Jọnụ 15:18 - Ika

¹⁸ “Ize ụnụ zemẹ ụwa, nyanhankwọ nị nị ize m bu ụzọ ze ụwa.

Jọnụ 15:18 ပူးပေါင်းရင်းမြစ်များ

Ndị-nze Nke Ibuzọ 22:8

Eze Izrẹlụ nọ sị Jehoshẹfatị, “O nwọnghọ okẹnnyẹ ohu họdụnị hụn nkẹ ẹnyi a jụ uche Osolobuẹ; kanị ize ẹ e ze m makẹni o butunini m amụma rị mma, eje-ihiẹn eje-ihiẹn sụọ. Ẹfan a wụ Maịkaya nwa Imla.” Jehoshẹfatị nọ sị a, “Ekulẹ ẹrịra, eze.”

Itẹn 29:27

Ndị eje-omumẹ wụ ihiẹn rụnị ẹnya ndị ezi-omumẹ; ndị ezi-omumẹ wụzịkwọ ihiẹn rụnị ẹnya ndị eje-omumẹ.

Azaya 49:7

Lee ihiẹn Osolobuẹ ku, Osolobuẹ, Onyẹ-mgbapụha lẹ Onyẹ-nsọ Izrẹlụ: ọ rị a gwa onyẹ hụn alịnị ile legberi, jụ, onyẹ hụn wụ igbọn ndị-nze: ọ sị, “Ndị-nze k'a hụn ị, lihin'i ọtọ; ndị-ọkịkị k'a hụn ị, kụn'ị isi alị, makẹni Osolobuẹ hụn furu wẹ gi e dọn ẹnya k'e mẹ ẹ, Onyẹ-nsọ Izrẹlụ hụn họrịn'ị k'e mẹ ẹ.”

Azaya 53:3

Wẹ lelịa a elelịa, jụ a; nsọngbu-nsọngbu lẹ afụnfụn wẹ gi a gbanị ịhịan ọsọ k'ọ hụnsọnmẹ. Wẹ legberi ẹ elegberi; onwọndẹni ihiẹn ẹnyi kpọ a.

Azaya 66:5

Nụ nị nwan oku Osolobuẹ, ụnụ ndị a nụ oku ẹ, e mẹhunmẹ! Umunẹ ụnụ hụn rị e ze ize ụnụ, e nu ụnụ e ye ụsụọ makẹ ufiri ẹfan m, a sịgụọ, “Osolobuẹ ya ghọsịkwọ ikẹn ẹ, kẹni ẹnyi hụn ịghọghọ ụnụ!” Kanị, uwẹ kẹ ifẹnrẹn jẹnkọ d'e mẹ.

Zẹkaraya 11:8

Imẹ ifọn ohu, a zapụ m madụ ẹtọ hụn rị e duni wẹ, makẹni asazịnị m ẹka din wẹ lẹzi makẹni ihiẹn m asụọnị wẹ.

Matiu 10:22

Ize ụnụ k'a ban ịhịan ile makẹ ufiri ẹfan m, kanị onyẹ hụn din ndidin d'e ru isi ẹ jẹnkọ d'e nwọn nzụọpụha.

Matiu 24:9

“Ogẹn hụ, wẹ k'e mẹshi ụnụ ikẹn, gbudẹ ụnụ; ize ụnụ jẹnkọ d'a ban alị ndị ọzọ makẹni ụnụ rị a za ẹfan m.

Matiu 5:11

“Ngọzi wụ nke ụnụ wẹ gha a kpari ụnụ, e kpokpo ụnụ, e gi ufiri m e buo ụnụ eje-ihiẹn ile rị ichẹn-ichẹn.

Makị 13:13

Ize ụnụ jẹnkọ d'a ban ịhịan ile makẹ ufiri m. Kanị onyẹ din ndidin d'e ru njẹndemẹ kẹ Osolobuẹ sikọ d'a zụọpụha.

Luku 6:22

Ngọzi wụ nke ụnụ wẹ gha e gi ufiri Nwa nke ịhịan e ze ize ụnụ, e nu ụnụ e ye ụsụọ, a kpari ụnụ, e ye ụnụ ẹjan ẹfan!

Jọnụ 16:1

“A gwatọgụọ m ụnụ ihiẹn ndịnị amamgbe ụnụ a danpụ imẹ okukwe.

Jọnụ 16:33

A gwagụọ m ụnụ ihiẹn ndịnị kẹni obi gi ufiri m ru ụnụ alị. Imẹ ụwa, ụnụ jẹnkọ d'e nwọn nsọngbu; ka kwọndọn ni obi ụnụ, n'e mẹrigụọ m ụwa!”

Jọnụ 3:20

Ndị ile e mẹ eje-ihiẹn ara chọ nị wẹ gi ẹnya hụn ukpẹ; w'a ra bịa ebe ukpẹ rị amamgbe eje-ihiẹn wẹ rị e mẹ a pụha ifọn.

Jọnụ 7:7

Ize ụnụ ezekọ ụwa, kanị ize m rị e ze wẹ, makẹlẹ m rị e ku ẹ nị wẹ rị e mẹ eje-ihiẹn.

Ọrụn Ndị-ozi 14:22

wẹ hụ e jẹn, wẹ hụ a gba ndị nke Jesu rị imẹ obodo ndịnị umẹ; a gwa wẹ kwọnkẹnmẹ okukwe wẹ kwerini Kraịstị, nị “Ẹnyi k'a tarịrị afụnfụn bu ọda omẹni ẹnyi jẹnkọ d'a banye Alị-eze Osolobuẹ.”

Hibru 12:2

ẹnyi e bu ẹnya zinmẹ Jizọsị, onyẹ hụn bidọn okukwe ẹnyi, onyẹ hụn k'e mẹ ẹ zu oke, onyẹ hụn gi ufiri ịghọghọ rị e chen'ẹ dingbu obe, legberi ifẹnrẹn rịn'a. Ọ nọdịgụọ nwan alị ẹka-nni ukpo-eze Osolobuẹ.

Jemisi 4:4

Ndị ẹnya rịlẹni ụzọ ohu! Ụnụ amarịn nị ọwụ ụwa wụ eṅẹnrẹn Osolobuẹ? Ya wụ, onyẹ chọ n'ọ wụrụ ọwụ ụwa o họnrin eṅẹnrẹn Osolobuẹ.

Jọnụ Ibuzọ 3:1

Lee ni kẹ Chuku-Nẹdi nwọnhan ihiẹn-ọsụsụọ ẹnyi — nke wụ nị ọ kpọ ẹnyi ụmụ Osolobuẹ! Ịya kẹ ẹnyi wụ ezioku-ezioku! Ihiẹn ụwa gilẹni marịn ẹnyi wụ nị ụwa amarịnn'a.

Jọnụ Ibuzọ 3:13

Umunẹ m, y'a tụlẹ ụnụ ẹnya nị ize ụnụ rị e ze ụwa.

Jọnụ Ibuzọ 3:3

Ndị ile nwọn olilẹnyanị imẹ obi wẹ e dọnmẹ enwẹn wẹ ọchan kẹ ya lẹ enwẹn ẹ dọn rị ọchan.