k'e kweri ni ẹfan Nwa a wụ Jesu Kristi lẹ ni ẹnyi k'e nwọn ihiẹn-ọsụsụọ ibe ẹnyi — nọkẹ k'o dọn gwa ẹnyi.

Jọnụ Ibuzọ 5:20

Ẹnyi a marịnghọ nị Nwa Osolobuẹ a bịagụọ, n'o yegụọ ẹnyi nghọta hụn ẹnyi e gi marịn onyẹ ahụn wụ Ezioku. Ẹnyi rị nwan imẹ onyẹ ahụn wụ Ezioku lẹ Nwa a wụ Jesu Kristi. Ịya wụ Osolobuẹ nke-esi lẹ ndụn-itẹbitẹ.

Jọnụ Ibuzọ 5:6

Jizọs Kraịstịnị gi mirin lẹ ẹdeke ghọsị onyẹ ọ wụ. Ẹlẹ mirin sụọ, kanị mirin lẹ ẹdeke. Mmọn-nsọ lẹ enwẹn ẹ rị a shịa ẹrini, makẹni Mmọn-nsọ wụ Onyẹ ezioku.

Rẹvẹleshọnụ 19:10

Ya m nọ gbu osekpu ụkụ a kẹni m kụn'a isi alị. Kanị, ọ nọ sị m, “Emẹkwọlẹ a! M wụhụ odibo nọkẹ yụ lẹ umunẹ i, ndị ile kwọndọn oku Jesu. Kụ nị Osolobuẹ sụọ isi alị, makẹni ozi Jesu wụ nkọwa ihiẹn ile ndị-amụma ku.”