Jọnụ 15:15 - Ika

¹⁵ Arịzị m a kpọ ụnụ igbọn, makẹlẹ igbọn amarịn ihiẹn di-nwọnn'ẹ rị e mẹ. Ọwụ kẹ m kpọ ụnụ, makẹni a gwagụọ m ụnụ ihiẹn ile m nụ ọnụ Nẹdi m.

Jọnụ 15:15 ပူးပေါင်းရင်းမြစ်များ

Ẹbụ-ọma 25:14

Ndị a tụ egun Osolobuẹ k'ọ gwa uche ẹ, o mẹ wẹ a ghọta Iwu ẹ.

Itẹn 18:24

Ịhịan nwọn ikẹn la iwi ọsụọn'a n'o nwọnghọ ndị ọwụ bu ọda — kanị o nwọnghọ ọwụ ka nwẹnẹ.

Emọsụ 3:7

Ezioku-ezioku, Di-nwọnni-ẹnyi wụ Osolobuẹ ara mẹ ihiẹn-anaị bụ ọ ghọsịgụnị idibo ẹ ndị-amụma ihiẹn o bu obi.

Matiu 13:11

Ọ sị wẹ, “Nke ụnụ, e yegụọ wẹ ụnụ oghere ịmarịn banyeni ihiẹn-nzuzue Alị-eze elu-igwee, kanị eyeni wẹ wẹ oghere hụ.

Luku 10:23

Jizọsị e kugụ ihiẹnni, ọ nọ gbehutọ, bu ihun zinmẹ ndị nsọnmazụụn a, kagwa wẹ, sị, “Ẹnya rị a hụn ihiẹn ndịnị ụnụ rị a hụn e nwọnkẹ ngọzi!

Jọnụ 12:26

Onyẹ chọ n'ọ gbanị m odibo ya sọnmẹ m, nị ebe m rị kẹ odibo m k'a rị; Nẹdi m jẹnkọ d'e ye onyẹ k'a gbanị m odibo ọghọ.

Jọnụ 13:16

Ezioku kẹ m rị a gwa ụnụ, odibo ara ka onyẹ nwọnn'ẹ; onyẹ wẹ zi ozi ara ka onyẹ zin'ẹ.

Jọnụ 15:20

Nyanhan nị ihiẹn m gwa ụnụ, nị, ‘Odibo ara ka di-nwọnn'ẹ.’ Omẹni wẹ kpokpo m ekpokpo, wẹ sikọ d'e kpokpo ụnụ nwẹn; omẹni wẹ mẹ ihiẹn m ku, wẹ jẹnkọ d'e mẹzi ihiẹn ụnụ ku.

Jọnụ 16:12

“M nwọn ihiẹn bu ọda nkẹ m'a gwazị ụnụ, kanị isi ụnụ as'ẹka bu ẹ kikẹnni.

Jọnụ 17:26

E mẹgụọ m wẹ marịn ị; m k'a gha e mẹ wẹ a marịn ị, kẹni ihiẹn-ọsụsụọ m i nwọn hụn ụzọ rị imẹ wẹ lẹni mmẹ nwẹn rịzị imẹ wẹ.”

Jọnụ 20:17

Jesu nọ sị a, “Eke kwọndọnlẹ m ẹka, makẹni m'e ke jẹn elu-igwee d'e kunrun Chuku-Nẹdi. Ka jẹn d'e kunrun umunẹ m, y'a sị wẹ, ‘M lakọ elu-igwee d'e kunrun Nẹdi m hụn wụzị Nẹdi ụnụ, Osolobuẹ m hụn wụzị Osolobuẹ ụnụ.’ ”

Jọnụ 4:19

Okpoho hụ nọ sị a, “Diọkpa, a hụnọlẹ m'a nị ị wụ onyẹ-amụma.

Jọnụ 8:26

M nwọn ihiẹn bu ọda nkẹ m'e ku ma ụnụ ikpe; kanị, onyẹ zihẹni m furu wẹ gi e dọn ẹnya, m'a gwahụ ụwa ihiẹn m nụ ọnụ a.”

Ọrụn Ndị-ozi 20:27

A gwachanrịngụọ m ụnụ ihiẹn ile wụ uche Osolobuẹ k'ọ nọ — eserini m isi latọ hụn ọwụlẹ.

Ndị Rom 7:15

M'a ra ghọta ihiẹn m rị e mẹ. Makẹni, m'a ra mẹ ihiẹn m chọ nị m mẹ, kama, ihiẹn e ze m ize kẹ m'e mẹ.

Ndị Kọrẹntị Ibuzọ 2:16

Ya kẹ Ẹkụkwọ-nsọ gi sị, “Onyẹ marịn obi Di-nwọnni-ẹnyi? Onyẹ k'a saẹka dụn a ọdụn?” Kanị ẹnyi nwẹn e nwọnghọ obi Kraịstị.

Ndị Galeshịa 4:6

Makẹni ụnụ wụ ụmụ, Osolobuẹ nọ zihẹ Mmọn Nwa a ye imẹ obi ẹnyi; ọ hụ imẹ ẹnyi a hị, “Baba! Baba nẹdi m!”

Ndị Ẹfẹsọsụ 1:9

Ọ nọ nwan mẹ ẹnyi marịn ihiẹn o zuemẹye imẹ obi ẹ, ihiẹn hụn o rotọ n'o jẹnkọ d'a rụnpụha imẹ Kraịstị.

Ndị Ẹfẹsọsụ 3:5

Osolobuẹ aghọsịnị ndị mbụ ya k'o dọn nwan ghọsị ndị-ozi nsọ a pụ-ichẹn lẹ ndị-amụma nsọ a ya ogẹnni ghahanị Mmọn-nsọ.

Ndị Kolosị 1:26

mẹ wẹ marịn ihiẹn-omimi hụ Osolobuẹ zuemẹ ketekete, hụn agbọ ile ghafegụnị marịnlẹni, kanị o kpupụ a nwan ghọsị ndị nke ẹ.

Filemọnụ 1:16

ẹlẹzi nọkẹ igbọn, kanị nọkẹ ezigbo nwẹnẹ, hụn ka igbọn. Nwẹnẹ k'ọ wụ, tụmadụ ebe m rị, kanị ịyụ k'ọ ka a wụ nwẹnẹ ẹ — kẹ elu-ụwa kẹ imẹ Di-nwọnni-ẹnyi.

Jemisi 1:1

Mmẹ wụ Jemisi de ẹkụkwọ-ozini. M wụ igbọn Osolobuẹ lẹ Di-nwọnni-ẹnyi wụ Jesu Kristi. M rị e dejẹnni ụmụ ebọn mmẹbụọ alị Izrẹlụ rị alị ndị ọzọ; e kele m ụnụ!

Jemisi 2:23

Ya kẹ ihiẹn hụ Ẹkụkwọ-nsọ ku nọ mẹ: nị “Ebraham kweyeni Osolobuẹ, Osolobuẹ nọ gụn a yen'ẹ, kpọ a onyẹ ezi-omumẹ, kpọ a ọwụ Osolobuẹ.”

Pita Ibuzọ 1:11

a jụ enwẹn wẹ ihiẹn Mmọn Kraịstị rị imẹ wẹ rị e ku ebe ọ nọ gwatọ wẹ afụnfụn Kraịstị k'a ta lẹ ọghọ k'e sọnn'ẹ, a jụ enwẹn wẹ onyẹ ọ rị e ku lẹ ogẹn o jẹnkọ d'e gi mẹ.

Pita Nke Ẹbụọ 1:1

Mmẹ, Simiọnụ wụ Pita, de ẹkụkwọ-ozini. M wụ igbọn Jizọsị Kraịstị; m wụzịkwọ onyẹ-ozi ẹ pụ-ichẹn. M rị e dejẹnni ndị Osolobuẹ ye ẹnyi lẹ wẹ okukwe ohu ahụn rị okẹn mkpa ghahanị ezi-omumẹ Jesu Kristi hụn wụ Osolobuẹ ẹnyi lẹ Onyẹ-nzụọpụha ẹnyi.

Judu 1:1

Mmẹ wụ Judu de ẹkụkwọ-ozini. M wụ igbọn Jesu Kristi. M wụzịkwọ nwẹnẹ Jemisi. M rị e dejẹnni ndị ahụn Osolobuẹ họrị, ndị ahụn rị Chuku-Nẹdi obi, ndị ahụn Jesu Kristi dọnmẹ:

Rẹvẹleshọnụ 1:1

Ihiẹn ndịnị kẹ Jizọsị Kraịstị ghọsị odibo ẹ wụ Jọnụ. Osolobuẹ we ihiẹn ndịnị ye Jizọsị, kẹni o we wẹ ghọsị idibo ẹ, kẹni wẹ hụn ụzọ marịn ihiẹn jẹnkọ d'e mẹ ẹhụ-nsue. Kraịstị e wepụhagụọ a ifọn ghahanị izihẹ mmọn-ozi ẹ d'a ghọsị odibo ẹ wụ Jọnụ ya.